Пограничник на смотровой вышке на границе Кыргызстана. Архивное фото - Sputnik Тоҷикистон, 1920
Вазъ дар марзи Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

Душанбе иддаои дабири амнияти Қирғизистонро рад кард: ӯ аз ҳузури террористҳои афғон гуфт

© Sputnik / Игорь ЛекаркинЗдание МИД РТ в Душанбе, архивное фото
Здание МИД РТ в Душанбе, архивное фото - Sputnik Тоҷикистон, 1920, 20.09.2022
Обуна шудан
Вазорати умури хориҷии Тоҷикистон ҳушдор додааст, ки чунин изҳороти бемасъулиятона метавонад вазъият дар марзро боз шиддат бахшанд
ДУШАНБЕ, 20 сен — Sputnik. Тоҷикистон иддаои Марат Имонқулов, дабири Шӯрои амнияти Қирғизистонро бепоя хонда, масъулияти пайомади изҳороти бардурӯғро ба виҷдони муаллифонаш ҳавола кардааст.
Вазорати умури хориҷии Тоҷикистон бо нашри як изҳорот мусоҳибаи Имонқулов аз 19 сентябри соли равонро бархоста аз таҳрифи далелу фейкҳо хонда, ҳушдор дод, ки ҳадафи онҳо роҳгум задани мардуми ду кишвар мебошад.
Мақомоти тоҷик мушаххас накардаанд, ки кадом иддаоро дар назар доранд, аммо ахиран расонаҳо аз қавли Имонқулов хабар доданд, ки аз ҷониби Тоҷикистон афроди ришдори узви созмонҳои террористӣ ҷангидаанд, ки ба ҳар тараф тир холӣ мекардаанд.
Президент Таджикистана Эмомали Рахмон и Президент Узбекиситана Шавкат Мирзиёев - Sputnik Тоҷикистон, 1920, 20.09.2022
Раҳмон ба Мирзиёев аз вазъ дар марз иттилоъ дод
"Мо яке аз онҳоро шинохтем, ки шаҳрванди Афғонистон мебошад. Метавонам таъкид кунам, ки аз ҷониби ишғолгарон намояндагони созмонҳои террористӣ аз кишвари бегона иштирок доштанд", - гуфт Имонқулов.
ВУХ Тоҷикистон таъкид намудааст, ки Душанбе имзои протокол аз сӯи роҳбарони мақомоти амниятии ду кишварро истиқбол карда, бар ин аст ки роияи қатъии он барои эътидоли вазъ, оғози музокирот дар ҳамаи масоили дуҷониба мусоидат хоҳад кард.
Маврид ба зикр аст, ки Тоҷикистону Қирғизистон беш аз 980 километр марзи муштарак доранд, ки қисми зиёди он аломатгузорӣ нашудааст ва ин номуайянӣ боиси танишу даргириҳо дар марз мегардад. Даргирии ахири марзӣ 16 сентябр рух додаст, ки даҳҳо куштаю маҷруҳ аз ҳар ду ҷонибро бар ҷой гузоштааст.
Лентаи хабарҳо
0