https://sputnik.tj/20230305/vada-noumedi-piruzi-razmikori-tojik-ufc-video-1055318064.html
Аз ваъдаҳо то ноумедӣ: Размикори тоҷик аз роҳаш ба UFC гуфт - видео
Аз ваъдаҳо то ноумедӣ: Размикори тоҷик аз роҳаш ба UFC гуфт - видео
Sputnik Тоҷикистон
Размикори тоҷик мегӯяд, роҳаш ба созмони UFC ҳамвор набуда, аз интизориҳои зиёди беш аз яксола, ваъдаҳою баъдан аҳдшиканиҳоро дар бар гирифта буд
2023-03-05T17:30+0500
2023-03-05T17:30+0500
2023-03-05T17:30+0500
дар тоҷикистон
амният ва мудофиа
лоиқ раҷабов
размикор
мубориза
https://cdnn1.img.sputnik.tj/img/07e6/01/13/1044957034_0:0:585:330_1920x0_80_0_0_594ac94a7c8a22f2512f015e2f59ab81.png
ДУШАНБЕ, 5 мар — Sputnik. Варзишкори тоҷик, Лоиқ Раҷабов дар пайи пирӯзӣ дар нахустин сабқаташ дар UFC изҳор дошт, ки дар роҳ ба ин созмон ваъдахилофиҳою ноумедиҳоро паси сар кард. Вай изҳор дошт, ки сабқаташ дар ин созмон ҳудуди 14 моҳ интизор буд, аммо дар ин самт ваъдаҳо дода мешуданду баъдан ноумедиҳо низ буданд. Дар ниҳоят бо Эстебан Рибовичи 26-сола ҳамчун ивазкунанда вориди майдон шуд, чуд ҳарифи қаблӣ аз сабқат даст кашидаст. Раҷабов мегӯяд, аз ин сабқат тақрибан як ҳафта қабл огоҳ шуду онро пазируфт. Вай изҳори умед кард, ки дар оянда ҳадди ақал 2-3 моҳ қабл аз мубориза ҳарифашро хоҳад шинохту мувофиқан омода хоҳад шуд. Ба гуфтаи ӯ, дар рӯзи сабқат бо размикори аргентинӣ худро хастаю бемадор эҳсос мекард чун баданаш ҳанӯз комилан барқарор нашуда буд, аммо бо иродааш вориди майдон шуду пирӯз берун омад. Размикори тоҷик дар мавриди зарбаҳои хӯрдааш аз Рибович изҳор дошт, ки вазъро идора мекард. Вай таъкид намуд, ки дар сараш умуман фикри таслимро надораду то ҳолати беҳушӣ барои пирӯзию идомаи сабқат талош хоҳад кард. Раҷабов изҳор дошт, ки аллакай баъди моҳи шарифи Рамазон омода аст, бо ҳар ҳарифе вориди майдон шавад. Дар суҳбати дигараш Раҷабов таъкид намуд, ки ҳоло пурҳарфӣ намекунад ва дар амал натиҷаро нишон хоҳад дод. Изҳор дошт, ки ҳоло мехоҳад ҳадди ақал се набардро бибарад ва пасон ҳарифони болотар аз худашро ба майдон даъват хоҳад кард.
https://sputnik.tj/20230305/rajabov-jon-jons-video-musobiqa-ufc-1055318345.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2023
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
видео, суҳбат, лоиқ раҷабов, ғолиб, пирӯзӣ
видео, суҳбат, лоиқ раҷабов, ғолиб, пирӯзӣ
Аз ваъдаҳо то ноумедӣ: Размикори тоҷик аз роҳаш ба UFC гуфт - видео
Размикори тоҷик мегӯяд, роҳаш ба созмони UFC ҳамвор набуда, аз интизориҳои зиёди беш аз яксола, ваъдаҳою баъдан аҳдшиканиҳоро дар бар гирифта буд
ДУШАНБЕ, 5 мар — Sputnik. Варзишкори тоҷик, Лоиқ Раҷабов дар пайи пирӯзӣ дар нахустин сабқаташ дар UFC изҳор дошт, ки дар роҳ ба ин созмон ваъдахилофиҳою ноумедиҳоро паси сар кард.
Вай изҳор дошт, ки сабқаташ дар ин созмон ҳудуди 14 моҳ интизор буд, аммо дар ин самт ваъдаҳо дода мешуданду баъдан ноумедиҳо низ буданд. Дар ниҳоят бо Эстебан Рибовичи 26-сола ҳамчун ивазкунанда вориди майдон шуд, чуд ҳарифи қаблӣ аз сабқат даст кашидаст.
Раҷабов мегӯяд, аз ин сабқат тақрибан як ҳафта қабл огоҳ шуду онро пазируфт. Вай изҳори умед кард, ки дар оянда ҳадди ақал 2-3 моҳ қабл аз мубориза ҳарифашро хоҳад шинохту мувофиқан омода хоҳад шуд.
Ба гуфтаи ӯ, дар рӯзи сабқат бо размикори аргентинӣ худро хастаю бемадор эҳсос мекард чун баданаш ҳанӯз комилан барқарор нашуда буд, аммо бо иродааш вориди майдон шуду пирӯз берун омад.
Размикори тоҷик дар мавриди зарбаҳои хӯрдааш аз Рибович изҳор дошт, ки вазъро идора мекард. Вай таъкид намуд, ки дар сараш умуман фикри таслимро надораду то ҳолати беҳушӣ барои пирӯзию идомаи сабқат талош хоҳад кард.
Раҷабов изҳор дошт, ки аллакай баъди моҳи шарифи Рамазон омода аст, бо ҳар ҳарифе вориди майдон шавад.
Дар суҳбати дигараш Раҷабов таъкид намуд, ки ҳоло пурҳарфӣ намекунад ва дар амал натиҷаро нишон хоҳад дод. Изҳор дошт, ки ҳоло мехоҳад ҳадди ақал се набардро бибарад ва пасон ҳарифони болотар аз худашро ба майдон даъват хоҳад кард.
