Дар маркази Вена консерте бахшида ба Рӯзи Ғалаба баргузор шуд

Обуна шудан
Бахшида ба 81-умин солгарди Ғалаба дар Ҷанги Бузурги Ватанӣ дар Вена консерте баргузор шуд, ки он яке аз чорабиниҳои муҳими фарҳангӣ гардид
ДУШАНБЕ, 9 мая – Sputnik. Консерти бузург бахшида ба Рӯзи Ғалаба дар Швартсенбергплатси Вена баргузор шуд.
Консерти бузург, ки бо ташаббуси Сафорати Русия дар Австрия баргузор шуд, дар назди муҷассамаи сарбози озодкунандаи Шӯравӣ ташкил карда шуд.
Дар он ҳунармандони Оркестри академии созҳои халқии Русия ба номи Н.Н.Некрасов таҳти роҳбарии директори оркестр А.А. Степаненко сурудҳои маъруфи солҳои ҷангро иҷро карданд.
Ин консерт яке аз нуктаҳои муҳими барнома ба муносибати 81-умин солгарди Ғалаба дар Ҷанги Бузурги Ватанӣ буд.
Қаблан дар Вена дар Рӯзи Ғалаба маросими анъанавии гулчанбаргузорӣ дар назди муҷассамаи сарбози Шӯравӣ дар Швартсенбергплатс баргузор шуд.
Посол России в Австрии Андрей Грозов. - Sputnik Тоҷикистон, 1920, 09.05.2026
Сафири Русия дар Австрия: Нозӣ бори дигар дар Аврупо сар боло дорад
Дар чорабинии ёдбуд сафири Русия дар Австрия Андрей Грозов, роҳбарони намояндагиҳои дипломатии Русия дар Вена ва роҳбарони намояндагиҳои дипломатии кишварҳои ИДМ иштирок карданд.
Иштирокчиён дар Швартсенбергплатс ба пояи ёдгории сарбози озодкунандаи шӯравӣ гул ва гулчанбарҳо гузоштанд ва хотираи онҳоеро, ки дар Ҷанги Бузурги Ватанӣ қурбон шудаанд, гиромӣ доштанд.
Лентаи хабарҳо
0