Мақомот ҳалли масъалаи қарздорӣ аз музди меҳнатро баррасӣ кард

© Sputnik / Стас ЭтвешКошелек с деньгами, архивное фото
Кошелек с деньгами, архивное фото - Sputnik Тоҷикистон, 1920, 21.02.2022
Обуна шудан
Дар шаҳри Хуҷанд ҷаласае баргузор шуд, ки дар он ҳалли масъалаи музди меҳнати кормандони соҳаҳои иқтисоди ҷумҳурӣ баррасӣ шуд
ДУШАНБЕ, 21 фев — Sputnik. Дар шаҳри Хуҷанди вилояти Суғд таҳти раёсати Ширин Амонзода, вазири меҳнат, муҳоҷират ва шуғли аҳолии Тоҷикистон ҷаласаи сайёри Ситоди кории назди вазорат вобаста ба бартарафсозии қарздории музди меҳнат баргузор гардид.
Вазир дар ин ҷаласа қайд кардааст, ки масъалаи сари вақт пардохт намудани музди меҳнати кормандони соҳаҳои иқтисоди ҷумҳурӣ таҳти назорати доимии Ҳукумати Тоҷикистон қарор дорад.
Дар ҷаласаи мазкур сабабу омилҳои сари вақт пардохт намудани музди меҳнат дар ташкилотҳо мавриди баррасӣ қарор дода шуд.

“Дар ин ҷаласа аз ҷониби Вазири меҳнат, муҳоҷират ва шуғли аҳолии Тоҷикистон ба масъулин супоришҳои мушаххас дода шуд”, - таъкид кардааст манбаъ.

Аз ҷумла қайд карда шудааст, ки кори ситодҳои доимоамалкунандаи мақомоти иҷроияи ҳокимияти давлатии шаҳру ноҳияҳои ҷумҳурӣ дар робита ба пешгирӣ ва бартарафсозии қарздории музди меҳнат зери назорати қатъӣ гирифта мешаванд.
Маош ва нафақа дар Тоҷикистон - Sputnik Тоҷикистон, 1920, 22.01.2022
Дар Тоҷикистон музди меҳнат зиёд мешавад: аз кӣ ва чӣ қадар
“Аз ситодҳо талаб карда мешавад, ки ҳар се моҳ аз натиҷаи чораҳои андешидашуда ба Ситоди ҷумҳуриявӣ оид ба бартарафсозии қарздории музди меҳнати назди Вазорат маълумот пешниҳод намоянд”, - таъкид кардааст Ширин Амонзода.
Ҳамчунин манбаъ илова кардааст, ки дар ҳолатҳои зарурӣ Ситоди кории назди вазорат бо ситодҳои доимоамалкунандаи мақомоти иҷроияи ҳокимияти давлатии вилоятҳо гузаронидани ҷаласаҳои муштаракро идома медиҳад.
Лентаи хабарҳо
0