https://sputnik.tj/20240318/putin-orzu-rusiya-tavono-mustaqil-sohibikhtiyor-1062094207.html
Путин: Орзу мекардам, ки Русияи тавоно, мустақил ва соҳибихтиёр бошад
Путин: Орзу мекардам, ки Русияи тавоно, мустақил ва соҳибихтиёр бошад
Sputnik Тоҷикистон
Рӯзи якшанбе, 17 март, пас аз анҷоми овоздиҳӣ Владимир Путин дар ситоди интихоботии худ дар Гостини Двор ба русҳо муроҷиат кард
2024-03-18T11:09+0500
2024-03-18T11:09+0500
2024-03-18T11:32+0500
интихоботи президенти русия
дар русия
владимир путин
сиёсат
интихоботи президентӣ
https://cdnn1.img.sputnik.tj/img/07e8/03/12/1062093777_0:230:2982:1907_1920x0_80_0_0_3c13eee7bb207409cfb58af6dcd50155.jpg
ДУШАНБЕ, 18 мар — Sputnik. Ҳама нақшаҳои рушди Русия, ки қаблан дар паёми раисиҷумҳур ба Маҷлиси федеролӣ эълом шуда буданд, ҳаллу фасл хоҳанд шуд ва ҳадафҳо амалӣ хоҳанд гашт. Дар ин бора номзад ба мақоми президентии Русия ва раҳбари феълии давлат Владимир Путин изҳор дошт. Рӯзи якшанбе, 17 март, пас аз анҷоми овоздиҳӣ Путин дар қароргоҳи интихоботии худ дар Гостиний Двор ба русҳо муроҷиат кард. Сарвари давлат ба интихобкунандагон, ба ҳамаи онҳое, ки дар интихоботи президентии Русия ба тарафдории ӯ овоз додаанд, миннатдорӣ баён кард. "Мо ҳама ҳамсафонем, пеш аз ҳама мехоҳам ба шаҳрвандони Русия ташаккур мегӯям - мо як даста ҳастем, ҳамаи шаҳрвандоне, ки ба ҳавзаҳои интихоботӣ омада овоз доданд... Вақте ки мо якҷоя будем, дар таърих касе натавонист моро тарсонад, ҳоло низ ва дар оянда ҳам чунин нахоҳад шуд”,- гуфт ӯ. Путин таъкид кард, ки манбаи қудрат дар Русия мардум аст. Путин гуфт, нақшаҳое, ки тарҳрезӣ шуда ва дар бораи онҳо дар паёмаш ба Маҷлиси федеролӣ гуфта буд, ҳатман ҳаллу фасл хоҳанд шуд ва ҳадафҳо амалӣ мешаванд. "Ман дар бораи Русияи тавоно, мустақил ва соҳибихтиёр орзу мекардам. Умедворам, ки натиҷаҳои овоздиҳӣ ба мо имкон медиҳад, дар якҷоягӣ бо мардуми Русия ба ин ҳадафҳо бирасем", - гуфт вай. Сарвари Русия зимни суханронӣ дар бораи чолишҳои давраи нав гуфт, ки бояд мушкилоти амалиёти вижа, таҳкими иқтидори дифоъӣ ва Қувваҳои Мусаллаҳи Федератсияи Русияро ҳал кард. Вай инчунин ёдовар шуд, ки мардум дар минтақаҳои нав интизори рушди иҷтимоӣ ва иқтисодӣ ҳастанд. Ба гуфтаи ӯ, ҳукумати кишвар тамоми чораҳоро хоҳад андешид, то орзуҳои онҳо амалӣ шавад. Муносибатҳо бо УкраинаПутин гуфт, омода нест бигӯяд, ки Русия чиро, чӣ гуна ва кай бояд пайваст кунад, аммо истисно намекунад, ки он маҷбур аст дар қаламравҳои феълии тобеъи режими Киев як минтақаи санитарӣ эҷод кунад. Вай таъкид кард, ки Русия дар минтақаи тамоси низомӣ ҳамеша аз манофеи худ баромад мекунад ва омода аст бар асоси онҳо музокира кунад, аммо таваққуф нахоҳад кард, ки дар давоми он душман дубора мусаллаҳ шавад. Вай қайд кард, ки Маскав омода аст гуфтушунид кунад ва ҷонибдори музокироти сулҳомез дар бораи Украина аст, агар кишварҳо мехоҳанд муносибатҳои байни давлатҳоро дар дарозмуддат ба таври ҷиддӣ барқарор кунанд.Муносибатҳо бо ҒарбПутин гуфт, ки вокуниши кишварҳои ғарбӣ ба интихоботи Русия дар назар аст, зеро онҳо бо Русия мусаллаҳона меҷанганд ва талош доранд рушди ин кишварро боздоранд. "Оё шумо мехостед, ки онҳо кафкӯбӣ кунанд ё чизе? Онҳо бо мо меҷанганд ва бо роҳи мусаллаҳона. Онҳо дар назди худ ҳадаф гузоштанд, ки рушди моро боздорад, албатта ба шумо ҳар чи хоҳанд, мегӯянд",- афзуд Путин дар ситоди интихоботии худ. Вай афзуд, дар сурати як низоъи васеъмиқёси миёни Русия ва НАТО, ҷаҳон аз ҷанги сеюми ҷаҳонӣ як қадам наздик мешавад, аммо касе ба он манфиатдор нест.
https://sputnik.tj/20240317/nozironi-idm-jarayoni-intikhobot-prezidenti-rusiya-orom-1062083684.html
https://sputnik.tj/20240307/putin-ruh-mardum-ananahoi-millist-1061963854.html
https://sputnik.tj/20240229/shart-poyon-jang-khatar-boziho-gharb-nuqoti-payomi-putin-1061882181.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
путин интихобот амалиёти вижа муносиба ғарб
путин интихобот амалиёти вижа муносиба ғарб
Путин: Орзу мекардам, ки Русияи тавоно, мустақил ва соҳибихтиёр бошад
11:09 18.03.2024 (Навсозишуда: 11:32 18.03.2024) Рӯзи якшанбе, 17 март, пас аз анҷоми овоздиҳӣ Владимир Путин дар ситоди интихоботии худ дар Гостиний Двор ба русиягиҳо муроҷиат кард
ДУШАНБЕ, 18 мар — Sputnik. Ҳама нақшаҳои рушди Русия, ки қаблан дар паёми раисиҷумҳур ба Маҷлиси федеролӣ эълом шуда буданд, ҳаллу фасл хоҳанд шуд ва ҳадафҳо амалӣ хоҳанд гашт.
Дар ин бора номзад ба мақоми президентии Русия ва раҳбари феълии давлат Владимир Путин изҳор дошт.
Рӯзи якшанбе, 17 март, пас аз анҷоми овоздиҳӣ Путин дар қароргоҳи интихоботии худ дар Гостиний Двор ба русҳо муроҷиат кард.
Сарвари давлат ба интихобкунандагон, ба ҳамаи онҳое, ки дар интихоботи президентии Русия ба тарафдории ӯ овоз додаанд, миннатдорӣ баён кард.
"Мо ҳама ҳамсафонем, пеш аз ҳама мехоҳам ба шаҳрвандони Русия ташаккур мегӯям - мо як даста ҳастем, ҳамаи шаҳрвандоне, ки ба ҳавзаҳои интихоботӣ омада овоз доданд... Вақте ки мо якҷоя будем, дар таърих касе натавонист моро тарсонад, ҳоло низ ва дар оянда ҳам чунин нахоҳад шуд”,- гуфт ӯ.
Путин таъкид кард, ки манбаи қудрат дар Русия мардум аст.
"Овози ҳар як шаҳрванд иродаи ягонаи халқҳои Федератсияи Русияро ташкил медиҳад. Интихоби мардуми Русия барои ман муҳим аст", - афзуд ӯ.
Путин гуфт, нақшаҳое, ки тарҳрезӣ шуда ва дар бораи онҳо дар паёмаш ба Маҷлиси федеролӣ гуфта буд, ҳатман ҳаллу фасл хоҳанд шуд ва ҳадафҳо амалӣ мешаванд.
"Ман дар бораи Русияи тавоно, мустақил ва соҳибихтиёр орзу мекардам. Умедворам, ки натиҷаҳои овоздиҳӣ ба мо имкон медиҳад, дар якҷоягӣ бо мардуми Русия ба ин ҳадафҳо бирасем", - гуфт вай.
Сарвари Русия зимни суханронӣ дар бораи чолишҳои давраи нав гуфт, ки бояд мушкилоти амалиёти вижа, таҳкими иқтидори дифоъӣ ва Қувваҳои Мусаллаҳи Федератсияи Русияро ҳал кард.
Вай инчунин ёдовар шуд, ки мардум дар минтақаҳои нав интизори рушди иҷтимоӣ ва иқтисодӣ ҳастанд.
Ба гуфтаи ӯ, ҳукумати кишвар тамоми чораҳоро хоҳад андешид, то орзуҳои онҳо амалӣ шавад.
Путин гуфт, омода нест бигӯяд, ки Русия чиро, чӣ гуна ва кай бояд пайваст кунад, аммо истисно намекунад, ки он маҷбур аст дар қаламравҳои феълии тобеъи режими Киев як минтақаи санитарӣ эҷод кунад.
"Бо истифода аз аслиҳае, ки душман истифода мекунад, пеш аз ҳама, албатта, истеҳсоли хориҷӣ, як минтақаи амниятӣ эҷод кунед, ки бартараф кардани он хеле душвор хоҳад буд",- гуфт ӯ.
Вай таъкид кард, ки Русия дар минтақаи тамоси низомӣ ҳамеша аз манофеи худ баромад мекунад ва омода аст бар асоси онҳо музокира кунад, аммо таваққуф нахоҳад кард, ки дар давоми он душман дубора мусаллаҳ шавад.
"Ман ҳамеша гуфта будам ва бори дигар такрор мекунам - мо тарафдори музокироти сулҳомезем, аммо на аз он сабаб, ки лавозимоти ҷангии душман тамом мешавад",- гуфт ӯ.
Вай қайд кард, ки Маскав омода аст гуфтушунид кунад ва ҷонибдори музокироти сулҳомез дар бораи Украина аст, агар кишварҳо мехоҳанд муносибатҳои байни давлатҳоро дар дарозмуддат ба таври ҷиддӣ барқарор кунанд.
Путин гуфт, ки вокуниши кишварҳои ғарбӣ ба интихоботи Русия дар назар аст, зеро онҳо бо Русия мусаллаҳона меҷанганд ва талош доранд рушди ин кишварро боздоранд.
"Оё шумо мехостед, ки онҳо кафкӯбӣ кунанд ё чизе? Онҳо бо мо меҷанганд ва бо роҳи мусаллаҳона. Онҳо дар назди худ ҳадаф гузоштанд, ки рушди моро боздорад, албатта ба шумо ҳар чи хоҳанд, мегӯянд",- афзуд Путин дар ситоди интихоботии худ.
Вай афзуд, дар сурати як низоъи васеъмиқёси миёни Русия ва НАТО, ҷаҳон аз ҷанги сеюми ҷаҳонӣ як қадам наздик мешавад, аммо касе ба он манфиатдор нест.
