https://sputnik.tj/20230502/behbudi-daromad-aloqa-shirkatho-mobili-1056816712.html
"Беҳбудӣ кай?": даромади зиёду алоқаи хароби ширкатҳои мобилӣ
"Беҳбудӣ кай?": даромади зиёду алоқаи хароби ширкатҳои мобилӣ
Sputnik Тоҷикистон
Шаҳрвандони Тоҷикистон дар мавриди сифати алоқаи мобилӣ дар ҷумҳурӣ даҳҳо шикоятро ба мақомоти танзимкунандаи ин соҳа пешниҳод кардаанд
2023-05-02T12:30+0500
2023-05-02T12:30+0500
2023-05-02T18:00+0500
дар тоҷикистон
алоқа
ширкат
мобилӣ
хизмат
иқтисод
https://cdnn1.img.sputnik.tj/img/07e7/02/06/1054706124_0:0:803:452_1920x0_80_0_0_2d14525ac287ca58bac78125b88d12b4.jpg
ДУШАНБЕ, 2 май – Sputnik. Хадамоти алоқаи Тоҷикистон аз афзойиши 50%-ии ширкатҳои мобилӣ хабар дода, дар бораи замони беҳбуди сифати алоқа гуфт.Ин дар ҳолест, ки шикояти муштариёни ширкатҳои мобилӣ дар Тоҷикистон як сол ба ин сӯ шабакаҳои иҷтимоиро пур кардааст. Муовини раиси Хадамоти алоқаи кишвар, Илҳомҷон Атоев, ба Sputnik Тоҷикистон гуфт, мушкил дар сифати алоқа воқеан вуҷуд дорад ва ниҳодаш даҳҳо шикоят аз муштариён дарёфт кардааст, аммо ширкатҳои мобилӣ ҷиддан дар пайи рафъи он ҳастанд. “Аммо ин маворид низ вуҷуд доранд, ки дар бархе навоҳӣ ба ин далел, ки антенҳо ба саломатии одамон зиён доранд, аҳолӣ тақозо кард, то онҳо барчида шаванд. Масалан, дур намеравем, дар шаҳри Душанбе 18 пойгоҳро ширкатҳо маҷбуран канданд", - гуфт Атоев. Вай афзуд, чун алоқа хароб шуд, дигарбора муштариён тақозо карданд, то онҳоро барқарор кунанд. "Як сектор кор накунад, тамбашавӣ дар трафик ба вуҷуд меояд ва тамоми зӯр сари сектори дигар меафтад, ки табъан сифати алоқа паст мешавад", - тавзеҳ дод мақомдор. Тибқи иттилои ӯ, то охири соли равон ба хотири беҳбуд бахшидани алоқаи мобилӣ қарор аст дар саросари Тоҷикистон 450 пойгоҳи ҷадид насб шавад, ки дар пайи ин тақсим кардани трафик сода ва зарфияти пойгоҳҳо ё антенаҳо боло меравад. Илҳомҷон Атоев гуфт, бино ба иттилои оморӣ, тайи се моҳи гузашта даромади ширкатҳои мобилӣ дар қиёс бо ҳамин давраи соли гузашта, 50% афзудааст. “Муштариамон низ дар қиёс бо семоҳаи соли гузашта афзудааст ва дар ҳоли афзудан аст”, - афзуд вай. Тибқи иттилои Хадамоти алоқа, даромади ширкатҳои мобилии Тоҷикистон дар семоҳаи аввали соли 2022 беш аз 700 млн сомониро ташкил мекард ва соли равон ин рақам ба беш аз 1 млрд сомонӣ расидааст.Ин дар ҳолест, ки муштариёни алоқаи мобилӣ ба таври муқаррар аз сифати алоқа ва сустии интернет шикоят мекунанд. Дар аксари маворид шикояти онҳо аз ин аст, ки маблағ месупоранд, аммо хизматрасонии саҳеҳро дарёфт намекунанд. Дар Тоҷикистон 4 ширкати мобилӣ - Тисел (бо зерширкаташ “О мобайл”), МегаФон Тоҷикистон, Зед мобайл ва Вавилон-М фаъолият мекунанд.
https://sputnik.tj/20230423/mushtari-khatti-aloqa-norozigii-vakil-mobili-1056633561.html
https://sputnik.tj/20230423/tashkil-dasturi-beg-sabur-khadamoti-aloqa-internet-1056629504.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2023
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, алоқа, ширкат, мобилӣ, хизмат, иқтисод
дар тоҷикистон, алоқа, ширкат, мобилӣ, хизмат, иқтисод
"Беҳбудӣ кай?": даромади зиёду алоқаи хароби ширкатҳои мобилӣ
12:30 02.05.2023 (Навсозишуда: 18:00 02.05.2023) Эксклюзив
Шаҳрвандони Тоҷикистон дар мавриди сифати алоқаи мобилӣ дар ҷумҳурӣ даҳҳо шикоятро ба мақомоти танзимкунандаи ин соҳа пешниҳод кардаанд
ДУШАНБЕ, 2 май – Sputnik. Хадамоти алоқаи Тоҷикистон аз афзойиши 50%-ии ширкатҳои мобилӣ хабар дода, дар бораи замони беҳбуди сифати алоқа гуфт.
Ин дар ҳолест, ки шикояти муштариёни ширкатҳои мобилӣ дар Тоҷикистон як сол ба ин сӯ шабакаҳои иҷтимоиро пур кардааст.
Муовини раиси Хадамоти алоқаи кишвар, Илҳомҷон Атоев, ба Sputnik Тоҷикистон гуфт, мушкил дар сифати алоқа воқеан вуҷуд дорад ва ниҳодаш даҳҳо шикоят аз муштариён дарёфт кардааст, аммо ширкатҳои мобилӣ ҷиддан дар пайи рафъи он ҳастанд.
“Аммо ин маворид низ вуҷуд доранд, ки дар бархе навоҳӣ ба ин далел, ки антенҳо ба саломатии одамон зиён доранд, аҳолӣ тақозо кард, то онҳо барчида шаванд. Масалан, дур намеравем, дар шаҳри Душанбе 18 пойгоҳро ширкатҳо маҷбуран канданд", - гуфт Атоев.
Вай афзуд, чун алоқа хароб шуд, дигарбора муштариён тақозо карданд, то онҳоро барқарор кунанд.
"Як сектор кор накунад, тамбашавӣ дар трафик ба вуҷуд меояд ва тамоми зӯр сари сектори дигар меафтад, ки табъан сифати алоқа паст мешавад", - тавзеҳ дод мақомдор.
Тибқи иттилои ӯ, то охири соли равон ба хотири беҳбуд бахшидани алоқаи мобилӣ қарор аст дар саросари Тоҷикистон 450 пойгоҳи ҷадид насб шавад, ки дар пайи ин тақсим кардани трафик сода ва зарфияти пойгоҳҳо ё антенаҳо боло меравад.
"Тамоми ширкатҳои мобилӣ дар ин кор саҳим ҳастанд ва ҳоло корҳо ҷараён дорад. Ниҳоди мо ин равандро назорат мекунад", - гуфт муовини раиси Хадамоти алоқаи Тоҷикистон.
Илҳомҷон Атоев гуфт, бино ба иттилои оморӣ, тайи се моҳи гузашта даромади ширкатҳои мобилӣ дар қиёс бо ҳамин давраи соли гузашта, 50% афзудааст.
“Муштариамон низ дар қиёс бо семоҳаи соли гузашта афзудааст ва дар ҳоли афзудан аст”, - афзуд вай.
Тибқи иттилои Хадамоти алоқа, даромади ширкатҳои мобилии Тоҷикистон дар семоҳаи аввали соли 2022 беш аз 700 млн сомониро ташкил мекард ва соли равон ин рақам ба беш аз 1 млрд сомонӣ расидааст.
Ин дар ҳолест, ки муштариёни алоқаи мобилӣ ба таври муқаррар аз сифати алоқа ва сустии интернет шикоят мекунанд.
Дар аксари маворид шикояти онҳо аз ин аст, ки маблағ месупоранд, аммо хизматрасонии саҳеҳро дарёфт намекунанд. Дар Тоҷикистон 4 ширкати мобилӣ - Тисел (бо зерширкаташ “О мобайл”), МегаФон Тоҷикистон, Зед мобайл ва Вавилон-М фаъолият мекунанд.
