https://sputnik.tj/20230307/zarurat-choraandeshi-saad-dushanbe-marz-bishkek-1055354376.html
Ниёз ба чораандешии СААД нест: Душанбе гуфт, масъалаи марз бо Бишкекро худ ҳал мекунанд
Ниёз ба чораандешии СААД нест: Душанбе гуфт, масъалаи марз бо Бишкекро худ ҳал мекунанд
Sputnik Тоҷикистон
Тоҷикистон бо таъкиди пешрафтҳои мусбат дар масоили марзӣ бо Қирғизистон изҳор дошт, ки зарурат ба чораандешиҳои бисёрҷониба, аз ҷумла дар сатҳи СААД нест
2023-03-07T11:40+0500
2023-03-07T11:40+0500
2023-03-07T11:40+0500
вазъ дар марзи тоҷикистону қирғизистон
дар тоҷикистон
қирғизистон
амният ва мудофиа
марз
ҳамкорӣ
сиёсат
https://cdnn1.img.sputnik.tj/img/07e6/09/10/1051450859_0:0:1348:759_1920x0_80_0_0_d3e419ce9746d21b2ccc8d5b16f0594e.jpg
ДУШАНБЕ, 7 мар — Sputnik. Муайянсозию аломатгузории марзи Тоҷикистону Қирғизистон дар сатҳи ҳайатҳои ҳукуматии ду кишвар баррасӣ мешаванд. Ин нуктаро Вазорати мудофиаи Тоҷикистон бо нашри як иттилоия таъкид карда, афзудааст, ки бо назардошти пешравиҳои ахир дар ин самт, зарурати тадбирҳои иловагии бисёрҷониба, аз ҷумла дар доираи СААД вуҷуд надорад.Манбаъ ҳамчунин аз натоиҷи нишасти сарони воҳидҳои ҳамкориҳои байналмилалии вазоратҳои дифои кишварҳои узви СААД дар шаҳри Минск Беларус зикр карда, афзудаст, ки ҳайати Тоҷикистон низ дар он иштирок дошт. Дар робита ба ин, Раёсати ҳамкориҳои байналмилалии Вазорати дифои Тоҷикистон, изҳор дошт, ки дар нишаст ҷониби Беларус дар бораи самтҳои афзалиятноки раёсати худ дар СААД дар соли 2023 маълумот дод.Бояд тазаккур дод, ки дар чаҳорчӯби мулоқот масоили марзи Тоҷикистону Қирғизистон матраҳ нашудааст. Гузашта аз ин, қабули ибтикоре барои Шӯрои вазирони дифои СААД, дар бораи рафъи ташаннуҷ дар марзи Тоҷикистону Қирғизистон сурат нагирифтааст, таъкид намуданд мақомоти тоҷик. Қаблан ҷониби Белорус аз натиҷаи ин нишаст дар Минск хабар дода буд, ки рафъи танишҳо дар доираи созмон аз мавзӯъҳои аслии нишасти сарони воҳидҳои ҳамкориҳои байналмилалии Нерӯҳои мусаллаҳи кишварҳои узв буд. Аз қавли намояндаи Беларус Валерий Ревенко, расонаҳо хабар дода буданд, ки барои роҳбарони вазоратҳои дифоъ барои рафъи ташаннуҷ дар қитъаҳои марзии Қирғизистону Тоҷикистон пешниҳодҳо таҳия шудаанд. Қаблан Бишкек ва Душанбе якдилона азмашонро баён доштанд, ки масъалаи аломатгузории марз бояд ҳарчи зудтар ҳалли худро пайдо кунад.Ҳамин тариқ ба ҳолати аввали соли равон, хати сарҳадии мувофиқашудаи Тоҷикистону Қирғизистон, ки аллакай 626 километр шудааст, ҳудуди 63%-и дарозии умумии сарҳадро ташкил медиҳад.Тоҷикистону Қирғизистон беш аз 980 километр марзи муштарак доранд, ки садҳо километри он ҳанӯз мушаххасу аломатгузорӣ нашудааст.
https://sputnik.tj/20230217/sirojiddin-muhriddin-sozish-marzi-qirghiziston-1055002125.html
https://sputnik.tj/20230213/davat-lukashenko-bahs-marz-khotima-muttahid-1054881884.html
қирғизистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2023
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
душанбе, масъала, марз, тоҷикистон, бишкек, қирғизистон, саад
душанбе, масъала, марз, тоҷикистон, бишкек, қирғизистон, саад
Ниёз ба чораандешии СААД нест: Душанбе гуфт, масъалаи марз бо Бишкекро худ ҳал мекунанд
Тоҷикистон бо таъкиди пешрафтҳои мусбат дар масоили марзӣ бо Қирғизистон изҳор дошт, ки зарурат ба чораандешиҳои бисёрҷониба, аз ҷумла дар сатҳи СААД нест
ДУШАНБЕ, 7 мар — Sputnik. Муайянсозию аломатгузории марзи Тоҷикистону Қирғизистон дар сатҳи ҳайатҳои ҳукуматии ду кишвар баррасӣ мешаванд.
Ин нуктаро Вазорати мудофиаи Тоҷикистон бо нашри як иттилоия таъкид карда, афзудааст, ки бо назардошти пешравиҳои ахир дар ин самт, зарурати тадбирҳои иловагии бисёрҷониба, аз ҷумла дар доираи СААД вуҷуд надорад.
Манбаъ ҳамчунин аз натоиҷи нишасти сарони воҳидҳои ҳамкориҳои байналмилалии вазоратҳои дифои кишварҳои узви СААД дар шаҳри Минск Беларус зикр карда, афзудаст, ки ҳайати Тоҷикистон низ дар он иштирок дошт.
Дар робита ба ин, Раёсати ҳамкориҳои байналмилалии Вазорати дифои Тоҷикистон, изҳор дошт, ки дар нишаст ҷониби Беларус дар бораи самтҳои афзалиятноки раёсати худ дар СААД дар соли 2023 маълумот дод.
Бояд тазаккур дод, ки дар чаҳорчӯби мулоқот масоили марзи Тоҷикистону Қирғизистон матраҳ нашудааст. Гузашта аз ин, қабули ибтикоре барои Шӯрои вазирони дифои СААД, дар бораи рафъи ташаннуҷ дар марзи Тоҷикистону Қирғизистон сурат нагирифтааст, таъкид намуданд мақомоти тоҷик.
Қаблан ҷониби Белорус аз натиҷаи ин нишаст дар Минск хабар дода буд, ки рафъи танишҳо дар доираи созмон аз мавзӯъҳои аслии нишасти сарони воҳидҳои ҳамкориҳои байналмилалии Нерӯҳои мусаллаҳи кишварҳои узв буд.
Аз қавли намояндаи Беларус Валерий Ревенко, расонаҳо хабар дода буданд, ки барои роҳбарони вазоратҳои дифоъ барои рафъи ташаннуҷ дар қитъаҳои марзии Қирғизистону Тоҷикистон пешниҳодҳо таҳия шудаанд.
Қаблан Бишкек ва Душанбе якдилона азмашонро баён доштанд, ки масъалаи аломатгузории марз бояд ҳарчи зудтар ҳалли худро пайдо кунад.
Ҳамин тариқ ба ҳолати аввали соли равон, хати сарҳадии мувофиқашудаи Тоҷикистону Қирғизистон, ки аллакай 626 километр шудааст, ҳудуди 63%-и дарозии умумии сарҳадро ташкил медиҳад.
Тоҷикистону Қирғизистон беш аз 980 километр марзи муштарак доранд, ки садҳо километри он ҳанӯз мушаххасу аломатгузорӣ нашудааст.
