https://sputnik.tj/20250303/nozironi-khoriji-jarayoni-intikhobot-tojikiston-arzyobi-kardand-1066427316.html
Нозирони хориҷӣ ҷараёни интихоботро дар Тоҷикистон арзёбӣ карданд
Нозирони хориҷӣ ҷараёни интихоботро дар Тоҷикистон арзёбӣ карданд
Sputnik Тоҷикистон
Вакилони парлумони Русия ва Беларус бо омодагии ҳавзаҳои интихоботӣ ва ҷараёни овоздиҳӣ шинос шуда, таваҷҷӯҳро ба вижагиҳои интихобот дар ҷумҳурӣ ҷалб намуданд
2025-03-03T12:59+0500
2025-03-03T12:59+0500
2025-03-03T13:39+0500
интихоботи парлумонӣ дар тоҷикистон-2025
дар тоҷикистон
интихобот
интихоботи парлумонӣ
нозирон
хориҷӣ
парлумон
https://cdnn1.img.sputnik.tj/img/07e9/03/02/1066414525_0:0:1280:721_1920x0_80_0_0_f9f98a9a98ba21dc23d4266bca127955.jpg
ДУШАНБЕ, 3 мар — Sputnik. Комиссияи марказии интихобот ва раъйпурсии Тоҷикистон интихоботи порлумонӣ дар ҷумҳуриро баргузоршуда эълон кард.Тибқи иттилои Комиссияи марказии интихобот, то нимаи рӯзи овоздиҳӣ шумори раъйдиҳандагон дар ҳамаи 3513 ҳавзаҳои интихоботӣ 59% ташкил дод.Тавре интизор мерафт, дар интихобот Ҳизби Халқии демократии Тоҷикистон пирӯз шуд. Ин ҳизб дар интихобот 51,9% раъйро ба даст овард.Омодагӣ ва рафти овоздиҳиро аксари нозирони хориҷӣ, аз ҷумла вакилони Ассамблеяи порлумонии Иттиҳоди Беларусу Русия, таҳти назорати ҷиддӣ қарор дода, таассуроти худро аз интихобот ба Sputnik Тоҷикистон иброз доштанд."Бо раиси КМИР низ мулоқот доштем, маводи пешниҳодшударо бодиққат омӯхтем ва гуфта метавонам, ки тамоми омодагӣ ҳам ба қонунгузории Тоҷикистон ва ҳам ба конвенсияи ИДМ дар бораи меъёрҳои интихоботи демократӣ мувофиқат мекунад. Аз ин рӯ, саволе ҳам ба миён намеояд", - гуфт Наталя Никонорова, узви Кумитаи Шӯрои Федератсия дар умури байналмилалӣ.Ба гуфтаи вай, ба шаҳрвандон дар бораи номзадҳо ва тартиби овоздиҳӣ маълумоти зиёд дода шуд.Дар робита ба вижагиҳои интихоботи кунунӣ Наталя Никонорова суханони муовини раиси порлумон Маҳмадалӣ Ватанзодаро дар бораи ширкати бештари занон дар интихобот нисбат ба солҳои қаблӣ тасдиқ кард."Ман аз он мутаассир шудам, ки занони Тоҷикистон дар ҳаёти сиёсӣ фаъолона ширкат меварзанд, зеро 30% дар феҳристи вакилон барои аҳзоб фоизи хеле баланд аст", - таъкид кард ӯ.Нозири дигар, раиси Комиссияи амният ва дифоъ дар Ассамблеяи порлумонии Русия ва Беларус Геннадий Лепешко низ омодагии баланди комиссияҳои интихоботӣ дар қитъаҳои интихоботӣ, дастрас будани тартиби овоздиҳии шаҳрвандони имконияташон маҳдуд ва иштироки фаъолонаи ҷавононро дар овоздиҳӣ таъкид кард."Мо чанд ҳавзаи интихоботӣ дар Душанбе, Норак ва Ҳисорро санҷидем ва гуфта метавонам, ки ҳама дар сатҳи хеле баланд ташкил карда шуд, корҳои омодагӣ ва таблиғотӣ хуб сурат гирифт. Ҳама ҳавзаҳои интихоботӣ сари вақт ифтитоҳ шуданд ва аллакай ҳангоми сафари мо, тақрибан соати 11:00 ҳудуди 30% интихобкунандагон овоз доданд. Боиси хушнудист, ки то ҷавонон дар интихоботи фаъолона ширкат доштанд", - таъкид кард вай.Ёдовар мешавем, ки рӯзи 1 март дар Тоҷикистон аз соати 06:00 то 20:00 ҳавзаҳои интихоботӣ ифтитоҳ шуданд, ки дар онҳо вакилони порлумон ва мақомоти маҳаллӣ интихоб шуданд.Ба палатаи поёнии парламенти Тоҷикистон 63 нафар депутат интихоб шуд. Тибқи Қонуни асосии Тоҷикистон, вакилон ба муҳлати 5 сол – то соли 2030 интихоб мешаванд.Дар маҷмӯъ дар кишвар 41 ҳавзаи якмандатии интихоботӣ ва беш аз 3500 қитъаи интихоботӣ таъсис ёфта буд.
https://sputnik.tj/20250303/hizbi-rahmon-piruz-shud-natijai-intikhobot-parlumoni-tojikiston-1066423418.html
https://sputnik.tj/20250302/navbat-saforat-ishtiroki-muhojiron-tojik-intikhobot-parlumoni-1066417548.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2025
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, нозирон, хориҷӣ, интихобот, парлумон, русия, белорус
тоҷикистон, нозирон, хориҷӣ, интихобот, парлумон, русия, белорус
Нозирони хориҷӣ ҷараёни интихоботро дар Тоҷикистон арзёбӣ карданд
12:59 03.03.2025 (Навсозишуда: 13:39 03.03.2025) Эксклюзив
Вакилони парлумони Русия ва Беларус бо омодагии ҳавзаҳои интихоботӣ ва ҷараёни овоздиҳӣ шинос шуда, таваҷҷӯҳро ба вижагиҳои интихобот дар ҷумҳурӣ ҷалб намуданд
ДУШАНБЕ, 3 мар — Sputnik. Комиссияи марказии интихобот ва раъйпурсии Тоҷикистон интихоботи порлумонӣ дар ҷумҳуриро баргузоршуда эълон кард.
Тибқи иттилои Комиссияи марказии интихобот, то нимаи рӯзи овоздиҳӣ шумори раъйдиҳандагон дар ҳамаи 3513 ҳавзаҳои интихоботӣ 59% ташкил дод.
Тавре интизор мерафт, дар интихобот Ҳизби Халқии демократии Тоҷикистон пирӯз шуд. Ин ҳизб дар интихобот 51,9% раъйро ба даст овард.
Омодагӣ ва рафти овоздиҳиро аксари нозирони хориҷӣ, аз ҷумла вакилони Ассамблеяи порлумонии Иттиҳоди Беларусу Русия, таҳти назорати ҷиддӣ қарор дода, таассуроти худро аз интихобот ба Sputnik Тоҷикистон иброз доштанд.
"Бо раиси КМИР низ мулоқот доштем, маводи пешниҳодшударо бодиққат омӯхтем ва гуфта метавонам, ки тамоми омодагӣ ҳам ба қонунгузории Тоҷикистон ва ҳам ба конвенсияи ИДМ дар бораи меъёрҳои интихоботи демократӣ мувофиқат мекунад. Аз ин рӯ, саволе ҳам ба миён намеояд", - гуфт Наталя Никонорова, узви Кумитаи Шӯрои Федератсия дар умури байналмилалӣ.
Ба гуфтаи вай, ба шаҳрвандон дар бораи номзадҳо ва тартиби овоздиҳӣ маълумоти зиёд дода шуд.
Дар робита ба вижагиҳои интихоботи кунунӣ Наталя Никонорова суханони муовини раиси порлумон Маҳмадалӣ Ватанзодаро дар бораи ширкати бештари занон дар интихобот нисбат ба солҳои қаблӣ тасдиқ кард.
"Ман аз он мутаассир шудам, ки занони Тоҷикистон дар ҳаёти сиёсӣ фаъолона ширкат меварзанд, зеро 30% дар феҳристи вакилон барои аҳзоб фоизи хеле баланд аст", - таъкид кард ӯ.
Нозири дигар, раиси Комиссияи амният ва дифоъ дар Ассамблеяи порлумонии Русия ва Беларус Геннадий Лепешко низ омодагии баланди комиссияҳои интихоботӣ дар қитъаҳои интихоботӣ, дастрас будани тартиби овоздиҳии шаҳрвандони имконияташон маҳдуд ва иштироки фаъолонаи ҷавононро дар овоздиҳӣ таъкид кард.
"Мо чанд ҳавзаи интихоботӣ дар Душанбе, Норак ва Ҳисорро санҷидем ва гуфта метавонам, ки ҳама дар сатҳи хеле баланд ташкил карда шуд, корҳои омодагӣ ва таблиғотӣ хуб сурат гирифт. Ҳама ҳавзаҳои интихоботӣ сари вақт ифтитоҳ шуданд ва аллакай ҳангоми сафари мо, тақрибан соати 11:00 ҳудуди 30% интихобкунандагон овоз доданд. Боиси хушнудист, ки то ҷавонон дар интихоботи фаъолона ширкат доштанд", - таъкид кард вай.
Ёдовар мешавем, ки рӯзи 1 март дар Тоҷикистон аз соати 06:00 то 20:00 ҳавзаҳои интихоботӣ ифтитоҳ шуданд, ки дар онҳо вакилони порлумон ва мақомоти маҳаллӣ интихоб шуданд.
Ба палатаи поёнии парламенти Тоҷикистон 63 нафар депутат интихоб шуд. Тибқи Қонуни асосии Тоҷикистон, вакилон ба муҳлати 5 сол – то соли 2030 интихоб мешаванд.
Дар маҷмӯъ дар кишвар 41 ҳавзаи якмандатии интихоботӣ ва беш аз 3500 қитъаи интихоботӣ таъсис ёфта буд.
