https://sputnik.tj/20240307/putin-ruh-mardum-ananahoi-millist-1061963854.html
Путин: Рӯҳи мардум дар анъанаҳои миллӣ аст
Путин: Рӯҳи мардум дар анъанаҳои миллӣ аст
Sputnik Тоҷикистон
Президенти Русия Владимир Путин бо иштирокчиёни Фестивали ҷаҳонии ҷавонон мулоқот карда, ба саволҳои сершумори онҳо посух дод
2024-03-07T12:41+0500
2024-03-07T12:41+0500
2024-03-07T12:42+0500
дар русия
владимир путин
иҷтимоъ
фестивал
ҷавонон
https://cdnn1.img.sputnik.tj/img/07e8/03/07/1061963194_0:131:3177:1918_1920x0_80_0_0_0e8a5e564a1b7c0d789ec9eea199585c.jpg
ДУШАНБЕ, 7 мар — Sputnik. Фестивали умумиҷаҳонии ҷавонон василаи мубориза бо таҳримҳо нест, балки барои пайдо кардани дӯстон лозим аст. Дар ин бора Владимир Путин, раисиҷумҳури Русия, зимни сӯҳбат бо иштирокдорони чорабинӣ изҳор дошт. Вай таъкид кард, ки ҳукумати Русия алайҳи таҳримҳо ба таври кофӣ муваффақона мубориза мебарад. Путин чунин мешуморад, ки ҷавонон бо гирифтани ин маълумот метавонанд нақшаҳои ҳамкорӣ байни одамони мушаххас, касбҳои мушаххас, корхонаҳои мушаххасро таҳия кунанд, форматҳои нави ҳамкориро эҷод кунанд ва ба кишварҳое, ки имрӯз ҳатто бо ҳам мухолифанд, кӯмак расонанд. Президент қайд кард, ки барои ҳалли мушкилоти мавҷуда кор кардан лозим аст ва ҷавонони ақидаҳои гуногуни сиёсӣ бояд нерӯҳоро муттаҳид кунанд. Раҳбари Русия бар ин назар аст, ки ҳар қадар занон дар мақомҳои раҳбарӣ дар кишвар бештар бошанд, ҳамон қадар беҳтар аст. "Дар Русия занон дар ҳаёти мамлакат нақши калонро ишғол мекунанд", — гуфт сарвари давлат. Ба гуфтаи Путин, рӯҳи як халқ дар суннатҳои миллии он аст ва масъалаи ҳифзи фарҳанги халқҳои хурд барои Русия хеле муҳим аст. "Инҳо решаҳои мо барои ҳамаи халқҳое ҳастанд, ки дар қаламрави бузурги Федератсияи Русия зиндагӣ мекунанд. Онҳо хеле муҳиманд, зеро онҳо анъана ва фарҳанги моро ҳифз мекунанд", - таъкид кард президент. Ҷойгоҳи БРИКС дар ҷаҳонБРИКС ба як созмони воқеан қавӣ, тавоно ва ҷолиб табдил ёфтааст, гуфт президенти Русия. "Имрӯз ин як иттиҳодияи тавоно, воқеан ҷиддӣ, каҳрабоест, ки бисёр кишварҳои ҷаҳонро ба худ ҷалб мекунад",- гуфт ӯ. Путин ёдовар шуд, ки иттиҳоди БРИКС "дар Русия таваллуд шудааст". Ӯ ваъда дод, ки Маскав ба ҳайси раиси БРИКС дар соли ҷорӣ барои таҳкими нақши ҷавонон дар ин иттиҳодия ҳама корро мекунад. Муносибатҳо бо АврупоПештар Русия барои пайвастан ба Ғарб саъй мекард, аммо баъдан Маскав дарк кард, ки дар ин кор фоидае нест, зеро дар он ҷо касе манфиатҳои Русияро ба инобат намегирифт, гуфт раҳбари Русия. Президенти Русия Владимир Путин дар мулоқот бо иштирокдорони Ҷашнвораи ҷаҳонии ҷавонон тағйироти бунёдӣ дар низоми сиёсии Аврупоро пешгӯӣ кард. Агар давлатҳо як ҷаҳони бисёрқутбӣ эҷод кунанд, ки дар он ба ҳамдигар кӯмак кунанд, пас масъалаҳои иҷтимоӣ осонтар ҳал мешаванд, гуфт кишвардори Русия.Манофеи бунёдии олмон дер ё зуд боиси пайдо шудани сиёсатмадороне мегардад, ки мехоҳанд миёни Берлин ва Маскав қувваҳои худро муттаҳид кунанд. Ин фикрро Путин ҳангоми посух додан ба савол дар бораи чӣ гуна беҳтар кардани фаҳмиши умумӣ байни Федератсияи Русия ва Аврупо ва беҳтар кардани соҳибихтиёрии Аврупо изҳор дошт. Дар ҳамин ҳол, олмониҳои имрӯза барои аъмоли фашистон ҷавобгар нестанд, аммо ҳама кор бояд бар зидди эҳёи миллатгароӣ анҷом дода шавад, бовар дорад президенти Русия.Русия ва УкраинаДар сатҳи маънавӣ муттаҳид шудани русҳо ва украинҳо дер ё зуд ба амал меояд. Барои ин нафратовартарин зуҳуроти миллатгароии радикалиро решакан кардан лозим аст, қайд кард президенти Русия зимни сӯҳбат бо иштирокчиёни Фестивали умумиҷаҳонии ҷавонон. Путин афзуд, ки барои чунин муттаҳидшавӣ он чизеро, ки ба ин халал мерасонад, решакан кардан лозим аст. "Ба ин нафратовартарин зуҳуроти миллатгароии [радикалӣ] монеъ мешавад. Ин заҳрест, ки ҳаёти бисёр халқҳо, аз ҷумла имрӯз дар Украинаро заҳролуд мекунад", - афзуд ӯ. Путин таъкид кард, ки ҳамлаҳои нерӯҳои мусаллаҳи Украина ба мардуми осоишта дар Белгород ҷинояти ҷангӣ аст ва Русия онҳоеро, ки ин корро кардаанд, ором намегузорад.
https://sputnik.tj/20240306/putin-darhoi-rusiya-kishvarhoi-gunogun-taloshho-1061961389.html
https://sputnik.tj/20240304/maqomdori-kumitai-javononi-tojikiston-jashnvorai-jahoni-video-1061930848.html
https://sputnik.tj/20240304/jashnvora-javonon-sirius-1061922898.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
путин сириус ҷавонон сиёсат русия
путин сириус ҷавонон сиёсат русия
Путин: Рӯҳи мардум дар анъанаҳои миллӣ аст
12:41 07.03.2024 (Навсозишуда: 12:42 07.03.2024) Президенти Русия Владимир Путин бо иштирокчиёни Фестивали ҷаҳонии ҷавонон мулоқот карда, ба саволҳои сершумори онҳо посух дод
ДУШАНБЕ, 7 мар — Sputnik. Фестивали умумиҷаҳонии ҷавонон василаи мубориза бо таҳримҳо нест, балки барои пайдо кардани дӯстон лозим аст.
Дар ин бора Владимир Путин, раисиҷумҳури Русия, зимни сӯҳбат бо иштирокдорони чорабинӣ изҳор дошт.
Вай таъкид кард, ки ҳукумати Русия алайҳи таҳримҳо ба таври кофӣ муваффақона мубориза мебарад.
"Мо ин гуна чорабиниҳоро барои исботи чизе ба касе, баҳс кардан ва рақобат кардан бо касе намегузаронем. Мо чорабинӣ мегузаронем, то дӯстон пайдо кунем, барои муоширати байни ҷавонон шароит фароҳам орем, то онҳо дар бораи ҳамдигар ва дар бораи Русиямаълумоти бештар гиранд”,- гуфт президент.
Путин чунин мешуморад, ки ҷавонон бо гирифтани ин маълумот метавонанд нақшаҳои ҳамкорӣ байни одамони мушаххас, касбҳои мушаххас, корхонаҳои мушаххасро таҳия кунанд, форматҳои нави ҳамкориро эҷод кунанд ва ба кишварҳое, ки имрӯз ҳатто бо ҳам мухолифанд, кӯмак расонанд.
Президент қайд кард, ки барои ҳалли мушкилоти мавҷуда кор кардан лозим аст ва ҷавонони ақидаҳои гуногуни сиёсӣ бояд нерӯҳоро муттаҳид кунанд.
Раҳбари Русия бар ин назар аст, ки ҳар қадар занон дар мақомҳои раҳбарӣ дар кишвар бештар бошанд, ҳамон қадар беҳтар аст.
"Дар Русия занон дар ҳаёти мамлакат нақши калонро ишғол мекунанд", — гуфт сарвари давлат.
Ба гуфтаи Путин, рӯҳи як халқ дар суннатҳои миллии он аст ва масъалаи ҳифзи фарҳанги халқҳои хурд барои Русия хеле муҳим аст.
"Инҳо решаҳои мо барои ҳамаи халқҳое ҳастанд, ки дар қаламрави бузурги Федератсияи Русия зиндагӣ мекунанд. Онҳо хеле муҳиманд, зеро онҳо анъана ва фарҳанги моро ҳифз мекунанд", - таъкид кард президент.
БРИКС ба як созмони воқеан қавӣ, тавоно ва ҷолиб табдил ёфтааст, гуфт президенти Русия.
"Имрӯз ин як иттиҳодияи тавоно, воқеан ҷиддӣ, каҳрабоест, ки бисёр кишварҳои ҷаҳонро ба худ ҷалб мекунад",- гуфт ӯ.
Путин ёдовар шуд, ки иттиҳоди БРИКС "дар Русия таваллуд шудааст".
Ӯ ваъда дод, ки Маскав ба ҳайси раиси БРИКС дар соли ҷорӣ барои таҳкими нақши ҷавонон дар ин иттиҳодия ҳама корро мекунад.
Пештар Русия барои пайвастан ба Ғарб саъй мекард, аммо баъдан Маскав дарк кард, ки дар ин кор фоидае нест, зеро дар он ҷо касе манфиатҳои Русияро ба инобат намегирифт, гуфт раҳбари Русия.
Президенти Русия Владимир Путин дар мулоқот бо иштирокдорони Ҷашнвораи ҷаҳонии ҷавонон тағйироти бунёдӣ дар низоми сиёсии Аврупоро пешгӯӣ кард.
"Дар баробари бунёди ҷаҳони бисёрқутбӣ, ман фикр мекунам, ки дар Аврупо тағйироти куллӣ ба амал меоянд",- гуфт президент.
Агар давлатҳо як ҷаҳони бисёрқутбӣ эҷод кунанд, ки дар он ба ҳамдигар кӯмак кунанд, пас масъалаҳои иҷтимоӣ осонтар ҳал мешаванд, гуфт кишвардори Русия.
Манофеи бунёдии олмон дер ё зуд боиси пайдо шудани сиёсатмадороне мегардад, ки мехоҳанд миёни Берлин ва Маскав қувваҳои худро муттаҳид кунанд.
Ин фикрро Путин ҳангоми посух додан ба савол дар бораи чӣ гуна беҳтар кардани фаҳмиши умумӣ байни Федератсияи Русия ва Аврупо ва беҳтар кардани соҳибихтиёрии Аврупо изҳор дошт.
Дар ҳамин ҳол, олмониҳои имрӯза барои аъмоли фашистон ҷавобгар нестанд, аммо ҳама кор бояд бар зидди эҳёи миллатгароӣ анҷом дода шавад, бовар дорад президенти Русия.
Дар сатҳи маънавӣ муттаҳид шудани русҳо ва украинҳо дер ё зуд ба амал меояд. Барои ин нафратовартарин зуҳуроти миллатгароии радикалиро решакан кардан лозим аст, қайд кард президенти Русия зимни сӯҳбат бо иштирокчиёни Фестивали умумиҷаҳонии ҷавонон.
"Ман мутмаинам, ки дер ё зуд муттаҳидшавии [русҳо ва украинҳо] ҳадди аққал дар сатҳи рӯҳоният сурат хоҳад гирифт ва ин ногузир аст", - гуфт сарвари давлат.
Путин афзуд, ки барои чунин муттаҳидшавӣ он чизеро, ки ба ин халал мерасонад, решакан кардан лозим аст.
"Ба ин нафратовартарин зуҳуроти миллатгароии [радикалӣ] монеъ мешавад. Ин заҳрест, ки ҳаёти бисёр халқҳо, аз ҷумла имрӯз дар Украинаро заҳролуд мекунад", - афзуд ӯ.
Путин таъкид кард, ки ҳамлаҳои нерӯҳои мусаллаҳи Украина ба мардуми осоишта дар Белгород ҷинояти ҷангӣ аст ва Русия онҳоеро, ки ин корро кардаанд, ором намегузорад.
