Раҳмон президенти Итолиёро бо интихоби дигарборааш шодбош гуфт

© REUTERS \ ITALIAN PRESIDENCYПрезидент Италии Серджио Маттарелла
Президент Италии Серджио Маттарелла - Sputnik Тоҷикистон, 1920, 01.02.2022
Обуна шудан
Раисҷумҳури Тоҷикистон президенти Итолиёро бо интихоби дигарборааш ба ин мақом шодбоош гуфт
ДУШАНБЕ, 1 фев — Sputnik. Эмомалӣ Раҳмон, раисҷумҳури Тоҷикистон Серҷо Матареллаи 80-соларо бо интихоби дигарборааш ба вазифаи президентии Итолиё табрик кард.
Тибқи иттилои дафтари матбуотии раисҷумҳури Тоҷикистон, Эмомалӣ Раҳмон дар паёмаш баъди муборакбодӣ ба Матарелла сиҳатмандии комил ва дар пешбурди ваколатҳои пурмасъулияташ комёбӣ хостааст. Раисҷумҳури Тоҷикистон ба мардуми дӯсти Итолиё сулҳу амонӣ ва пешрафту шукуфоии беш аз пеш орзу намудааст.
"Мо аз сатҳи имрӯзаи муносибатҳои дӯстӣ ва ҳамкориҳои миёни Тоҷикистону Италия изҳори қаноатмандӣ менамоем ва алоқаманди густаришу тавсеаи ҳамаҷонибаи онҳо дар ҳама самтҳои мавриди таваҷҷуҳи тарафайн ҳастем", - омадааст дар паём.
Посол Таджикистана и Италии в РФ - Sputnik Тоҷикистон, 1920, 18.01.2022
Сипоси Гулмаҳмадзода аз мақомоти Итолиё барои саҳми ширкатҳояш дар рушди бахши энергетикӣ
Эмомалӣ Раҳмон омодагияшро барои пешбурди минбаъдаи муносибот дар сатҳҳои мухталиф баён дошта, афзуд, ки кӯшишҳои пайвастаро ба харҷ медиҳад.
Ӯ изҳори бовар кардааст, ки шарикии созандаи Тоҷикистону Итолиё ба манфиатҳои аслии ҳар ду ҷониб дар оянда рушд ёфта, бо мазмуну муҳтавои нав ғанӣ мегарданд.
Маврид ба зикр аст, ки Матареллаи 80-сола рӯзи 29-уми январ дар ҷаласаи муштараки ду палатаи парлумони Итолиё барои муҳлати дуюм президент интихоб гардид. Худи ӯ дар аввал мухолифаташро барои интихоби дигарбора баён дошт, аммо баъдан бо шарти он ки пеш аз анҷоми муҳлати 7-сола истеъфо медиҳад, розӣ шуд.
Лентаи хабарҳо
0