https://sputnik.tj/20211227/bayden-amrikoihoro-usul-brezhnyov-orom-1044434259.html

Байден амрикоиҳоро бо "усули аз Брежнев гирифташуда" ором мекунад

Байден амрикоиҳоро бо "усули аз Брежнев гирифташуда" ором мекунад

Sputnik Тоҷикистон

Ғарб усулҳои мубориза алайҳи Русияро бо дард интихоб мекунад ва эътироф мекунад, тамоми таҳримҳое, ки метавонистанд бар зидди мо бидуни зарари азим ба худи... 27.12.2021, Sputnik Тоҷикистон

2021-12-27T18:15+0500

2021-12-27T18:15+0500

2021-12-28T12:47+0500

сиёсат

аврупо

дар русия

https://cdnn1.img.sputnik.tj/img/07e5/0c/1b/1044424145_0:0:3165:1780_1920x0_80_0_0_9663ba939aac2f1d15e9a4f8ab5e9f17.jpg

Садоҳо дар бораи боз як "таҳрими ҷаҳаннамӣ" ё "модари ҳама таҳримҳо" ба гӯш мерасанд. Идеяи ҷудо кардани Русия аз системаи байналмилалии бонкии SWIFT ҳарчи бештар баррасӣ мешавад, менависад РИА "Новости". Аммо дар баробари ин назарҳоеро дидан мумкин, ки гӯё ҳамаи ин иқдомҳо бесамаранд ва чун моро бо иқдомҳои нав таҳдид мекунанд, барои рӯёрӯӣ бо онҳо ҳам тайёрӣ дида истодаем. Коршиносон аксари вақт бо таассуф қайд мекунанд, ки таҳримҳо ба баъзе соҳаҳо ё соҳибони тиҷорат таъсир мерасонанд, аммо дар маҷмуъ ба ҳаёти Русия ва шаҳрвандони он ҳеҷ гуна таъсир намерасонанд. Аз рӯи изҳороти охирини роҳбарони Ғарб чунин тахмин кардан мумкин аст, ки хуҷҷатҳои чанголудаи замони ҷанги сард аз бойгониҳои куҳна гирифта шуда, бо хашму ғазаб формулаи муваффақиятро дар мубориза барои сустшавӣ ва пошхурии ИҶШС аз нав эҷод карданӣ мешаванд. Хушбахтона, ҳоло дар арафаи 30-солагии ин воқеа мақолаҳои бисёре ба табъ расидаанд, ки онҳо усули куҳнаи "овозҳо"-и ғарбиро ба хотир меоранд.Нахуст, "кремлинолог"-и вазирони ботаҷриба Виктория Нуланд ба сенаторҳо гуфт, ки украиниҳо "мехоҳанд бештар ба Париж ва Берлин монанд шаванд, на он чизе, ки дар Свердловск ва Екатеринбург мебинанд".Пешниҳоди таҳримҳои навДалели он ки бонуфузтарин мутахассиси амрикоӣ дар Русия ногаҳон номи куҳнаи Екатеринбургро ба ёд овард ва фаромӯш кард, он як шаҳр аст, шояд танҳо аз он шаҳодат диҳад, ки ӯ ҳоло ҳуҷҷатҳои куҳнаи бойгониро меомӯзад. Пас аз он Кристина Ламбрехт, вазири нави дифои Олмон ба унвони як таҳрим пешниҳод кард, рафтани мақомоти Русия барои харид ба Елисейские Поля дар Париж" манъ шавад. Баъдан "Reuters" овозаеро паҳн кард, ки Иёлоти Муттаҳида дар қатори таҳримҳои дигар манъи содироти смартфонҳо ба Русияро омода мекунад. Аз ҳама ҷолиб он аст, ки ҳамаи ин изҳоротҳо дар пасманзари афзоиши мушкилоти азим бо таъминоти занҷирҳои чакана дар кишварҳои ғарбӣ, аз ҷумла дар худи Амрико сурат мегиранд. Сатҳи ин буҳрон ба таври возеҳ гувоҳӣ медиҳад, ки раисҷумҳури ИМА Ҷо Байден паёми солинавии худро ба мардум дар пасманзари тасвири бандари тиҷоратӣ ташкил карда, онро ба мубориза бо камбуди мол бахшидааст.Ҳамаи ин мулоқоти президент бо намояндагони доираҳои тиҷоратӣ ва шуъбаи махсуси пешгирии халалдоршавӣ дар занҷири таъминот номида шуд. Он шахсан бо дастури Байден дар моҳи июни соли ҷорӣ таъсис дода шудааст. "Санта Байден" ва истифодаи усули БрежнёвБайден бо табассум ба мардум хабар дод: "Буҳрони пешгӯкардаи бисёриҳо рух надодааст. Туҳфаҳо расонида мешаванд. Қаторҳо холӣ нестанд." Базӯр касе дар Свердловски шӯравии солҳои 70-ум тасаввур мекард, ки дар арафаи ҷашни мавлуди Исо президенти Иёлоти Муттаҳида ҳамчун дастоварди асосии худ дар бораи 90% пур будани рафҳои супермаркетҳо гузориш медиҳад. Тааҷҷубовар нест, ки расонаҳои ғарбӣ сокинони худро бештар ба “соҳибхоназанони шӯравӣ”, ки бо камбуди доимии ғизо рӯ ба рӯ буданд, муқоиса мекунанд. Худи Байденро ҳатто бо Леонид Брежнев муқоиса карданд: ровии телевизиони "Newsmax" Ҳрег Келли дар паёми солинавии президенти ИМА ва паёми солинавии раҳбари шӯравии солҳои 1970-ум умумияти зиёд пайдо кард.Буҳрони рафҳои холӣ дар мағозаҳо дар як қатор кишварҳои ғарбӣ соли гузашта дар натиҷаи пандемия ва баста шудани сарҳадҳо оғоз ёфт. Агар дар солҳои 80-ум амрикоиҳо бо ҳайрат дар телевизион тамошо мекарданд, ки шаҳрвандони шӯравӣ коғази ҳоҷатхонаро аз рафҳо рӯфта мебурданд, пас мо як сол пеш аз ҳамин гуна наворҳо дар Амрикову Аврупоро бо тааҷҷуб тамошо мекардем. Дар аввал мардумро итминон доданд, ин як падидаи муваққатӣ аст, ки бо хуруҷи Чин аз карантин хотима меёбад. Бо вуҷуди ин як қатор кишварҳо дар соли ҷорӣ ба халали шадидтар дучор шуданд. Бештар аз нисфи бритониёиҳо дар чанд ҳафтаи охир норасоии маҳсулотро аз сар гузаронидаанд ва ба эҳтимол дар бораи гузориши Байден аз рафҳои "пур" хабар надоранд.Ҳоло коршиносон якдилона мегӯянд, ки буҳрони таъмини маводи ғизоӣ ва маводи ниёзи аввал дар соли оянда низ хотима нахоҳад ёфт ва ба гуфтаи бархе аз таҳлилгарон, сатҳи муқаррарии даврони "то пандемия"-и таъминот дар Ғарб танҳо то нимаи соли 2024 бармегардад. Бояд қайд кард, ки барои ҳалли норасоии мол дар ИМА кадом усулҳо истифода мешавад.Мо на як бору ду бор аз либералҳо шунидаем, ки "бозор ҳама чизро худаш танзим мекунад". Бо вуҷуди ин далели он ки Байден як сохтори махсусеро барои мубориза бо қатъшавии таъминот таҳия кардааст, нишон медиҳад, бидуни унсурҳои банақшагирӣ ва танзими давлатии иқтисод Вашингтон наметавонад бо буҳрон мубориза барад.Дар баробари ин гурӯҳҳои агросаноатии Англия аз ҳукумати худ талаб мекунанд, амнияти озуқавориро фавран таъмин намояд, ки ба фикри онҳо, фақат дар сурати дар мамлакат истеҳсол кардани камаш 60 фоизи саноати хурокворӣ ба ин муваффақ шудан мумкин аст. Аз ин лиҳоз танҳо хурсандӣ кардан лозим аст, ки таҳримҳои Ғарб ва чораҳои Русия то оғози пандемияи ҷаҳонӣ баръакс натиҷаи хуб дод. Давоми чанд сол зери фишору таҳримҳо Русия истеҳсоли маҳсулоти кишоварзиро ба таври назаррас афзоиш дод ва амнияти озуқавории худро мустаҳкам кард. Ман ҳатто тасаввур кардан намехоҳам, ки агар соли гузашта, вақте ки сарҳадҳо бар асари маҳдудиятҳои карантин баста мешуданд, бахши озуқавории мо ба ҳолати соли 2013, ки комилан аз таъминоти хориҷӣ вобаста буд, мебуд, ба чӣ вазъ меафтод.Таҳримҳои ғарб Русияро наҷот додандЁдовар мешавем, ки вокуниши ҷавобӣ ба таҳримот дар аввал аз ҷониби мунаққидони сершумор чӣ гуна қабул шуд. Тақрибан ҳафт сол гузашт ва раҳбари дафтари маскавии "Financial Times" Макс Седдон дар шумораи солинавии рӯзнома маҷбур шуд, эътироф кунад: "Сектори ғизо дар Русия пас аз он ки Путин воридоти аксари маҳсулоти ғарбиро дар соли 2014 манъ кард, ба ҳаракати рузафзун мусоидат намуд".Сармақолаи худи ҳамин шумора хонандаи ғарбиро дилпур мекунад, ки "мушкилоти таъминот" имруз мисли рузи таваллуди Исои Масеҳ дар Вифлеем он қадар ҷиддӣ нест. Он инчунин як номаи нимшӯхӣ ва нимҷиддӣ нашр мекунад, ки дар он Бобои Барфӣ аз кӯдакон барои сари вақт нарасонидани туҳфаҳои солинавӣ узр мепурсад. Зоҳиран, на ҳама кӯдакони ғарбӣ паёми мавлуди Санта Байденро дар бораи он, ки чӣ гуна ӯ ба мушкилоти интиқол ва тақсимоти бастаҳои туҳфаҳо даст ёфт, намедонанд.Албатта, агар ин тавр хоҳад, Ғарб метавонад барои мо мушкилоти иловагӣ ба вуҷуд оварад, ки боиси нарасидани сунъии молҳои алоҳида - масалан, ҳамон смартфонҳо (мо аллакай фаромӯш кардаем, ки чанд сол боз ҳамаи маҳсулоти "Apple" дар бозори Русия сертификатсия нашудаанд) мешавад.Аммо ҳатто дар чунин шароит кӯшиши баргардонидани тактикаи куҳнаи пошхӯрии ИҶШС тавассути муқоисаи муваффақонаи рафҳои мағозаҳо натиҷа нахоҳад дод. Ин дафъа муқоисаҳо на ҳамеша ба нафъи Париж хоҳад буд ва ҳатто бештар аз он - Ню-Йорк ё Лондон. Гузашта аз ин ин вазъият метавонад барои муддати тӯлонӣ давом кунад. Ва аз се ду ҳиссаи амрикоиҳо ҳатто метарсанд, ки аз ин ба баъд халалдоршавӣ дар занҷираи таъминоти молҳои зарурӣ ҳеҷ гоҳ қатъ нахоҳад шуд. Ва танҳо Ҷо Байден, ки ба гирифтани ҷоизаҳои Леонид Брежнев кӯшиш мекунад, бо хушҳолӣ ба мардум хабар медиҳад, ки вазъ дар Иёлоти Муттаҳида ба таври назаррас беҳтар шудааст.

https://sputnik.tj/20211013/insonho-bemasuliyat-nazar-korshinos-dar-bora-davatho-tahrim-rusiya-1042812450.html

https://sputnik.tj/20210924/korshinos-naqsh-tahrim-amrikoro-tavzeh-1042482428.html

https://sputnik.tj/20211015/lavrov-gharb-talosh-rusiya-fishor-1042892888.html

https://sputnik.tj/20210420/hushdori-rusiya-dar-borai-har-tahrimi-jadidi-amriko-alayhi-rusiya-1038807061.html

https://sputnik.tj/20211222/sharmsori-ima-amriko-majbur-urzkhohi-rusiya-1044324924.html

аврупо

2021

Хабарҳо

tg_TJ

байден амрико брежнёв русия таҳрим