https://sputnik.tj/20220120/miqdor-sifat-nuraliev-bonkho-muflisshuda-1044973696.html
"Аз миқдор ба сифат": Нуралиев аз бонкҳои муфлисшуда ва устувории низом гуфт
"Аз миқдор ба сифат": Нуралиев аз бонкҳои муфлисшуда ва устувории низом гуфт
Sputnik Тоҷикистон
Ҷамолиддин Нуралиев, ноиби аввали раиси Бонки миллии Тоҷикистон, аз вазъи феълӣ низомии бонкӣ ва ислоҳот дар ин бахш гузориш дод
2022-01-20T14:25+0500
2022-01-20T14:25+0500
2022-01-20T16:46+0500
дар тоҷикистон
бонк
бонки миллӣ
ҷамолиддин нуралиев
барҳамдиҳӣ
устувории қурб
ислоҳот
донишгоҳи миллии тоҷикистон
https://cdnn1.img.sputnik.tj/img/07e6/01/14/1044970496_0:0:769:432_1920x0_80_0_0_b85465f13c04e72f663eebd72e847f40.jpg
ДУШАНБЕ, 20 янв — Sputnik. Муовини якуми раиси Бонки миллии Тоҷикистон мегӯяд, сарфи назар аз қатъи кори бонкҳои мушкилдор низоми бонкӣ дар кишвар устувор мебошад. Ин нуктаро Ҷамолиддин Нуралиев зимни муаррифии як тарҳ таҳти унвони "Дигаргунсозии ниҳодии бахши бонкӣ дар Тоҷикистон дар шароити мураккаби иқтисодӣ. Барқарорсозии эътимоднокӣ ва боварӣ" дар як ҳамоиш дар Донишгоҳи миллии ҷумҳурӣ гуфт. Ба иттилои дафтари матбуоти БМТ, Нуралиев дар мулоқот бо масъулину муҳассилини Донишгоҳи миллии Тоҷикистон, аз ҷумла дар бораи татбиқи ислоҳоти "гузариш аз миқдор ба сифат" суҳбат кард. Ба гуфтаи ӯ, татбиқи ин ислоҳот боиси беҳтар шудани сифати дороиҳои низоми бонкӣ, коҳиш ёфтани қарзҳои ғайрифаъол, баланд шудани сатҳи кифоятии сармоя ва пардохтпазирӣ, зиёд гардидани ҳаҷми қарзҳои додашуда дар давоми 6 соли охир гардид. Нуралиев илова намудааст, ки нишондиҳандаҳои асосии устувории молӣ, новобаста аз берун шудани ташкилотҳои қарзии мушкилотдор аз низоми бонкӣ дар қиёс бо баъзе аз кишварҳо дар сатҳи баланд қарор дорад. Ноиби аввали раиси Бонки миллии Тоҷикистон таъкид кард, ки беҳтаршавии вазъи молии низоми бонкӣ идома дорад ва он натиҷаи таҳкими сифати низом мебошад. Суҳбати Нуралиев аз берун шудани бонкҳои мушкилотдор дар ҳолест, ки Бонки миллии Тоҷикистон моҳи майи соли гузашта аз бозхонди иҷозатномаҳои ду бонки бузурги кишвар - "Агроинвестбонк" ва "Тоҷиксодиротбонк" хабар дод. Дар шарҳи барҳамдии бонкҳо Бонки миллӣ гуфт, бо вуҷуди дастгирии ҳукумат онҳо натавонистанд аз варшикастагӣ раҳоӣ ёбанд.Дар ҳамин ҳол бархе аз мизоҷони бонкҳои барҳамдодашуда то ҳол натавонистаанд пулҳоеро, ки пасандоз гузошта буданд, бозпас гиранд.
https://sputnik.tj/20220114/maqomdoron-tojik-khavf-iqtisodu-peshgiri-1044829945.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2022
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
нуралиев, низоми бонкӣ, устуворӣ, муфлис, ислоҳот, низоми бонкӣ
нуралиев, низоми бонкӣ, устуворӣ, муфлис, ислоҳот, низоми бонкӣ
"Аз миқдор ба сифат": Нуралиев аз бонкҳои муфлисшуда ва устувории низом гуфт
14:25 20.01.2022 (Навсозишуда: 16:46 20.01.2022) Ҷамолиддин Нуралиев, ноиби аввали раиси Бонки миллии Тоҷикистон аз вазъи феълӣ низомии бонкӣ ва ислоҳот дар ин бахш гузориш дод
ДУШАНБЕ, 20 янв — Sputnik. Муовини якуми раиси Бонки миллии Тоҷикистон мегӯяд, сарфи назар аз қатъи кори бонкҳои мушкилдор низоми бонкӣ дар кишвар устувор мебошад.
Ин нуктаро Ҷамолиддин Нуралиев зимни муаррифии як тарҳ таҳти унвони "Дигаргунсозии ниҳодии бахши бонкӣ дар Тоҷикистон дар шароити мураккаби иқтисодӣ. Барқарорсозии эътимоднокӣ ва боварӣ" дар як ҳамоиш дар Донишгоҳи миллии ҷумҳурӣ гуфт.
Ба иттилои дафтари матбуоти БМТ, Нуралиев дар мулоқот бо масъулину муҳассилини Донишгоҳи миллии Тоҷикистон, аз ҷумла дар бораи татбиқи ислоҳоти "гузариш аз миқдор ба сифат" суҳбат кард.
Ба гуфтаи ӯ, татбиқи ин ислоҳот боиси беҳтар шудани сифати дороиҳои низоми бонкӣ, коҳиш ёфтани қарзҳои ғайрифаъол, баланд шудани сатҳи кифоятии сармоя ва пардохтпазирӣ, зиёд гардидани ҳаҷми қарзҳои додашуда дар давоми 6 соли охир гардид.
Нуралиев илова намудааст, ки нишондиҳандаҳои асосии устувории молӣ, новобаста аз берун шудани ташкилотҳои қарзии мушкилотдор аз низоми бонкӣ дар қиёс бо баъзе аз кишварҳо дар сатҳи баланд қарор дорад. Ноиби аввали раиси Бонки миллии Тоҷикистон таъкид кард, ки беҳтаршавии вазъи молии низоми бонкӣ идома дорад ва он натиҷаи таҳкими сифати низом мебошад.
Суҳбати Нуралиев аз берун шудани бонкҳои мушкилотдор дар ҳолест, ки Бонки миллии Тоҷикистон моҳи майи соли гузашта аз бозхонди иҷозатномаҳои ду бонки бузурги кишвар - "Агроинвестбонк" ва "Тоҷиксодиротбонк" хабар дод. Дар шарҳи барҳамдии бонкҳо Бонки миллӣ гуфт, бо вуҷуди дастгирии ҳукумат онҳо натавонистанд аз варшикастагӣ раҳоӣ ёбанд.
Дар ҳамин ҳол бархе аз мизоҷони бонкҳои барҳамдодашуда то ҳол натавонистаанд пулҳоеро, ки пасандоз гузошта буданд, бозпас гиранд.
