Мақомот: Коронавирус дар Тоҷикистон нест

© Sputnik / Амир ИсаевЛюди на улице в городе Душанбе
Люди на улице в городе Душанбе - Sputnik Тоҷикистон, 1920, 22.12.2022
Обуна шудан
Мақомоти Тоҷикистон иддао дорад, ки дар кишвар вазъи эпидемиологӣ зери назорат аст ва ҳеҷ ҳолати сироят ба коронавирус ба қайд гирифта нашудааст
ДУШАНБЕ, 22 дек — Sputnik. Наврӯз Ҷаъфаров сардори Раёсати амнияти санитарию эпидемиологӣ ба Sputnik Тоҷикистон гуфт, ягон мавриди сироят ба коронавирус дар қаламрави кишвар ба қайд гирифта нашудааст.
Аммо вай таъкид кард, ки бо вуҷуди ин дар қаламрави кишвар тадбирҳо барои пешгирӣ аз вирус пурзӯр шуданд.
Наврӯз Ҷаъфаров қайд кард, ки дар ҳоли ҳозир вазъияти эпидемилогӣ дар кишвар зери назорат қарор дорад.
Вай афзуд, ки ҳоло дар Тоҷикистон зукоми мавсимӣ авҷ гирифтааст ва аз ин рӯ дар гузаргоҳҳои марзӣ назорат пурзур шудааст.
Таджикские школьники за партами - Sputnik Тоҷикистон, 1920, 22.12.2022
Дар Тоҷикистон мактабҳоро карантин намекунанд
Чанде пеш Вазорати тандурустии Тоҷикистон аз хуруҷи зукоми мавсимӣ хабар дода, аз шаҳрвандон талаб намудааст, ки ба худтабобаткунӣ роҳ надиҳанд.
“Дар сартосари Тоҷикистон зукоми мавсимӣ хуруҷ намудааст. Шаҳрвандони мамлакат набояд ба худтабобаткунӣ машғул шаванд, балки баръакс дар сурати пайдошудани нишонаҳои зуком зуд бояд ба табибони оилавӣ муроҷиат кунанд”, - Наврӯз Ҷаъфаров сардори Раёсати амнияти санитарӣ-эпидемиологии ҳолатҳои фавқулода ва кумаки фаврию тиббии Вазорати тандурустӣ.
Ин ҳам дар ҳолест, ки қаблан Вазорати тандурустӣ хабар дода буд, ки дар ҷумҳури навъи нави коронавирус мавҷуд нест, вале эҳтимолияти роҳ ёфтани он баланд аст. Зеро ин навъ вирус аллакай дар кишварҳои ҳамсояи Тоҷикистон зуҳур кардааст.
Лентаи хабарҳо
0