https://sputnik.tj/20220901/rahmon-insoniyat-mushkiltarin-khatarbortarin-tarikh-1051086900.html
Раҳмон: Имрӯзҳо инсоният дар мушкилтарин ва хатарбортарин давраи таърихи худ қарор дорад
Раҳмон: Имрӯзҳо инсоният дар мушкилтарин ва хатарбортарин давраи таърихи худ қарор дорад
Sputnik Тоҷикистон
Раисҷумҳури Тоҷикистон мегӯяд, вазъи ҷаҳон ба дараҷае ҳассосу мураккаб шудааст, ки истиқлолу озодӣ, тамомияти арзӣ бархе кишварҳо таҳти хатари ҷиддӣ қарор дорад
2022-09-01T11:50+0500
2022-09-01T11:50+0500
2022-09-01T12:06+0500
дар тоҷикистон
эмомалӣ раҳмон
суханронӣ
оромӣ ва субот
истиқлол
озодӣ
раисҷумҳур
рӯзи дониш
https://cdnn1.img.sputnik.tj/img/07e6/03/02/1046422081_0:0:2049:1153_1920x0_80_0_0_61ab556d8db1d99c454479dd9cb7e7ca.jpg
ДУШАНБЕ, 1 сен — Sputnik. Имрӯзҳо инсоният баъди қариб ҳаштод сол, яъне пас аз Ҷанги дуюми ҷаҳон дар мушкилтарин ва хатарбортарин давраи таърихи худ қарор дорад, гуфт Эмомалӣ Раҳмон, раисҷумҳури Тоҷикистон зимни суханрониаш дар Донишгоҳи давлатии тиббӣ.Кишвардори Тоҷикистон таъкид, ки бо дарси сулҳ оғоз гардидани соли нави хониш барои мардуми Тоҷикистон сабаб ва аҳаммияти хос дорад.Вай афзуд, ки маҳз ба ҳамин хотир, мардуми Тоҷикистон ба қадри сулҳу оромӣ, суботи сиёсӣ ва ваҳдати миллӣ мерасанд.“Ин неъмати бо қимати гарон ва заҳмати зиёд бадастомадаро ҳифз мекунанд ва ба фарҳанги сулҳ ҳамчун маромномаи ҳаёти иҷтимоӣ ва маънавии худ арҷ мегузоранд”,- гуфт ӯ.Эмомалӣ Раҳмон таъкид кард, ки тоҷикистониён хуб медонанд, ки оқибати ҷанг танҳо даҳшату харобӣ, наҳсу қашшоқӣ, ҳалокати одамони бегуноҳ, фирори сокинон аз Ватан ва ҷойи зисти худ ва дигар мушкилоту маҳрумиятҳо мебошад.Роҳбари Тоҷикистон бар он аст, ки танҳо сулҳу оромӣ ва суботи сиёсӣ омили асоситарини амалӣ гардидани нияту орзуҳои ҳар як фард, татбиқи нақшаҳои созанда барои фардои ободи кишвар ва зиндагии шоиставу арзандаи мардум ба ҳисоб меравадВай зикр кард, ки имрӯз вазъи ҷаҳон ба дараҷае ҳассосу мураккаб ва пешгӯинашаванда гардидааст, ки истиқлолу озодӣ, тамомияти арзӣ ва ҳатто ҳастии таърихии баъзе кишварҳо ва халқу миллатҳоро таҳти хатари ҷиддӣ қарор додааст.“Дар чунин шароити ниҳоят печидаву буҳронӣ ва дар замоне, ки раванди аз нав тақсим кардани ҷаҳон ва захираҳои табиии сайёра, яроқнокшавии бошитоб ва марҳалаи дубораи "ҷанги сард" торафт шиддат мегирад, мо вазифадорем, ки барои ҳифзу таҳкими сулҳу оромӣ, суботи сиёсӣ ва ваҳдати миллӣ беш аз ҳар вақти дигар саъю талош намоем”, - қайд кард Эмомалӣ Раҳмон.
https://sputnik.tj/20220901/iftitohi-binoi-navi-donishgohi-davlatii-tibbii-tojikiston-1051084299.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, инсоният, сулҳ, мушкилтарин, давра, таърих, эмомалӣ раҳмон, раисҷумҳур
тоҷикистон, инсоният, сулҳ, мушкилтарин, давра, таърих, эмомалӣ раҳмон, раисҷумҳур
Раҳмон: Имрӯзҳо инсоният дар мушкилтарин ва хатарбортарин давраи таърихи худ қарор дорад
11:50 01.09.2022 (Навсозишуда: 12:06 01.09.2022) Раисҷумҳури Тоҷикистон мегӯяд, вазъи ҷаҳон ба дараҷае ҳассосу мураккаб шудааст, ки истиқлолу озодӣ, тамомияти арзии бархе кишварҳо ба хатари ҷиддӣ мувоҷеҳ аст
ДУШАНБЕ, 1 сен — Sputnik. Имрӯзҳо инсоният баъди қариб ҳаштод сол, яъне пас аз Ҷанги дуюми ҷаҳон дар мушкилтарин ва хатарбортарин давраи таърихи худ қарор дорад, гуфт Эмомалӣ Раҳмон, раисҷумҳури Тоҷикистон зимни суханрониаш дар Донишгоҳи давлатии тиббӣ.
Кишвардори Тоҷикистон таъкид, ки бо дарси сулҳ оғоз гардидани соли нави хониш барои мардуми Тоҷикистон сабаб ва аҳаммияти хос дорад.
“Сокинони кишвари мо ҳанӯз дар оғози солҳои навадуми асри гузашта даҳшати ҷанги таҳмилии шаҳрвандиро аз сар гузарониданд ва сабақҳои талхи он фоҷиаи миллиро ҳаргиз фаромӯш намекунанд”,- қайд кард Эмомалӣ Раҳмон.
Вай афзуд, ки маҳз ба ҳамин хотир, мардуми Тоҷикистон ба қадри сулҳу оромӣ, суботи сиёсӣ ва ваҳдати миллӣ мерасанд.
“Ин неъмати бо қимати гарон ва заҳмати зиёд бадастомадаро ҳифз мекунанд ва ба фарҳанги сулҳ ҳамчун маромномаи ҳаёти иҷтимоӣ ва маънавии худ арҷ мегузоранд”,- гуфт ӯ.
Эмомалӣ Раҳмон таъкид кард, ки тоҷикистониён хуб медонанд, ки оқибати ҷанг танҳо даҳшату харобӣ, наҳсу қашшоқӣ, ҳалокати одамони бегуноҳ, фирори сокинон аз Ватан ва ҷойи зисти худ ва дигар мушкилоту маҳрумиятҳо мебошад.
Роҳбари Тоҷикистон бар он аст, ки танҳо сулҳу оромӣ ва суботи сиёсӣ омили асоситарини амалӣ гардидани нияту орзуҳои ҳар як фард, татбиқи нақшаҳои созанда барои фардои ободи кишвар ва зиндагии шоиставу арзандаи мардум ба ҳисоб меравад
Вай зикр кард, ки имрӯз вазъи ҷаҳон ба дараҷае ҳассосу мураккаб ва пешгӯинашаванда гардидааст, ки истиқлолу озодӣ, тамомияти арзӣ ва ҳатто ҳастии таърихии баъзе кишварҳо ва халқу миллатҳоро таҳти хатари ҷиддӣ қарор додааст.
“Дар чунин шароити ниҳоят печидаву буҳронӣ ва дар замоне, ки раванди аз нав тақсим кардани ҷаҳон ва захираҳои табиии сайёра, яроқнокшавии бошитоб ва марҳалаи дубораи "ҷанги сард" торафт шиддат мегирад, мо вазифадорем, ки барои ҳифзу таҳкими сулҳу оромӣ, суботи сиёсӣ ва ваҳдати миллӣ беш аз ҳар вақти дигар саъю талош намоем”, - қайд кард Эмомалӣ Раҳмон.
