https://sputnik.tj/20211117/sukhangui-tolibon-tashkili-artishi-islomi-takmil-1043587188.html
Сухангӯи толибон: Артиши исломӣ то ду сол такмил мешавад
Сухангӯи толибон: Артиши исломӣ то ду сол такмил мешавад
Sputnik Тоҷикистон
Намояндаи толибон гуфт, ки ин гурӯҳ дар пайи ташкили як артиши исломӣ аст, ки дар давоми ду соли оянда ба анҷом хоҳад расид
2021-11-17T10:45+0500
2021-11-17T10:45+0500
2021-11-17T13:12+0500
афғонистон
толибон
ташкил
забеҳуллоҳ муҷоҳид
артиш
https://cdnn1.img.sputnik.tj/img/07e5/09/11/1042341318_0:0:3072:1728_1920x0_80_0_0_bca989e3216e2396af8c50d1ab6648ec.jpg
ДУШАНБЕ, 17 ноя — Sputnik. Забеҳулло Муҷоҳид, сухангӯи толибон гуфт, ки ин гурӯҳ дар талоши ташкили як артиши исломӣ аст ва он ду соли оянда такмил мешавад, иттилоъ додааст Sputnik Афғонистон.Муҷоҳид таъкид кард, ки Афғонистон барои ҳифзи амният ва истиқлоли худ ба 100 ҳазор сарбоз ва ё бештар аз он ниёз дорад.Вай гуфтааст, ки артиши толибон дар давоми ду сол такмил меёбад."Теъдоди аъзо ҳанӯз маълум нест, аммо нерӯҳои амниятии Афғонистон барои ҳифзи амният ва истиқлоли кишвар, бешубҳа, ба 100 ҳазор ё бештар аз он ниёз доранд", - афзуд Муҷоҳид.Ба гуфтаи вай, ба сафи артиши ҷадид сарбозони собиқ, бахусус онҳое, ки таҷрибаи техникӣ доранд, даъват хоҳанд шуд.Дар ҳамин ҳол Иноятуллоҳ Хоразмӣ, сухангӯи Вазорати дифои толибон дар суҳбат бо рӯзноманигорон дар бораи он чизе, ки толибон "артиши исломӣ" меноманд, тафсилоти бештар додааст.Ба гуфтаи вай, артиши толибон бо "таҷҳизоти низомӣ, силоҳ, ахлоқ ва ғайра, аз ҷумла истиқлол, тааҳҳуд, ростқавлӣ, имон ва сифатҳои дигар" муҷаҳҳаз хоҳад шуд.Дар ҷараёни берун кардани шаҳрвандони хориҷӣ аз Афғонистон теъдоди зиёде аз фармондеҳони аршади артиш, нерӯҳои иктишофӣ ва хонаводаҳои онҳо аз Кобул аз ҷониби Иёлоти Муттаҳида ба кишварҳои мухталиф интиқол дода шуданд.“Акнун низ шуморе аз сарбозони артиши пешин дар ҷамъи мо ҳастанд”, - гуфт вай.Қаблан Амирхон Муттақӣ, иҷрокунандаи вазифаи вазири хориҷаи ҳукумати толибон дар Покистон гуфта буд, ки Афғонистон ба артиши бузург ниёз дорад ва як артиши хурд наметавонад амнияти кишварро таъмин кунад.
https://sputnik.tj/20211110/artish-afghoniston-arvoh-tolibon-1043461308.html
афғонистон
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
афғонистон, толибон, артиш, ташкил, такмил
афғонистон, толибон, артиш, ташкил, такмил
Сухангӯи толибон: Артиши исломӣ то ду сол такмил мешавад
10:45 17.11.2021 (Навсозишуда: 13:12 17.11.2021) Намояндаи толибон гуфт, ки ин гурӯҳ дар пайи ташкили як артиши исломӣ аст, ки дар давоми ду соли оянда ба анҷом хоҳад расид
ДУШАНБЕ, 17 ноя — Sputnik. Забеҳулло Муҷоҳид, сухангӯи толибон гуфт, ки ин гурӯҳ дар талоши ташкили як артиши исломӣ аст ва он ду соли оянда такмил мешавад, иттилоъ додааст Sputnik Афғонистон.
Муҷоҳид таъкид кард, ки Афғонистон барои ҳифзи амният ва истиқлоли худ ба 100 ҳазор сарбоз ва ё бештар аз он ниёз дорад.
Вай гуфтааст, ки артиши толибон дар давоми ду сол такмил меёбад.
"Теъдоди аъзо ҳанӯз маълум нест, аммо нерӯҳои амниятии Афғонистон барои ҳифзи амният ва истиқлоли кишвар, бешубҳа, ба 100 ҳазор ё бештар аз он ниёз доранд", - афзуд Муҷоҳид.
Ба гуфтаи вай, ба сафи артиши ҷадид сарбозони собиқ, бахусус онҳое, ки таҷрибаи техникӣ доранд, даъват хоҳанд шуд.
Дар ҳамин ҳол Иноятуллоҳ Хоразмӣ, сухангӯи Вазорати дифои толибон дар суҳбат бо рӯзноманигорон дар бораи он чизе, ки толибон "артиши исломӣ" меноманд, тафсилоти бештар додааст.
Ба гуфтаи вай, артиши толибон бо "таҷҳизоти низомӣ, силоҳ, ахлоқ ва ғайра, аз ҷумла истиқлол, тааҳҳуд, ростқавлӣ, имон ва сифатҳои дигар" муҷаҳҳаз хоҳад шуд.
Дар ҷараёни берун кардани шаҳрвандони хориҷӣ аз Афғонистон теъдоди зиёде аз фармондеҳони аршади артиш, нерӯҳои иктишофӣ ва хонаводаҳои онҳо аз Кобул аз ҷониби Иёлоти Муттаҳида ба кишварҳои мухталиф интиқол дода шуданд.
“Акнун низ шуморе аз сарбозони артиши пешин дар ҷамъи мо ҳастанд”, - гуфт вай.
Қаблан Амирхон Муттақӣ, иҷрокунандаи вазифаи вазири хориҷаи ҳукумати толибон дар Покистон гуфта буд, ки Афғонистон ба артиши бузург ниёз дорад ва як артиши хурд наметавонад амнияти кишварро таъмин кунад.
