https://sputnik.tj/20240704/elomiyai-ostona-ba-imzo-rasid-saroni-kishvarhoi-shsh-ba-chi-tavofuq-rasidand--1063420452.html
Эъломияи Остона ба имзо расид: Сарони кишварҳои СҲШ ба чӣ тавофуқ расиданд
Эъломияи Остона ба имзо расид: Сарони кишварҳои СҲШ ба чӣ тавофуқ расиданд
Sputnik Тоҷикистон
Сарони кишварҳои узви Созмони ҳамкориҳои Шонгҳой (СҲШ) дар пойтахти Қазоқистон эъломияи ниҳоии Остонаро ба имзо расониданд
2024-07-04T13:57+0500
2024-07-04T13:57+0500
2024-07-17T11:41+0500
остона
сҳш
эъломия
қазоқистон
русия
сиёсат
https://cdnn1.img.sputnik.tj/img/07e8/07/0b/1063491547_52:0:1995:1093_1920x0_80_0_0_51c32a88ed688c03c843931b7a4148d8.jpg
ДУШАНБЕ, 4 июл — Sputnik. Дар пойтахти Қазоқистон ҷаласаи 24-уми Шӯрои сарони кишварҳои узви Созмони ҳамкориҳои Шанхай баргузор шуд, ки дар натиҷа як қатор санадҳои муҳим, аз ҷумла Эъломияи Остона, ба имзо расид.Пас аз ҷаласаи Шӯрои сарони давлатҳо Эъломияи Остонаро ба имзо расониданд, ки ба баланд бардоштани нақши СҲШ дар фароҳам овардани шароит барои таҳкими сулҳу амният ва субот дар ҷаҳон, бунёди тартиботи нави демократӣ, одилонаи сиёсӣ ва иқтисодии байналмилалӣ нигаронида шудааст.Инчунин дар он такмили механизмҳои муқовимат ба чолишҳо ва таҳдидҳои амниятӣ, мубориза бо терроризм, сепаратизм ва ифротгароӣ, қочоқи маводи мухаддир, қочоқи аслиҳа ва дигар намудҳои ҷиноятҳои муташаккили фаромиллӣ инъикос ёфтааст.Қарор дар бораи тавсеаи узвияти СҲШ рӯйдоди таърихӣ буд. Беларус ба ин созмон ҳамчун узви комилҳуқуқ пазируфта шуд ва даҳумин кишвари узви ин созмон шуд.Раҳбарони кишварҳои СҲШ ташаббус "Дар бораи ваҳдати ҷаҳон барои сулҳу ваҳдати одилона"-ро тасдиқ намуда, тасмим гирифтанд, ки лоиҳаи стратегияи рушди СҲШ то соли 2035 ба итмом ва мувофиқа гардад.Барномаи ҳамкории кишварҳои СҲШ дар мубориза бо терроризм, сепаратизм ва ифротгароӣ барои солҳои 2025-2027 тасдиқ гардид; стратегияи мубориза бо маводи мухаддир барои солҳои 2024-2029 ва барномаи амал оид ба татбиқи он; стратегияи рушди ҳамкориҳои энергетикӣ то соли 2030; нақшаи чорабиниҳо оид ба татбиқи стратегияи рушди иқтисодии СҲШ барои солҳои то соли 2030.Дар бораи Ассотсиатсияи сармоягузорони СҲШ қарор қабул шуд. Ин платформаи бисёрҷонибаи машваратӣ ва коршиносӣ бо мақсади мусоидат ба рушди ҳамкориҳои сармоягузорӣ, ба роҳ мондани ҳамкориҳои байни доираҳои соҳибкорӣ, вазоратҳо ва идораҳои давлатӣ дар соҳаи фаъолияти сармоягузорӣ таъсис дода шудааст.Ҳамчунин қарор дар бораи механизмҳои дастгирии молиявии фаъолияти лоиҳаҳои СҲШ ба имзо расид.Барномаи рушди ҳамкорӣ дар соҳаи минтақаҳои муҳофизатшаванда ва туризми экологӣ тасдиқ карда шуд. Шаҳри Чиндаои Чин дар солҳои 2024-2025 пойтахти сайёҳӣ ва фарҳангии СҲШ эълон шудааст. Харитаи роҳ оид ба таҳкими ҳамкории кишварҳои узви СҲШ ва шарикони муколамаи СҲШ тасдиқ гардид.Қарор дар бораи имзои Ёддошти тафоҳум миёни Котиботи СҲШ ва Маркази ҳамоҳангсозии минтақавии иттилоотии Осиёи Марказӣ оид ба мубориза бо гардиши ғайриқонунии воситаҳои нашъадор, моддаҳои психотропӣ ва прекурсорҳои онҳо қабул шуд.Инчунин сарони СҲШ қарор дар бораи нақшаи ҳамкории кишварҳои СҲШ оид ба масъалаҳои таъмини амнияти байналмилалии иттилоотӣ ба имзо расониданд.Мӯҳлати амали нақшаи дахлдори қаблӣ то солҳои 2024-2025 тамдид карда шуд.Намояндаи Қазоқистон Нурлан Ермекбоев, ки ҳоло дар мақоми муовини дабири кулли СҲШ кор мекунад, аз 1 январи соли 2025 то 31 декабри соли 2027 дабири кулли СҲШ таъин шуд.Бо қарори дигар Уларбек Шаршеев аз Қирғизистон ба вазифаи директори Кумитаи иҷроияи Сохтори минтақавии зиддитеррористии СҲШ таъйин шуд.
https://sputnik.tj/20240704/belarus-nishast-ostona-rasman-uzv-shsh-1063419126.html
https://sputnik.tj/20240611/maskav-dushanbe-mavqe-guruh-shsh-afghoniston-narm-1063181744.html
қазоқистон
русия
Sputnik Тоҷикистон
info@sputnik.tj
+74956456601
MIA „Rossiya Segodnya“
2024
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
қазоқистон, сҳш, эъломия, имзо, сарон, остона
қазоқистон, сҳш, эъломия, имзо, сарон, остона
Эъломияи Остона ба имзо расид: Сарони кишварҳои СҲШ ба чӣ тавофуқ расиданд
13:57 04.07.2024 (Навсозишуда: 11:41 17.07.2024) Сарони кишварҳои узви Созмони ҳамкориҳои Шанхай (СҲШ) дар пойтахти Қазоқистон эъломияи ниҳоии Остонаро ба имзо расониданд
ДУШАНБЕ, 4 июл — Sputnik. Дар пойтахти Қазоқистон ҷаласаи 24-уми Шӯрои сарони кишварҳои узви Созмони ҳамкориҳои Шанхай баргузор шуд, ки дар натиҷа як қатор санадҳои муҳим, аз ҷумла Эъломияи Остона, ба имзо расид.
Пас аз ҷаласаи Шӯрои сарони давлатҳо Эъломияи Остонаро ба имзо расониданд, ки ба баланд бардоштани нақши СҲШ дар фароҳам овардани шароит барои таҳкими сулҳу амният ва субот дар ҷаҳон, бунёди тартиботи нави демократӣ, одилонаи сиёсӣ ва иқтисодии байналмилалӣ нигаронида шудааст.
Инчунин дар он такмили механизмҳои муқовимат ба чолишҳо ва таҳдидҳои амниятӣ, мубориза бо терроризм, сепаратизм ва ифротгароӣ, қочоқи маводи мухаддир, қочоқи аслиҳа ва дигар намудҳои ҷиноятҳои муташаккили фаромиллӣ инъикос ёфтааст.
Қарор дар бораи тавсеаи узвияти СҲШ рӯйдоди таърихӣ буд. Беларус ба ин созмон ҳамчун узви комилҳуқуқ пазируфта шуд ва даҳумин кишвари узви ин созмон шуд.
Раҳбарони кишварҳои СҲШ ташаббус "Дар бораи ваҳдати ҷаҳон барои сулҳу ваҳдати одилона"-ро тасдиқ намуда, тасмим гирифтанд, ки лоиҳаи стратегияи рушди СҲШ то соли 2035 ба итмом ва мувофиқа гардад.
Барномаи ҳамкории кишварҳои СҲШ дар мубориза бо терроризм, сепаратизм ва ифротгароӣ барои солҳои 2025-2027 тасдиқ гардид; стратегияи мубориза бо маводи мухаддир барои солҳои 2024-2029 ва барномаи амал оид ба татбиқи он; стратегияи рушди ҳамкориҳои энергетикӣ то соли 2030; нақшаи чорабиниҳо оид ба татбиқи стратегияи рушди иқтисодии СҲШ барои солҳои то соли 2030.
Дар бораи Ассотсиатсияи сармоягузорони СҲШ қарор қабул шуд. Ин платформаи бисёрҷонибаи машваратӣ ва коршиносӣ бо мақсади мусоидат ба рушди ҳамкориҳои сармоягузорӣ, ба роҳ мондани ҳамкориҳои байни доираҳои соҳибкорӣ, вазоратҳо ва идораҳои давлатӣ дар соҳаи фаъолияти сармоягузорӣ таъсис дода шудааст.
Ҳамчунин қарор дар бораи механизмҳои дастгирии молиявии фаъолияти лоиҳаҳои СҲШ ба имзо расид.
Барномаи рушди ҳамкорӣ дар соҳаи минтақаҳои муҳофизатшаванда ва туризми экологӣ тасдиқ карда шуд. Шаҳри Чиндаои Чин дар солҳои 2024-2025 пойтахти сайёҳӣ ва фарҳангии СҲШ эълон шудааст. Харитаи роҳ оид ба таҳкими ҳамкории кишварҳои узви СҲШ ва шарикони муколамаи СҲШ тасдиқ гардид.
Қарор дар бораи имзои Ёддошти тафоҳум миёни Котиботи СҲШ ва Маркази ҳамоҳангсозии минтақавии иттилоотии Осиёи Марказӣ оид ба мубориза бо гардиши ғайриқонунии воситаҳои нашъадор, моддаҳои психотропӣ ва прекурсорҳои онҳо қабул шуд.
Инчунин сарони СҲШ қарор дар бораи нақшаи ҳамкории кишварҳои СҲШ оид ба масъалаҳои таъмини амнияти байналмилалии иттилоотӣ ба имзо расониданд.
Мӯҳлати амали нақшаи дахлдори қаблӣ то солҳои 2024-2025 тамдид карда шуд.
Намояндаи Қазоқистон Нурлан Ермекбоев, ки ҳоло дар мақоми муовини дабири кулли СҲШ кор мекунад, аз 1 январи соли 2025 то 31 декабри соли 2027 дабири кулли СҲШ таъин шуд.
Бо қарори дигар Уларбек Шаршеев аз Қирғизистон ба вазифаи директори Кумитаи иҷроияи Сохтори минтақавии зиддитеррористии СҲШ таъйин шуд.
