https://sputnik.tj/20220424/bloomberg-olmon-tahrim-rusiya-qarzdor-1047913860.html
"Bloomberg": Олмон бинобар таҳримҳо алайҳи Русия қарздор мешавад
"Bloomberg": Олмон бинобар таҳримҳо алайҳи Русия қарздор мешавад
Sputnik Тоҷикистон
Хабаргузории Bloomberg иттилоъ додааст, ки ҳукумати Олмон тасмим дорад қарзи берунаи худро то 140 миллиард евро зиёд намояд
2022-04-24T17:50+0500
2022-04-24T17:50+0500
2022-04-25T12:32+0500
олмон
дар ҷаҳон
қарзҳо
ҳукумат
таҳрим
дар русия
https://cdnn1.img.sputnik.tj/img/07e5/09/15/1042401004_0:0:3071:1728_1920x0_80_0_0_c79170567d8f27c230b489659d710a73.jpg
ДУШАНБЕ, 24 апр — Sputnik. "Bloomberg" дар такя ба манобеи худ хабар медиҳад, ки Олмон ният дорад, қарзи хориҷии худро тақрибан 40 миллиард евро афзоиш диҳад, то таъсири иқтисодии баъд аз амалиёти вижаи Русия дар Украина ва таҳримҳо алайҳи ин кишварро коҳиш диҳад.Тибқи иттилои манбаъ, дар сурати тасвиби ин нақша дар парлумони Олмон ҳаҷми умумии қарзи давлатии ин кишвар ба 140 миллиард евро мерасад.Ба навиштаи ин расона, Ҳукумати Олмон бо ин маблағҳои изофӣ метавонад афзоиши қимати нерӯи барқ барои ширкатҳо ва афроди алоҳидаро ҷуброн намояд.Олмон дар баробари дигар кишварҳои ғарбӣ пас аз ҷорӣ шудани таҳримҳои густурда алайҳи Русия дар посух ба амалиёти вижаи низомӣ барои нозизудоӣ ва ғайринизомисозии Украина ба афзоиши шадиди қимати маводи сӯхт ва маводи ғизоӣ рӯ ба рӯ шуд.Ба гуфтаи "Deutsche Wirschafts Nachrichten", хароҷоти Олмон барои нафти Русия дар соли ҷорӣ метавонад ба 14,3 миллиард евро ва маблағи воридоти газ ба 17,6 миллиард евро бирасад.Бо вуҷуди ин Берлин тасмим дорад, аз воридоти ангишт ва нафти русӣ то охири сол ва газ то нимаи соли 2024 даст кашад.Русия рӯзи 24 феврал амалиёти вижаро дар Украина оғоз кард. Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.Аммо дар бораи ишғоли Украина сухане нест, таъкид кард раисҷумҳури Русия.Дар айни замон қувваҳои мусаллаҳи Федератсияи Русия вазифаи асосии марҳилаи аввали амалиёти махсусро анҷом додаанд.Онҳо иқтидори ҷангии Украинаро ба таври назаррас коҳиш доданд. Ҳадафи аслӣ дар Вазорати дифоъ озодсозии Донбасс номида шуд.
https://sputnik.tj/20220424/antonov-vashington-kor-saforat-rusiya-amriko-mamnu-1047911853.html
https://sputnik.tj/20220424/amrikoiho-hukumat-intiqol-siloh-ukraina-tanqi-1047906576.html
олмон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
русия, олмон, қарз, таҳрим, евро, қарздор
русия, олмон, қарз, таҳрим, евро, қарздор
"Bloomberg": Олмон бинобар таҳримҳо алайҳи Русия қарздор мешавад
17:50 24.04.2022 (Навсозишуда: 12:32 25.04.2022) Хабаргузории "Bloomberg" иттилоъ додааст, ки Ҳукумати Олмон тасмим дорад, қарзи берунаи худро то 140 миллиард евро зиёд намояд
ДУШАНБЕ, 24 апр — Sputnik. "Bloomberg" дар такя ба манобеи худ хабар медиҳад, ки Олмон ният дорад, қарзи хориҷии худро тақрибан 40 миллиард евро афзоиш диҳад, то таъсири иқтисодии баъд аз амалиёти вижаи Русия дар Украина ва таҳримҳо алайҳи ин кишварро коҳиш диҳад.
Тибқи иттилои манбаъ, дар сурати тасвиби ин нақша дар парлумони Олмон ҳаҷми умумии қарзи давлатии ин кишвар ба 140 миллиард евро мерасад.
Ба навиштаи ин расона, Ҳукумати Олмон бо ин маблағҳои изофӣ метавонад афзоиши қимати нерӯи барқ барои ширкатҳо ва афроди алоҳидаро ҷуброн намояд.
Олмон дар баробари дигар кишварҳои ғарбӣ пас аз ҷорӣ шудани таҳримҳои густурда алайҳи Русия дар посух ба амалиёти вижаи низомӣ барои нозизудоӣ ва ғайринизомисозии Украина ба афзоиши шадиди қимати маводи сӯхт ва маводи ғизоӣ рӯ ба рӯ шуд.
Ба гуфтаи "Deutsche Wirschafts Nachrichten", хароҷоти Олмон барои нафти Русия дар соли ҷорӣ метавонад ба 14,3 миллиард евро ва маблағи воридоти газ ба 17,6 миллиард евро бирасад.
Бо вуҷуди ин Берлин тасмим дорад, аз воридоти ангишт ва нафти русӣ то охири сол ва газ то нимаи соли 2024 даст кашад.
Русия рӯзи 24 феврал амалиёти вижаро дар Украина оғоз кард. Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
Аммо дар бораи ишғоли Украина сухане нест, таъкид кард раисҷумҳури Русия.
Дар айни замон қувваҳои мусаллаҳи Федератсияи Русия вазифаи асосии марҳилаи аввали амалиёти махсусро анҷом додаанд.
Онҳо иқтидори ҷангии Украинаро ба таври назаррас коҳиш доданд. Ҳадафи аслӣ дар Вазорати дифоъ озодсозии Донбасс номида шуд.
