“Боварӣ” “Бима ҳаёт” шуд: БМТ ба ташкилоти суғуртавӣ то соли 2025 иҷозатнома дод

© Sputnik / Амир ИсаевДушанбе плаза
Душанбе плаза - Sputnik Тоҷикистон, 1920, 20.07.2022
Обуна шудан
Раёсати Бонки миллии Тоҷикистон бинобар тағйир ёфтани номи ташкилоти суғуртавӣ аз “Боварӣ” ба “Бима ҳаёт” ба ин ширкати бима иҷозатномаи нави фаъолият дод
ДУШАНБЕ, 20 июл — Sputnik. Тибқи иттилои дафтари матбуотии Бонки миллии Тоҷикистон, қарор дар бораи додани иҷозатнома ба ин ширкати суғуртавӣ санаи 15 июли соли равон аз сӯйи Раёсати Бонк ба имзо расидааст.
“Ба ҶДММ “Ташкилоти суғуртавии Бима ҳаёт” барои амалӣ намудани фаъолияти суғуртавӣ аз рӯи намудҳои суғуртаи ихтиёрӣ, тавассути аз нав ба расмият даровардан ба муҳлати то 10 январи соли 2025 иҷозатнома дода шуд”, - таъкид кардааст манбаъ.
Бонки миллӣ қайд кардааст, ки иҷозатномаи мазкур бинобар сабаби тағйир ёфтани номи Ҷамъияти дорои масъулияти маҳдуди “Ташкилоти суғуртавии Боварӣ” ба Ҷамъияти дорои масъулияти маҳдуди “Ташкилоти суғуртавии Бима ҳаёт” ва маҳалли ҷойгиршавии он, мутобиқи Қонуни Ҷумҳурии Тоҷикистон “Дар бораи иҷозатномадиҳӣ ба баъзе намудҳои фаъолият”ва Низомнома дар бораи хусусиятҳои иҷозатномадиҳӣ ба баъзе намудҳои фаъолият дода шудаст.
Вывеска отделения Юнистрим банка - Sputnik Тоҷикистон, 1920, 06.03.2022
"Юнистрим" барои фаъолияти тӯлонӣ дар Тоҷикистон иҷозатнома гирифт
Ҳамзамон қайд карда шудааст, ки иҷозатномаи ҶДММ “Ташкилоти суғуртавии Боварӣ”, ки бо қарори Раёсати Бонки миллии Тоҷикистон аз 28 декабри соли 2020 барои амалисозии фаъолияти суғуртавӣ дода шуда буд, аз эътибор соқит дониста шуд.
Раёсати Бонки миллӣ Идораи назорати суғуртавиро уҳдадор кардааст, ки дар Феҳристи ягонаи давлатии иштирокчиёни касбии бозори суғурта сабти дахлдорро ворид намояд.
Лентаи хабарҳо
0