https://sputnik.tj/20260710/nigaron-vazorati-kishovarzi-kambudi-sukht-1078909726.html
"Мо ҳам ба шиддат нигарон ҳастем" – вазорати кишоварзӣ дар бораи камбуди сӯхт
"Мо ҳам ба шиддат нигарон ҳастем" – вазорати кишоварзӣ дар бораи камбуди сӯхт
Sputnik Тоҷикистон
Вазорати кишоварзии Тоҷикистон нигарониҳои худро аз афзоиши қимат ва ташдиди камбуди сӯхт иброз кард.
2026-07-10T19:41+0500
2026-07-10T19:41+0500
2026-07-10T19:41+0500
дар тоҷикистон
кишоварзӣ
сӯзишворӣ
кишт
буҳрон
русия
https://cdnn1.img.sputnik.tj/img/07e5/03/19/1033071594_0:0:3077:1731_1920x0_80_0_0_187e0575bf03c9adc904edc3c5b050f3.jpg
ДУШАНБЕ, 10 июл - Sputnik. Ба гуфтаи раҳбарии ин вазорат, иттикои сирф ба захоири давлатӣ кофӣ нест ва бояд сӯхт аз манобеи ҷойгузин низ ворид шавад.Нуралӣ Асозода, муовини аввали вазири кишоварзии Тоҷикистон, дар нишасти хабарӣ дар посух ба пурсиши Sputnik Тоҷикистон гуфт, ки ин вазорат таҳлили худро ҳанӯз дар рӯзи 22 моҳи май ба давлати Тоҷикистон ироа карда ва вазъияти имрӯзро пешбинӣ карда буд.Ба гуфтаи ӯ, дар он замон дар Агентии захоири моддии давлатии ҳукумати Тоҷикистон, агар қимати давлатии сӯхти дизел 11 сомонӣ буд, акнун ба 13 сомонӣ расидааст, яъне 18,1 дарсад афзоиш ёфтааст. Қимати бензини 92 низ, ки 9 сомонӣ ва 70 дирам буд, акнун ба 10 сомонӣ ва 70 дирам расида, ки афзоиши он 10,3 дарсад аст.Ӯ афзуд, ки акнун авҷи фасли корҳои кишоварзӣ аст, аз ҷумла бардошти ғаллот, кишти такрорӣ ва захирасозии хӯроки чорво, ки дар ҳамаи манотиқ, вобаста ба шароити иқлимӣ, дар ҷараён аст ё ба зудӣ оғоз хоҳад шуд.“Ман шахсан бо масъулони Агентии захоири моддии давлатӣ гуфтугӯ кардам ва онҳо ба мо гуфтанд, ки дар марокизи ин Агентӣ дар Суғд, Рашт, Бадахшон ва Хатлон марокизи фурӯш дорем ва сӯхтро бо ҳамин қиматҳо арза мекунем. Агар кишоварзон муроҷиа кунанд, метавонанд бо ҳамин қиматҳо сӯхт дарёфт кунанд”, - гуфт муовини аввали вазири кишоварзии Тоҷикистон.Аммо ӯ ва ҳамчунин масъулони мазореъи кишоварзӣ ин пурсишро матраҳ мекунанд, ки ин захоир то чӣ замоне кофӣ хоҳанд буд. Ба гуфтаи кишоварзоне, ки бо Спутник Тоҷикистон гуфтугӯ карданд, захоири давлатӣ дар бархе ноҳияҳо ба поён расида ё дар дастрас нест.Аз ин рӯ, онҳо ночоранд сӯхтро бо ҳамон қиматҳое таҳия кунанд, ки бозор таъйин кардааст. Дар ҳоли ҳозир қимати ҳар литр бензини 92 дар бозор беш аз 13 сомонӣ аст ва қимати сӯхти дизел ба 19 сомонӣ наздик шудааст. Ва ин поёни афзоиши қиматҳо нест.Дар ҳоле ки масъулони вазорати кишоварзӣ захоири мавҷудро роҳи ҳалли раҳоӣ аз буҳрони эҳтимолии сӯхт дар кишвар намедонанд, давлати Тоҷикистон ба ҷустуҷӯи масирҳои ҷойгузин пардохтааст. Ин тасмим пас аз он иттихоз шуд, ки Русия, таъминкунандаи аслии фаровардаҳои нафтии Тоҷикистон, содироти маводи сӯхтиро ба кишварҳои муштарии худ мутаваққиф кард.Баҳром Аҳмадзода, муовини вазири кишоварзии Тоҷикистон ва узви Ситоди ҷумҳуриявии ҷилавгирӣ аз буҳрони сӯхти ҳукумати Тоҷикистон, дар посух ба пурсиши Спутник Тоҷикистон гуфт, ки дар охирин нишасти давлатӣ, ки бо ҳузури масъулони тамоми ниҳодҳои давлатӣ баргузор шуд, ба ин натиҷа расидаанд, ки то одӣ шудани авзоъ дар Русия, воридоти маводи сӯхтӣ аз кишварҳои дигар барқарор шавад."Дар гузашта таъминкунандаи бозори мо аз бензин ва сӯхти дизел Русия буд, ки акнун худ бо мушкил рӯбарӯ шудааст. Вазъияти Русия ҳатто бар Қазоқистон ва Ӯзбекистон, ки худ дорои нафту газ ҳастанд низ таъсир гузоштааст. Мо ҳам ночорем манобеи ҷадиди воридотро пайдо кунем", - гуфт Баҳром Аҳмадзода.Вай афзуд, ки ниҳодҳои зирабти Тоҷикистон, аз ҷумла вазорати энержӣ ва Агентии захоири давлатӣ, бо Туркманистон, Эрон, Ироқ, Ҷумҳурии Озарбойҷон, Арабистони Саудӣ ва дигар кишварҳо вориди музокира шудаанд.Вай бо ишора ба мушкилоте, ки дар пайи буҳрони эҳтимолии маводи сӯхтӣ мумкин аст бахши кишоварзӣ бо он рӯбарӯ шавад, гуфт, ки визорат дар бораи танзим ва таъмини сӯхт пешниҳодҳое ба ҳукумати ҷумҳурӣ ироа карда буд, ки ҳамагӣ пазируфта шудаанд."Нахуст, лағви муваққатии молиётҳо ва пардохтҳое аст, ки ҳангоми воридоти маводи сӯхтӣ дарёфт мешавад ва дувум, эҷоди марокизи фурӯши сӯхт дар саросари рустоҳо ва ҷамоатҳои кишвар то бо қимати собит ниёзи кишоварзонро бартараф кунанд. Ин пешниҳодҳо пазируфта шуданд", - гуфт Баҳром Аҳмадзода.Бо ин ҳол, муовини вазири кишоварзии Тоҷикистон бар ин бовар аст, ки буҳрони сӯхт вазъияти муваққатӣ хоҳад буд ва ба зудӣ роҳи ҳалли худро хоҳад ёфт, аммо ҳар гуна вазъияти буҳронӣ ниёзманди бархӯрди оқилона ва муҳтотона аст.Ба бовари коршиносон, вазъияти буҳронӣ, ки дар ҳоли шаклгирӣ аст, бори дигар аҳамияти амният ва суботи Русияро барои кишварҳои собиқи Шӯравӣ тасбит мекунад. Иқтисоде, ки тайи беш аз сад соли гузашта дар ин паҳно бар меҳвари иқтисоди Русия бино шуда ва тақвият ёфтааст, хеле осебпазир аст.
https://sputnik.tj/20260226/tojikiston-kharidi-benzin-qazoqiston-afzoish-1075578725.html
https://sputnik.tj/20260708/maqomoti-talosh-aviatsiyai-grazhdani-kambud-suzishvori-1078863210.html
https://sputnik.tj/20260710/tojikiston-du-moh-zakhirai-suzishvori-1078905304.html
русия
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, кишоварзӣ, сӯзишворӣ, кишт, буҳрон, русия
дар тоҷикистон, кишоварзӣ, сӯзишворӣ, кишт, буҳрон, русия
"Мо ҳам ба шиддат нигарон ҳастем" – вазорати кишоварзӣ дар бораи камбуди сӯхт
Эксклюзив
Вазорати кишоварзии Тоҷикистон нигарониҳои худро аз афзоиши қимат ва ташдиди камбуди сӯхт иброз кард
ДУШАНБЕ, 10 июл - Sputnik. Ба гуфтаи раҳбарии ин вазорат, иттикои сирф ба захоири давлатӣ кофӣ нест ва бояд сӯхт аз манобеи ҷойгузин низ ворид шавад.
Нуралӣ Асозода, муовини аввали вазири кишоварзии Тоҷикистон, дар нишасти хабарӣ дар посух ба пурсиши Sputnik Тоҷикистон гуфт, ки ин вазорат таҳлили худро ҳанӯз дар рӯзи 22 моҳи май ба давлати Тоҷикистон ироа карда ва вазъияти имрӯзро пешбинӣ карда буд.
"Аз ҳамон замоне ки тоза мавсими бардошти ҳосили маҳсулоти кишоварзӣ оғоз шуда буд, рӯйдодҳое, ки дар Русия рух медод ва ҳамчунин идомаи вазъияти номатлуби Ховари Миёна моро ба ин натиҷа расонда буд, ки қиматҳо афзоиш хоҳанд ёфт ва мо бо камбуди сӯхт рӯбарӯ хоҳем шуд. Вазъият воқеан нигаронкунанда аст”, - гуфт Нуралӣ Асозода.
Ба гуфтаи ӯ, дар он замон дар Агентии захоири моддии давлатии ҳукумати Тоҷикистон, агар қимати давлатии сӯхти дизел 11 сомонӣ буд, акнун ба 13 сомонӣ расидааст, яъне 18,1 дарсад афзоиш ёфтааст. Қимати бензини 92 низ, ки 9 сомонӣ ва 70 дирам буд, акнун ба 10 сомонӣ ва 70 дирам расида, ки афзоиши он 10,3 дарсад аст.
Ӯ афзуд, ки акнун авҷи фасли корҳои кишоварзӣ аст, аз ҷумла бардошти ғаллот, кишти такрорӣ ва захирасозии хӯроки чорво, ки дар ҳамаи манотиқ, вобаста ба шароити иқлимӣ, дар ҷараён аст ё ба зудӣ оғоз хоҳад шуд.
“Ман шахсан бо масъулони Агентии захоири моддии давлатӣ гуфтугӯ кардам ва онҳо ба мо гуфтанд, ки дар марокизи ин Агентӣ дар Суғд, Рашт, Бадахшон ва Хатлон марокизи фурӯш дорем ва сӯхтро бо ҳамин қиматҳо арза мекунем. Агар кишоварзон муроҷиа кунанд, метавонанд бо ҳамин қиматҳо сӯхт дарёфт кунанд”, - гуфт муовини аввали вазири кишоварзии Тоҷикистон.
Аммо ӯ ва ҳамчунин масъулони мазореъи кишоварзӣ ин пурсишро матраҳ мекунанд, ки ин захоир то чӣ замоне кофӣ хоҳанд буд. Ба гуфтаи кишоварзоне, ки бо Спутник Тоҷикистон гуфтугӯ карданд, захоири давлатӣ дар бархе ноҳияҳо ба поён расида ё дар дастрас нест.
“Шояд битавон барои муддате бо истифода аз захоири давлатӣ шиддати буҳрони сӯхтро коҳиш дод, аммо дар дарозмуддат набояд танҳо ба ин захоир умед баст", - мегӯянд кишоварзон.
Аз ин рӯ, онҳо ночоранд сӯхтро бо ҳамон қиматҳое таҳия кунанд, ки бозор таъйин кардааст. Дар ҳоли ҳозир қимати ҳар литр бензини 92 дар бозор беш аз 13 сомонӣ аст ва қимати сӯхти дизел ба 19 сомонӣ наздик шудааст. Ва ин поёни афзоиши қиматҳо нест.
Дар ҳоле ки масъулони вазорати кишоварзӣ захоири мавҷудро роҳи ҳалли раҳоӣ аз буҳрони эҳтимолии сӯхт дар кишвар намедонанд, давлати Тоҷикистон ба ҷустуҷӯи масирҳои ҷойгузин пардохтааст. Ин тасмим пас аз он иттихоз шуд, ки Русия, таъминкунандаи аслии фаровардаҳои нафтии Тоҷикистон, содироти маводи сӯхтиро ба кишварҳои муштарии худ мутаваққиф кард.
Баҳром Аҳмадзода, муовини вазири кишоварзии Тоҷикистон ва узви Ситоди ҷумҳуриявии ҷилавгирӣ аз буҳрони сӯхти ҳукумати Тоҷикистон, дар посух ба пурсиши Спутник Тоҷикистон гуфт, ки дар охирин нишасти давлатӣ, ки бо ҳузури масъулони тамоми ниҳодҳои давлатӣ баргузор шуд, ба ин натиҷа расидаанд, ки то одӣ шудани авзоъ дар Русия, воридоти маводи сӯхтӣ аз кишварҳои дигар барқарор шавад.
"Дар гузашта таъминкунандаи бозори мо аз бензин ва сӯхти дизел Русия буд, ки акнун худ бо мушкил рӯбарӯ шудааст. Вазъияти Русия ҳатто бар Қазоқистон ва Ӯзбекистон, ки худ дорои нафту газ ҳастанд низ таъсир гузоштааст. Мо ҳам ночорем манобеи ҷадиди воридотро пайдо кунем", - гуфт Баҳром Аҳмадзода.
Вай афзуд, ки ниҳодҳои зирабти Тоҷикистон, аз ҷумла вазорати энержӣ ва Агентии захоири давлатӣ, бо Туркманистон, Эрон, Ироқ, Ҷумҳурии Озарбойҷон, Арабистони Саудӣ ва дигар кишварҳо вориди музокира шудаанд.
"Барои намуна, қарор аст ҳудуди 10 ҳазор тон маводи сӯхтӣ аз Ироқ ворид шавад. Бо дигар кишварҳо низ тавофуқҳое ҳосил шудааст", - гуфт муовини вазири кишоварзӣ.
Вай бо ишора ба мушкилоте, ки дар пайи буҳрони эҳтимолии маводи сӯхтӣ мумкин аст бахши кишоварзӣ бо он рӯбарӯ шавад, гуфт, ки визорат дар бораи танзим ва таъмини сӯхт пешниҳодҳое ба ҳукумати ҷумҳурӣ ироа карда буд, ки ҳамагӣ пазируфта шудаанд.
"Нахуст, лағви муваққатии молиётҳо ва пардохтҳое аст, ки ҳангоми воридоти маводи сӯхтӣ дарёфт мешавад ва дувум, эҷоди марокизи фурӯши сӯхт дар саросари рустоҳо ва ҷамоатҳои кишвар то бо қимати собит ниёзи кишоварзонро бартараф кунанд. Ин пешниҳодҳо пазируфта шуданд", - гуфт Баҳром Аҳмадзода.
Бо ин ҳол, муовини вазири кишоварзии Тоҷикистон бар ин бовар аст, ки буҳрони сӯхт вазъияти муваққатӣ хоҳад буд ва ба зудӣ роҳи ҳалли худро хоҳад ёфт, аммо ҳар гуна вазъияти буҳронӣ ниёзманди бархӯрди оқилона ва муҳтотона аст.
Ба бовари коршиносон, вазъияти буҳронӣ, ки дар ҳоли шаклгирӣ аст, бори дигар аҳамияти амният ва суботи Русияро барои кишварҳои собиқи Шӯравӣ тасбит мекунад. Иқтисоде, ки тайи беш аз сад соли гузашта дар ин паҳно бар меҳвари иқтисоди Русия бино шуда ва тақвият ёфтааст, хеле осебпазир аст.
