https://sputnik.tj/20211122/chorvoi-sokini-isfara-kujo-shud-idomai-bahshoi-marzi-1043697181.html
Чорвои сокини Исфара куҷо шуд? Идомаи баҳсҳои марзӣ
Чорвои сокини Исфара куҷо шуд? Идомаи баҳсҳои марзӣ
Sputnik Тоҷикистон
Ҷониби қирғизҳо ваъда дода буданд, ки то нисфирӯзии имрӯз чор сар чорвои сокини деҳаи Сомониёни Исфара ба соҳибаш, мерасонанд, аммо то ҳол бармегардонидаанд
2021-11-22T18:20+0500
2021-11-22T18:20+0500
2021-11-22T18:57+0500
дар тоҷикистон
қирғизистон
исфара
баҳс
марз
чорво
https://cdnn1.img.sputnik.tj/img/07e5/06/0a/1040135624_130:24:1000:513_1920x0_80_0_0_7ca157bb59ba1a744dd95308a43e6b25.jpg
ДУШАНБЕ, 22 ноя – Sputnik. Алҳол гуфтушунид бо иштироки масъулони ҷамоати Чоркӯҳи Исфара ва Оқсойи Ботканд сари ин масъала дар марз идома дорад.Шукурхон Насриев, раиси ҷамоати Чоркӯҳи Исфара дар суҳбат ба Sputnik Тоҷикистон гуфт, гуфтушуниди онҳо бо масъулони ҷамоати Оқсойи Қирғизистон сари баргардонидани чорвои сокини деҳаи Сомониёи Исфара идома дорад.Ҳодисаи рабурда шудани чор сар гови сокини деҳаи Сомониёни Исфара аз ҷониби қирғизҳо бегоҳии дирӯз 21 ноябр рух додааст.Довудҷони Муҳаммад, сокини деҳаи Сомониёни Исфара бегоҳии дирӯз аснои ҷӯстуҷӯи чор сар чорвои калони шохдор мавриди ҳамлаи қирғизҳо қарор гирифтааст.Ин ҳодиса тавре рух додааст, ки чор сар гови онҳо ба тарафи чарогоҳи қирғизҳо гузаштааст. Вале ба ҷойи он, ки қирғизҳо онҳо ин тараф гузаронанд, Довудҷони Муҳаммадро латукӯб намуда, чорвояшро бо худ бурдаанд.Бино ба иттилоъи манбаъ Довудҷони Муҳаммад хонандаи мактаби № 64 деҳаи Сомониёи Исфара гуфта мешавад.Дар бораи ин ҳодисаи марзӣ сокинони шаҳри Исфара дар шабакаҳои иҷтимоӣ низ хабар нашр намудаанд. Охирҳои моҳи сентябри соли ҷорӣ дар бораи сангборон шудани чанд хонандаи ин мактаб аз ҷониби қирғизҳо хабарҳо ба нашр расида буд.Танишу созиш дар марзи Тоҷикистону Қирғизистон Вазъ дар марзи Тоҷикистону Қирғизистон 28 апрел дар пайи як баҳс сари дарғот ё обтақсими "Головной" шиддат гирифта, 29 апрел ба даргирии мусаллаҳона миёни низомиёни ду кишвар печид.Мақомоти Тоҷикистону Қирғизистон дар оғози ин даргирӣ ҳамдигарро муттаҳам мекунанд. Бар асари рухдоди ин муноқишаи мусаллаҳонаи марзӣ аз ҳар ду тараф шумори қурбониёнро беш аз 55 нафар ҳисоб карданд.Мақомоти Тоҷикистон гуфтанд, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидаанд. Қирғизистон аз ҳалокати 36 шаҳрвандаш дар ин даргирӣ хабар дод.Дар пайи гуфтушуниди ҷонибҳо ва суҳбатҳои роҳбарони ду кишвар рӯзи 1 май тирпаронӣ қатъ гардида, вазъ ба эътидол омад. Феълан гурӯҳи байниҳукуматии Тоҷикистону Қирғизистон барои мушаххассозии сарҳад кор мекунанд.Тоҷикистону Қирғизистон беш аз 980 километр марзи муштарак доранд, ки танҳо 520 километри он аломатгузорӣ шудааст. Номуайянӣ дар марз то ин вақт борҳо сабаби рухдоди муноқиша шудааст.
https://sputnik.tj/20211121/daftari-raisjumhur-ishtiboh-kard-janjol-qirghiziston-kharitai-vorukh-1043670793.html
https://sputnik.tj/20211122/muvofiqa-tojikiston-qirghiziston-mushkilot-marz-1043684716.html
қирғизистон
исфара
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
тоҷикистон, қирғизистон, марз, чорво, исфара, баҳс
тоҷикистон, қирғизистон, марз, чорво, исфара, баҳс
Чорвои сокини Исфара куҷо шуд? Идомаи баҳсҳои марзӣ
18:20 22.11.2021 (Навсозишуда: 18:57 22.11.2021) Ҷониби қирғизҳо ваъда дода буданд, ки то нисфирӯзии имрӯз чор сар гови сокини деҳаи Сомониёни Исфараро ба соҳибаш, мерасонанд, аммо то ҳол барнагардонидаанд
ДУШАНБЕ, 22 ноя – Sputnik. Алҳол гуфтушунид бо иштироки масъулони ҷамоати Чоркӯҳи Исфара ва Оқсойи Ботканд сари ин масъала дар марз идома дорад.
Шукурхон Насриев, раиси ҷамоати Чоркӯҳи Исфара дар суҳбат ба
Sputnik Тоҷикистон гуфт, гуфтушуниди онҳо бо масъулони ҷамоати Оқсойи Қирғизистон сари баргардонидани чорвои сокини деҳаи Сомониёи Исфара идома дорад.
“Талаби мо ин аст, ки чорво бояд ба соҳибаш баргардонида шавад. Ин масъалест, ки бо роҳи мусолиҳатомез ҳал намуданаш имкон дорад, онро набояд ҳамчун фишанг истифода намуда корро печида кард”, - гуфт раиси ҷамоати Чоркӯҳ.
Ҳодисаи рабурда шудани чор сар гови сокини деҳаи Сомониёни Исфара аз ҷониби қирғизҳо бегоҳии дирӯз 21 ноябр рух додааст.
Довудҷони Муҳаммад, сокини деҳаи Сомониёни Исфара бегоҳии дирӯз аснои ҷӯстуҷӯи чор сар чорвои калони шохдор мавриди ҳамлаи қирғизҳо қарор гирифтааст.
Ин ҳодиса тавре рух додааст, ки чор сар гови онҳо ба тарафи чарогоҳи қирғизҳо гузаштааст. Вале ба ҷойи он, ки қирғизҳо онҳо ин тараф гузаронанд, Довудҷони Муҳаммадро латукӯб намуда, чорвояшро бо худ бурдаанд.
Бино ба иттилоъи манбаъ Довудҷони Муҳаммад хонандаи мактаби № 64 деҳаи Сомониёи Исфара гуфта мешавад.
Дар бораи ин ҳодисаи марзӣ сокинони шаҳри Исфара дар шабакаҳои иҷтимоӣ низ хабар нашр намудаанд. Охирҳои моҳи сентябри соли ҷорӣ дар бораи сангборон шудани чанд хонандаи ин мактаб аз ҷониби қирғизҳо хабарҳо ба нашр расида буд.
Танишу созиш дар марзи Тоҷикистону Қирғизистон Вазъ дар марзи Тоҷикистону Қирғизистон 28 апрел дар пайи як баҳс сари дарғот ё обтақсими "Головной" шиддат гирифта, 29 апрел ба даргирии мусаллаҳона миёни низомиёни ду кишвар печид.
Мақомоти Тоҷикистону Қирғизистон дар оғози ин даргирӣ ҳамдигарро муттаҳам мекунанд. Бар асари рухдоди ин муноқишаи мусаллаҳонаи марзӣ аз ҳар ду тараф шумори қурбониёнро беш аз 55 нафар ҳисоб карданд.
Мақомоти Тоҷикистон гуфтанд, ки дар пайи муноқишаи мусаллаҳонаи марзӣ 87 тан захмӣ шуда, 19 нафар ба ҳалокат расидаанд. Қирғизистон аз ҳалокати 36 шаҳрвандаш дар ин даргирӣ хабар дод.
Дар пайи гуфтушуниди ҷонибҳо ва суҳбатҳои роҳбарони ду кишвар рӯзи 1 май тирпаронӣ қатъ гардида, вазъ ба эътидол омад. Феълан гурӯҳи байниҳукуматии Тоҷикистону Қирғизистон барои мушаххассозии сарҳад кор мекунанд.
Тоҷикистону Қирғизистон беш аз 980 километр марзи муштарак доранд, ки танҳо 520 километри он аломатгузорӣ шудааст. Номуайянӣ дар марз то ин вақт борҳо сабаби рухдоди муноқиша шудааст.
