Афзоиши хароҷоти Маҷлиси миллӣ: пул куҷо меравад?

© Дафтари матбуоти Маҷлиси миллии ТоҷикистонРустами Эмомалӣ ва Раҷаббой Аҳмадзода дар Маҷлиси миллии Тоҷикистон
Рустами Эмомалӣ ва Раҷаббой Аҳмадзода дар Маҷлиси миллии Тоҷикистон - Sputnik Тоҷикистон, 1920, 18.12.2022
Обуна шудан
Шумораи кормандони Маҷлиси миллӣ, палатаи болоии парлумони Тоҷикистон, ки роҳбарии онро шаҳрдори Душанбе, Рустами Эмомалӣ ба уҳда дорад, бетағйир боқӣ монд
ДУШАНБЕ, 18 дек — Sputnik. Маҷлиси миллии Тоҷикистон сметаи хароҷоташро дар соли 2023 тасдиқ кард.
Бар асоси ин санад, ки роҳбари дастгоҳи Маҷлиси миллии Тоҷикистон, Илёс Идрисзода ҳафтаи равон дар ҷаласа муаррифӣ намуд, хароҷоти палатаи болоии парлумон дар соли оянда 5,5 млн сомониро ташкил медиҳад.
Ин маблағ дар қиёс бо нишондоди тасдиқшудаи хароҷот барои соли равон 1,4 млн сомонӣ бештар мебошад.
Маврид ба зикр аст, ки бар асоси сметаҳои Маҷлиси миллӣ хароҷоти ин палата дар соли 2021 ба 3,9 млн сомонӣ ва дар соли 2022 дар ҳаҷми 4,1 млн сомонӣ тасдиқ шуда буд.
Алишер Мирзонабот ба ҳайси узви нави Маҷлиси миллии Тоҷикистон савганд ёд кард - Sputnik Тоҷикистон, 1920, 16.12.2022
Генерал Мирзонабот муовини Рустами Эмомалӣ шуд: Ӯ ба номи халқ савганд хӯрд
Роҳбари дастгоҳи Маҷлиси миллии Тоҷикистон ҳамчунин тавзеҳ дод, ки маблағҳои мазкур асосан барои чӣ сарф мешаванд.
"Асосан барои пардохти музди меҳнат, хароҷоти мол ва хизматрасониҳо, инчунин, кумакпулиҳои иҷтимоӣ равона мегарданд", - изҳор дошт ӯ.
Маврид ба зикр аст, ки дар сохтор ва рӯйхати вазифаҳои дастгоҳи Маҷлиси миллӣ, ки ҳанӯз соли 2019 тасдиқ шудаанд, ягон тағйирот ворид нагардидааст. Ба иттилои Идрисзода басти вазифаҳои дастгоҳи палатаи болоии парлумон аз 52 воҳиди корӣ иборат мебошад.
Рӯйхати вазифаҳои Дастгоҳи Маҷлиси миллӣ дар соли равон низ аз 52 воҳиди корӣ иборат мебошад.
Қаблан Маҷлиси миллӣ барои ишғоли ҷойҳои холии корӣ дар Дастгоҳи Маҷлис озмун эълон карда буд, ки маош аз 1200 сомонӣ то 3300 сомониро ташкил медод.
Лентаи хабарҳо
0