https://sputnik.tj/20220310/favri-tirparoni-marz-isfara--1046665398.html
Фаврӣ: Кушта шудани як сарбози тоҷик дар тирпаронии ахир дар марзи Тоҷикистону Қирғизистон
Фаврӣ: Кушта шудани як сарбози тоҷик дар тирпаронии ахир дар марзи Тоҷикистону Қирғизистон
Sputnik Тоҷикистон
Дар марзи Тоҷикистону Қирғизистон тирпаронӣ сар задааст
2022-03-10T11:16+0500
2022-03-10T11:16+0500
2022-03-10T21:22+0500
дар тоҷикистон
қирғизистон
марз
баҳси марзӣ
тирпаронӣ
https://cdnn1.img.sputnik.tj/img/101330/06/1013300668_0:0:1024:577_1920x0_80_0_0_a2d0ba39b99b0db46c2f505217141be4.jpg
ДУШАНБЕ, 10 мар – Sputnik. Сокинони деҳоти наздимарзии Чоркӯҳи Исфара аз ин тирпаронӣ хабар дода афзуданд, тайи ин ҳодиса як нафар кушта шуд.Бино ба иттилои дарёфтии Sputnik Тоҷикистон, ин ҳодиса чанд лаҳза қабл дар маҳаллаи наздимарзии маъруф ба Говсори Чоркӯҳ рӯх додааст. Дар натиҷаи ин тирпаронӣ Суннатулло Самадов, аз сарбозони марзбони тоҷик дар марзи кишвар бо Қирғизистон кушта шудааст. Зикрулло Каримов, як сокини ҷамоати Чоркӯҳ гуфт, субҳи 10 март сарҳадбонони қирғиз ба сӯйи чанд сокини деҳа, ки ба шинонидани ниҳол дар заминҳои худ машғул буданд, шиллик карданд. Иттифоқ уфтодани ин ҳодисаро аз ҳукумати шаҳри Исфара низ дар суҳбат бо Sputnik Тоҷикистон таъйид карданд. Як корманди ҳукумат ба шарти ифшо накардани номаш гуфт, ҳоло иддае аз масъулин ба маҳалли ин ҳодиса рафтаанд. “Зимнан дақиқ нест, ки дар пайи ин ҳодиса кӣ осеб дидааст. Ҳоло ҳама масъулони ниҳодҳои давлатӣ ба Чоркӯҳ рафтаанд”, - гуфт манбаъ. Ҳодисаи тирпарронии ахир дар марзи кишвар бо Қирғизистон дар ҳолест, ки моҳи январи соли ҷорӣ деҳоти наздимарзии Чоркӯҳ шоҳиди муноқишаи мусалаҳона гардида буданд. Муноқишаи январӣ дар марзи Тоҷикистону ҚирғизистонДаргирии ахири миёни Тоҷикистону Қирғизистон 27 январ рӯх дода буд. Душанбею Бишкек ҳамдигарро дар ташаннуҷи вазъ ва оғози тирпаронӣ муттаҳам намуда буданд. Мақомоти Тоҷикистон то 28 январ теъдоди кушташудагони даргирии ахирро 2 нафари мулкӣ гуфтанд, ҳамчунин тайи ин даргирӣ 10 нафар, аз ҷумла 6 низомию 4 мулкии дигар маҷруҳ гардидаанд. Ҷониби Қирғизистон шумори захмиёнашро 12 нафар гуфтааст, ки ҳамаашон низомӣ буда, талафоти ҷонӣ дар инкишвар бар асари ин ҳаводис сабт нашудааст. Баъдан Қирғизистон ва Тоҷикистон дар бораи оташбаси комил дар марз ва ҳамчунин дар бораи хуруҷи нерӯҳои изофӣ ва техника аз сарҳад ба мувофиқа расиданд. Рӯзи 7 феврал Комиссияи байниҳукуматии аломатгузории марзи Тоҷикистону Қирғизистон кори худро шуруъ кард. Аз 10 то 15 феврал дар хоки Қирғизистон гуфтушуниди навбатии намояндагони мақомоти ду кишвар барпо гардид. Тоҷикистону Қирғизистон беш аз 980 километр марзи муштарак доранд, ки феълан танҳо ҳудуди 519 километри он муайян шудааст. Номуайянии қисматҳои боқимондаи марз мунтазам боиси муноқиша дар сарҳад мешавад, ки баъзан ба хунрезӣ мепечад.
https://sputnik.tj/20220209/tojikistonu-qirghiziston-marzir-mustaqilona-hal-1045674161.html
https://sputnik.tj/20220205/tojikiston-qirghiziston-marz-1045521664.html
қирғизистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
фаврӣ тирпаронӣ марз тоҷикистон қирғизистон қурбонӣ
фаврӣ тирпаронӣ марз тоҷикистон қирғизистон қурбонӣ
Фаврӣ: Кушта шудани як сарбози тоҷик дар тирпаронии ахир дар марзи Тоҷикистону Қирғизистон
11:16 10.03.2022 (Навсозишуда: 21:22 10.03.2022) Эксклюзив
Дар марзи Тоҷикистону Қирғизистон тирпаронӣ сурат гирифт
ДУШАНБЕ, 10 мар – Sputnik. Сокинони деҳоти наздимарзии Чоркӯҳи Исфара аз ин тирпаронӣ хабар дода афзуданд, тайи ин ҳодиса як нафар кушта шуд.
Бино ба иттилои дарёфтии Sputnik Тоҷикистон, ин ҳодиса чанд лаҳза қабл дар маҳаллаи наздимарзии маъруф ба Говсори Чоркӯҳ рӯх додааст.
Дар натиҷаи ин тирпаронӣ Суннатулло Самадов, аз сарбозони марзбони тоҷик дар марзи кишвар бо Қирғизистон кушта шудааст.
Зикрулло Каримов, як сокини ҷамоати Чоркӯҳ гуфт, субҳи 10 март сарҳадбонони қирғиз ба сӯйи чанд сокини деҳа, ки ба шинонидани ниҳол дар заминҳои худ машғул буданд, шиллик карданд.
“Тирпаронӣ соати тақрибан 9:30 рӯх дод. Ҳоло ҳама сокинони деҳа ба ҷойи ҳодиса сафар кардаанд”, - гуфт манбаъ.
Иттифоқ уфтодани ин ҳодисаро аз ҳукумати шаҳри Исфара низ дар суҳбат бо Sputnik Тоҷикистон таъйид карданд.
Як корманди ҳукумат ба шарти ифшо накардани номаш гуфт, ҳоло иддае аз масъулин ба маҳалли ин ҳодиса рафтаанд.
“Зимнан дақиқ нест, ки дар пайи ин ҳодиса кӣ осеб дидааст. Ҳоло ҳама масъулони ниҳодҳои давлатӣ ба Чоркӯҳ рафтаанд”, - гуфт манбаъ.
Ҳодисаи тирпарронии ахир дар марзи кишвар бо Қирғизистон дар ҳолест, ки моҳи январи соли ҷорӣ деҳоти наздимарзии Чоркӯҳ шоҳиди муноқишаи мусалаҳона гардида буданд.
Муноқишаи январӣ дар марзи Тоҷикистону Қирғизистон
Даргирии ахири миёни Тоҷикистону Қирғизистон 27 январ рӯх дода буд. Душанбею Бишкек ҳамдигарро дар ташаннуҷи вазъ ва оғози тирпаронӣ муттаҳам намуда буданд.
Мақомоти Тоҷикистон то 28 январ теъдоди кушташудагони даргирии ахирро 2 нафари мулкӣ гуфтанд, ҳамчунин тайи ин даргирӣ 10 нафар, аз ҷумла 6 низомию 4 мулкии дигар маҷруҳ гардидаанд.
Ҷониби Қирғизистон шумори захмиёнашро 12 нафар гуфтааст, ки ҳамаашон низомӣ буда, талафоти ҷонӣ дар инкишвар бар асари ин ҳаводис сабт нашудааст.
Баъдан Қирғизистон ва Тоҷикистон дар бораи оташбаси комил дар марз ва ҳамчунин дар бораи хуруҷи нерӯҳои изофӣ ва техника аз сарҳад ба мувофиқа расиданд.
Рӯзи 7 феврал Комиссияи байниҳукуматии аломатгузории марзи Тоҷикистону Қирғизистон кори худро шуруъ кард.
Аз 10 то 15 феврал дар хоки Қирғизистон гуфтушуниди навбатии намояндагони мақомоти ду кишвар барпо гардид.
Тоҷикистону Қирғизистон беш аз 980 километр марзи муштарак доранд, ки феълан танҳо ҳудуди 519 километри он муайян шудааст. Номуайянии қисматҳои боқимондаи марз мунтазам боиси муноқиша дар сарҳад мешавад, ки баъзан ба хунрезӣ мепечад.
