ДУШАНБЕ, 27 апр - Sputnik. Кафолатҳои амниятӣ барои Русия унсури калидии зарурӣ барои рафъи бӯҳрони Украина мебошанд.
Дар ин бора муовини вазири корҳои хориҷии Русия Александр Грушко таъкид кард.
Вай гуфт, ки мавқеи Иттиҳоди Аврупо инро нодида мегирад ва бо ин васила имкони ҳалли масъаларо истисно мекунад.
"Ҳайратовар аст, ки ҳеҷ кас - ман нашунидаам, ки дар ду ё се соли охир касе бигӯяд, ки кафолатҳои амниятӣ барои Русия бояд қисми ин муодилаи сулҳ бошанд. Дар асл, унсури калидии рафъи низоъ ва барқарор кардани сулҳ кафолатҳои амниятӣ барои Русия мебошанд", - гуфт Грушко дар мусоҳиба бо агентии иттилоотии Вести.
Муовини вазир шарҳ дод, ки Иттиҳоди Аврупо, ки ба Киев силоҳ медиҳад, ин унсурро нодида мегирад.
"Мавқеи Иттиҳодияи Аврупо дар бораи ҳалли эҳтимолии сулҳ (дар Украина) ва талаб кардани ҷой дар мизи гуфтушунид онро истисно мекунад", - изҳор дошт Грушко.