https://sputnik.tj/20220329/osebdidagon-sel-tojikiston-zamin-1047152767.html
Барои осебдидагони сел дар Тоҷикистон қитъаи замин ҷудо мешавад
Барои осебдидагони сел дар Тоҷикистон қитъаи замин ҷудо мешавад
Sputnik Тоҷикистон
Раҳбарияти КҲФ, дабири Шӯрои амният ва раиси ВМКБ барои кумак ба сокинони аз офати табиӣ осебдида аз ноҳияи Дарвоз дидан карданд
2022-03-29T09:51+0500
2022-03-29T09:51+0500
2022-03-29T12:55+0500
дар тоҷикистон
резиши тарма
сел
вмкб
кҳф
https://cdnn1.img.sputnik.tj/img/101611/58/1016115835_0:85:1600:985_1920x0_80_0_0_de2011da9af6713464702ec6b156951d.jpg
ДУШАНБЕ, 29 мар — Sputnik. Ба сокинони ноҳияи Дарвоз, ки хонаҳояшон дар натиҷаи сел пурра ё қисман хароб шудааст, қитъаҳои замин барои сохтмон ҷудо карда мешавад. Дар ин бора аз Кумитаи ҳолатҳои фавқулоддаи (КҲФ) Тоҷикистон хабар доданд. Бино ба иттилои дафтари матбуотии КҲФ, Назарзода Рустам, Насрулло Маҳмудзода ва Алишер Мирзонабот дар ҷараёни сафари корӣ хисороти офати табиӣ ба сокинонро арзёбӣ кардаанд. Раёсат ваъда дод, ки дар ояндаи наздик ҳуҷҷатҳои зарурӣ барои бақайдгирии қитъаҳои замин омода карда мешаванд. Ёдовар мешавем, ки сел аз 12 то 18 март дар ноҳияи Дарвоз се манзилро комилан тахриб ва чанд хонаи дигарро қисман хароб карда буд. Мақомоти маҳаллӣ ва соҳибкорон ба оилаҳои осебдида кӯмаки зарурӣ расониданд.Гуфта мешавад, 15 хонаводаи тоҷике, ки дар минтақаҳои селзада зиндагӣ мекарданд, ба ҷойҳои амн кӯчонида шуданд. Қаблан боридани барфу сел ва сангрезиҳо дар Тоҷикистон аллакай боиси харобиҳо ва талафоти ҷонӣ шуда буд. Ҳамин тавр дар Пашори ҷамоати деҳоти Поршневи ноҳияи Шуғнон тарма як хонаро пурра ва хонаи дигарро қисман хароб кард.Дараҷаи баландтарини хатар бо сабаби номусоидии обуҳаво дар роҳҳои Ванҷ - Хоруғ, Хоруғ - Ишкошим, Хоруғ - Мурғоб ва Душанбе - Айнӣ боқӣ мондааст. Гуфта мешавад, дар рӯзҳо дар навоҳии Рӯшон, Шуғнон, Ишкошими ВМКБ ва ҳамчунин дар минтақаи Варзоб 3 бор тарма ва сел фаромадааст. Илова бар ин 2 бор резиши санг низ ба қайд гирифта шудааст. КҲФ қайд мекунад, ки то охири моҳи март хатари фаромадани сел, тарма ва ярч вуҷуд дорад, бинобар ин мақомоти ҷумҳурӣ аз шаҳрвандон даъват мекунанд, ки ҳушёр бошанд ва аз сафар ба манотиқи кӯҳӣ худдорӣ кунанд.
https://sputnik.tj/20220324/vmkb-oila-tarma-manzil-takhrib-vada-khona-1047033330.html
https://sputnik.tj/20220328/sel-roh-darvoz-masdud-toza-1047120649.html
вмкб
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
осебдидагон селтоҷикистон замин
осебдидагон селтоҷикистон замин
Барои осебдидагони сел дар Тоҷикистон қитъаи замин ҷудо мешавад
09:51 29.03.2022 (Навсозишуда: 12:55 29.03.2022) Раҳбарияти КҲФ, дабири Шӯрои амният ва раиси ВМКБ барои кумак ба сокинони аз офати табиӣ осебдида аз ноҳияи Дарвоз дидан карданд
ДУШАНБЕ, 29 мар — Sputnik. Ба сокинони ноҳияи Дарвоз, ки хонаҳояшон дар натиҷаи сел пурра ё қисман хароб шудааст, қитъаҳои замин барои сохтмон ҷудо карда мешавад. Дар ин бора аз Кумитаи ҳолатҳои фавқулоддаи (КҲФ) Тоҷикистон хабар доданд.
Бино ба иттилои дафтари матбуотии КҲФ, Назарзода Рустам, Насрулло Маҳмудзода ва Алишер Мирзонабот дар ҷараёни сафари корӣ хисороти офати табиӣ ба сокинонро арзёбӣ кардаанд.
Раёсат ваъда дод, ки дар ояндаи наздик ҳуҷҷатҳои зарурӣ барои бақайдгирии қитъаҳои замин омода карда мешаванд.
Ёдовар мешавем, ки сел аз 12 то 18 март дар ноҳияи Дарвоз се манзилро комилан тахриб ва чанд хонаи дигарро қисман хароб карда буд. Мақомоти маҳаллӣ ва соҳибкорон ба оилаҳои осебдида кӯмаки зарурӣ расониданд.
Гуфта мешавад, 15 хонаводаи тоҷике, ки дар минтақаҳои селзада зиндагӣ мекарданд, ба ҷойҳои амн кӯчонида шуданд.
Қаблан боридани барфу сел ва сангрезиҳо дар Тоҷикистон аллакай боиси харобиҳо ва талафоти ҷонӣ шуда буд.
Ҳамин тавр дар Пашори ҷамоати деҳоти Поршневи ноҳияи Шуғнон тарма як хонаро пурра ва хонаи дигарро қисман хароб кард.
Дараҷаи баландтарини хатар бо сабаби номусоидии обуҳаво дар роҳҳои Ванҷ - Хоруғ, Хоруғ - Ишкошим, Хоруғ - Мурғоб ва Душанбе - Айнӣ боқӣ мондааст.
Гуфта мешавад, дар рӯзҳо дар навоҳии Рӯшон, Шуғнон, Ишкошими ВМКБ ва ҳамчунин дар минтақаи Варзоб 3 бор тарма ва сел фаромадааст. Илова бар ин 2 бор резиши санг низ ба қайд гирифта шудааст.
КҲФ қайд мекунад, ки то охири моҳи март хатари фаромадани сел, тарма ва ярч вуҷуд дорад, бинобар ин мақомоти ҷумҳурӣ аз шаҳрвандон даъват мекунанд, ки ҳушёр бошанд ва аз сафар ба манотиқи кӯҳӣ худдорӣ кунанд.
