Раҳмон ба Мирзиёев аз вазъ дар марз иттилоъ дод

© Пресс-служба Президента Республики ТаджикистанПрезидент Таджикистана Эмомали Рахмон и Президент Узбекиситана Шавкат Мирзиёев
Президент Таджикистана Эмомали Рахмон и Президент Узбекиситана Шавкат Мирзиёев - Sputnik Тоҷикистон, 1920, 20.09.2022
Обуна шудан
НовостиTelegram
Раисҷумҳури Тоҷикистон ҳамтои ӯзбекистонияшро дар мавриди раванди ахири авзоъ дар марз бо Қирғизистон огоҳ карда, ҷонибҳо ба дӯстию ҳамҷаворӣ таъкид намудаанд
ДУШАНБЕ, 20 сен — Sputnik. Эмомалӣ Раҳмон, раисҷумҳури Тоҷикистон бо Шавкат Мирзиёев, президенти Ӯзбекистон суҳбати телефонӣ анҷом додааст.
Дар ин бора дафтари матбуоти раисҷумҳури Тоҷикистон хабар дода, афзуд, Эмомалӣ Раҳмон ба Шавкат Мирзиёев дар бораи рушди ахири вазъ дар минтақаҳои наздисарҳадӣ бо Қирғизистон маълумот дод.
"Ҷонибҳо, ҳамчунин, баъзе масъалаҳои муҳими муносибатҳои дӯстӣ, ҳусни ҳамҷаворӣ ва ҳамкориҳои судманди Тоҷикистону Ӯзбекистонро дар доираи шарикии стратегӣ ва ҳампаймонӣ мавриди баррасӣ қарор доданд", - омадааст дар иттилоия.
Президент РФ Владимир Путин и президент Таджикистана Эмомали Рахмон - Sputnik Тоҷикистон, 1920, 18.09.2022
Вазъ дар марзи Тоҷикистону Қирғизистон
Путин аз Раҳмону Ҷабборов хост, созиш кунанд: Русия омодаи миёнҷигарист
Ин дар ҳолест, ки қаблан Қосим-ҷомарт Тоқаев, раисҷумҳури Қазоқистон низ бо ирсоли паёми ҳамдардӣ ба роҳбарони Тоҷикистону Қирғизистон аз талафоти ҷонӣ дар марз изҳори андуҳ кард.
"Қазоқистон қотеона ҷонибдори ҳалли ҳамаи масоили баҳсӣ аз тариқи сиёсӣ-дипломатӣ мебошад", - изҳор дошт Тоқаев.
Маврид ба зикр аст, ки Тоҷикистону Қирғизистон беш аз 980 километр марзи муштарак доранд, ки қисми зиёди он аломатгузорӣ нашудааст ва ин номуайянӣ боиси танишу даргириҳо дар марз мегардад. Даргирии ахири марзӣ 16 сентябр рух додаст, ки даҳҳо куштаю маҷруҳ аз ҳар ду ҷонибро бар ҷой гузоштааст.
Лентаи хабарҳо
0