https://sputnik.tj/20241205/binoi-navi-sudi-oli-filarmoniya-rahmon-inshooti-iftoh-kard-1065380917.html
Аз бинои нави Суди олӣ то филармония: Раҳмон чанд иншооти муҳимро ифтоҳ кард
Аз бинои нави Суди олӣ то филармония: Раҳмон чанд иншооти муҳимро ифтоҳ кард
Sputnik Тоҷикистон
Раисҷумҳури кишвар ҳамроҳ бо раиси шаҳри Душанбе, дар пойтахти кишвар ду иншооти муҳимро ифтитоҳ намуда ба сохтмони бинои нави Кумитаи андоз ҳусни оғоз бахшид
2024-12-05T13:11+0500
2024-12-05T13:11+0500
2024-12-05T13:11+0500
дар тоҷикистон
эмомалӣ раҳмон
ифтитоҳ
иншоот
душанбе
суди олӣ
кумитаи андоз
филармонияи давлатии ба номи акашариф ҷӯраев
https://cdnn1.img.sputnik.tj/img/07e8/0c/05/1065380422_0:0:1280:720_1920x0_80_0_0_44523b0920f4cf8d7324c75103c78bd6.jpg
ДУШАНБЕ, 5 дек — Sputnik. Президенти Тоҷикистон,Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Исмоили Сомонӣ бинои нави Суди Олии Тоҷикистонро ифтитоҳ намуданд.Дар ин бора Хадамоти матбуоти раисҷумҳури Тоҷикистон хабар додааст.Ба иттилои манбаъ, иншооти ба хотири фароҳам овардани шароити мусоиди фаъолият барои кормандони мақомоти судӣ бунёд гардида, дорои шароити пешрафтаи кору хизматрасонӣ мебошад.Бинои Суди Олӣ аз 15 ошёна иборат буда, барои сохтмони он наздик ба 185 миллион сомонӣ маблағ масраф шудааст.Роҳбари давлат муҳтарам Эмомалӣ Раҳмон зимни боздид аз бинои нави Суди Олӣ зикр карданд, ки бо истифода аз шароити фароҳамовардашуда кормандони мақомот вазифадоранд, ки ҳуқуқ, озодии инсону шаҳрванд, манфиати давлат, ташкилоту муассисаҳо, қонунияту адолатро ба таври бояду шояд ҳифз карда, волоияти қонунро таъмин намоянд.Манбаъ қайд кардааст, ки қомат афрохтани бинои наву замонавии Суди Олии Ҷумҳурии Тоҷикистон дар яке аз кӯчаҳои марказии пойтахти кишвар ба зебогии бештари шаҳри Душанбе мусоидат карда, идомаи мантиқии татбиқи амалии сиёсати бунёдкоронаи роҳбарияти олии сиёсии Тоҷикистон ва шаҳрдории пойтахт мебошад.Манбаъ ёдрас шудааст, ки бо маблағгузории Ҳукумати Тоҷикистон давоми солҳои 2000-2024 дар 14 шаҳру ноҳияи ҷумҳурӣ бинои судҳо аз нав сохта ва ба истифода дода шуд.Ҳамчунин раисҷумҳури кишвар ва раиси шаҳри Душанбе барои бунёди бинои нави Кумитаи андози Тоҷикистон дар ноҳияи Исмоили Сомонии пойтахт санги асос гузоштанд.Хабар дода шудааст, ки иншооти нави Кумитаи андози аз 4 бинои 3 ва 16 ошёнаву таҳхона иборат буда, дорои 12 маҷлисгоҳи барҳаво, толор бо 500 ҷойи нишаст ва ошхона бо 160 ҷойи нишаст пешбинӣ гардидааст.Бинои нав дар асоси нақшаи генералии шаҳри Душанбе дар масоҳати 9 ҳазору 145 метри мураббаъ сохта мешавад.Инчунин раисҷумҳури Тоҷикистон Эмомалӣ Раҳмон ва раиси шаҳри Душанбе Рустами Эмомалӣ бинои Муассисаи давлатии Филармонияи давлатии Тоҷикистонро баъди навсозӣ ифтитоҳ карданд.Бинои Филармонияи давлатии Тоҷикистон ба номи “Акашариф Ҷӯраев” бо маблағгузории ҳукумати Тоҷикистон аз таъмир бароварда шуда, дар он барои кору эҷоди аҳли ҳунар имкониятҳои мутобиқ ба талабот фароҳам гардидааст.Хадамоти матбуоти раисҷумҳур қайд кардааст, ки дар гузашта толори консертӣ ва роҳраву ҳуҷраҳои кории Филармонияи давлатии Тоҷикистон таъмирталаб шуда, барои гузаронидани чорабиниҳои сатҳи баланди фарҳангӣ ҷавобгу набуд."Сиёсати фарҳангпарваронаи ҳукумати кишвар имкон фароҳам овард, ки аҳли ҳунар барои кору эҷод аз имконияти замонавӣ баҳравар шаванд. Ин туҳфаи навбатии роҳбари давлат ҳавасмандии ҳунармандонро барои эҷоди асарҳои нав, аз ҷумла суруду оҳангҳои ҷаззоб афзун мегардонад”, - қайд кардааст Хадамоти матбуоти раисҷумҳур.Зимни боздид роҳбари давлат таъкид намуданд, ки ҳунармандон бояд бо истеъдоди фавқулодаю сурудҳои баландмазмун дар баланд бардоштани маънавиёти шаҳрвандон ва муаррифии фарҳангу тамаддуни волои тоҷикон дар арсаи байналмилалӣ саҳмгузор бошанд.
https://sputnik.tj/20241205/rahmon-sudyaho-savgand-sodiq-boshand-1065380215.html
https://sputnik.tj/20241130/kishovarzi-jashni-navruz-majlisi-hukumat-rahmon-suporishho-1065323714.html
душанбе
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, эмомалӣ раҳмон, ифтитоҳ, иншоот, суди олӣ, кумитаи андоз, филармония, рустам эмомалӣ
тоҷикистон, эмомалӣ раҳмон, ифтитоҳ, иншоот, суди олӣ, кумитаи андоз, филармония, рустам эмомалӣ
Аз бинои нави Суди олӣ то филармония: Раҳмон чанд иншооти муҳимро ифтоҳ кард
Раисҷумҳури кишвар ҳамроҳ бо раиси шаҳри Душанбе, дар пойтахти кишвар ду иншооти муҳимро ифтитоҳ намуда ба сохтмони бинои нави Кумитаи андоз ҳусни оғоз бахшид
ДУШАНБЕ, 5 дек — Sputnik. Президенти Тоҷикистон,Эмомалӣ Раҳмон ва раиси шаҳри Душанбе Рустами Эмомалӣ дар ноҳияи Исмоили Сомонӣ бинои нави Суди Олии Тоҷикистонро ифтитоҳ намуданд.
Дар ин бора Хадамоти матбуоти раисҷумҳури Тоҷикистон хабар додааст.
Ба иттилои манбаъ, иншооти ба хотири фароҳам овардани шароити мусоиди фаъолият барои кормандони мақомоти судӣ бунёд гардида, дорои шароити пешрафтаи кору хизматрасонӣ мебошад.
Бинои Суди Олӣ аз 15 ошёна иборат буда, барои сохтмони он наздик ба 185 миллион сомонӣ маблағ масраф шудааст.
Роҳбари давлат муҳтарам Эмомалӣ Раҳмон зимни боздид аз бинои нави Суди Олӣ зикр карданд, ки бо истифода аз шароити фароҳамовардашуда кормандони мақомот вазифадоранд, ки ҳуқуқ, озодии инсону шаҳрванд, манфиати давлат, ташкилоту муассисаҳо, қонунияту адолатро ба таври бояду шояд ҳифз карда, волоияти қонунро таъмин намоянд.
Манбаъ қайд кардааст, ки қомат афрохтани бинои наву замонавии Суди Олии Ҷумҳурии Тоҷикистон дар яке аз кӯчаҳои марказии пойтахти кишвар ба зебогии бештари шаҳри Душанбе мусоидат карда, идомаи мантиқии татбиқи амалии сиёсати бунёдкоронаи роҳбарияти олии сиёсии Тоҷикистон ва шаҳрдории пойтахт мебошад.
Манбаъ ёдрас шудааст, ки бо маблағгузории Ҳукумати Тоҷикистон давоми солҳои 2000-2024 дар 14 шаҳру ноҳияи ҷумҳурӣ бинои судҳо аз нав сохта ва ба истифода дода шуд.
Ҳамчунин раисҷумҳури кишвар ва раиси шаҳри Душанбе барои бунёди бинои нави Кумитаи андози Тоҷикистон дар ноҳияи Исмоили Сомонии пойтахт санги асос гузоштанд.
Хабар дода шудааст, ки иншооти нави Кумитаи андози аз 4 бинои 3 ва 16 ошёнаву таҳхона иборат буда, дорои 12 маҷлисгоҳи барҳаво, толор бо 500 ҷойи нишаст ва ошхона бо 160 ҷойи нишаст пешбинӣ гардидааст.
Бинои нав дар асоси нақшаи генералии шаҳри Душанбе дар масоҳати 9 ҳазору 145 метри мураббаъ сохта мешавад.
Инчунин раисҷумҳури Тоҷикистон Эмомалӣ Раҳмон ва раиси шаҳри Душанбе Рустами Эмомалӣ бинои Муассисаи давлатии Филармонияи давлатии Тоҷикистонро баъди навсозӣ ифтитоҳ карданд.
Бинои Филармонияи давлатии Тоҷикистон ба номи “Акашариф Ҷӯраев” бо маблағгузории ҳукумати Тоҷикистон аз таъмир бароварда шуда, дар он барои кору эҷоди аҳли ҳунар имкониятҳои мутобиқ ба талабот фароҳам гардидааст.
Хадамоти матбуоти раисҷумҳур қайд кардааст, ки дар гузашта толори консертӣ ва роҳраву ҳуҷраҳои кории Филармонияи давлатии Тоҷикистон таъмирталаб шуда, барои гузаронидани чорабиниҳои сатҳи баланди фарҳангӣ ҷавобгу набуд.
"Сиёсати фарҳангпарваронаи ҳукумати кишвар имкон фароҳам овард, ки аҳли ҳунар барои кору эҷод аз имконияти замонавӣ баҳравар шаванд. Ин туҳфаи навбатии роҳбари давлат ҳавасмандии ҳунармандонро барои эҷоди асарҳои нав, аз ҷумла суруду оҳангҳои ҷаззоб афзун мегардонад”, - қайд кардааст Хадамоти матбуоти раисҷумҳур.
Зимни боздид роҳбари давлат таъкид намуданд, ки ҳунармандон бояд бо истеъдоди фавқулодаю сурудҳои баландмазмун дар баланд бардоштани маънавиёти шаҳрвандон ва муаррифии фарҳангу тамаддуни волои тоҷикон дар арсаи байналмилалӣ саҳмгузор бошанд.
