Оғози савдои зардолуи тоҷикӣ ба Русия: Нархаш дар Тоҷикистон чанд аст?

© Pixabay / manseok_KimАбрикосы на ветке дерева
Абрикосы на ветке дерева - Sputnik Тоҷикистон, 1920, 16.05.2023
Обуна шудан
Эксклюзив
Боғдорону соҳибкорони вилояти Суғд ба ҷамъоварӣ ва содироти ҳосили нави зардолу ба хориҷи кишвар шурӯъ намуданд. Яке аз харидорони аслӣ Русия мебошад
ДУШАНБЕ, 16 май – Sputnik. Дар ноҳияи Ашт ҷамъоварии ҳосили зардолуи барвақтӣ ё пешпазак оғоз шуд, иттилоъ доданд мақомоти кишоварзии Суғд.
Давоми 6 рӯзи охир тавассути 70 адад мошинҳои боркашон наздики 1,2 ҳазор тон зардолу ба хориҷи кишвар содир шудааст, иттилоъ дод сардори Раёсати кишоварзии ноҳияи Ашт, Бахтиёр Усмонов ба Sputnik Тоҷикистон. Аз ин миқдор зардолу 70% ба Русия ва 30% ба Қазоқистон интиқол ёфт, афзуд ӯ.
Тавзеҳ дода шуд, ки содироти зардолу асосан тавассути мошинҳои боркашони бузургҳаҷми дорои сардхона дар шароити тару тоза сурат мегирад. Ин коррро соҳибкороне, ки дар ин самт таҷрибаи кофӣ доранд ба иҷро мерасонанд.
Президент РФ В. Путин принял верительные грамоты у вновь прибывших послов иностранных государств - Sputnik Тоҷикистон, 1920, 15.05.2023
Путин афзалиятҳои ҳамкорӣ бо кишварҳои собиқ шӯравиро гуфт
Бино ба иттилоъи сардори Идораи кишоварзии Ашт дар ин ноҳияи ҳудуди 18 ҳазор га боғи зардолу мавҷуд будааст, ки ҳудуди 600 гаи онро дарахтони зардолуи арзанак ва ё пешпазак ташкил медиҳад.
Ин навъ маҳсули ранҷи боғдорони Суғд то ин замон дар намоишгоҳҳои бонуфузи байналмиллалӣ бо доштани сифати баланд аз ҷумла тамъ, ранг ва ширинӣ мақоми намоён касб кардааст.
Масъулони Идораи кишоварзӣ мегуяд, имсол ҳосили дарахтон хуб ба назар мерасад ва аз ин ҳисоб ҳаҷми содироти зардолу ва гелосу олуболу ҳам афзоиш хоҳад ёфту аз ин ҳисоб боғдорону деҳқонон рӯзии хубе ба даст хоҳанд овард.
Бино ба иттилои Сарраёсати кишварзии Суғд, дар ин вилоят ҳоло ҳудуди 45 ҳазор гектар боғи зардолу мавҷуд аст. Дар баробари Ашт, шаҳрҳои Исфараву Конибодом ва ноҳияи Бобоҷон Ғафуров зардолупарвар маҳсуб мешаванд.
Рукопожатие, архивное фото - Sputnik Тоҷикистон, 1920, 12.05.2023
Тафсилоти созишҳои Душанбею Остона: аз савдо то муносиботи бонкӣ
Бахтиёр Усмонов изҳори умедворӣ кард, ки соли ҷорӣ аз ҳисоби фаровонии ҳосили дарахтон ҳаҷми содироти зардолу то ба 6 ҳазор тон расонида хоҳад шуд.
Ҳоло нархи як кило зардолуи арзанак ва ё тезпазак дар бозорҳои Суғд ба 6 - 8 сомонӣ баробар аст, ки дар муқоиса ба ҳамин давраи соли қаблӣ то ду баробар арзон гуфта мешавад.
Ду соли пеш пайдарпай сармои шадид боиси сиёҳ гардидани гули зардолузорҳо гардида дар ниҳоят ҳосили дурусту назаррасе ба даст наомад ва ин ҳол боиси ду се маротиба гарон шудани нархи зардолу гардида буд.
Боғпарварон мегӯянд, нархи зардолу вобаста ба ҳаҷми ғунучини ҳосил вобаста аст. Ҳоло бо он, ки ҳосил фаровон аст, нархи он ҳам арзону барои ҳама дастрас аст, зикр мекунанд, боғпарварон.
Лентаи хабарҳо
0