Взятка, архивное фото - Sputnik Тоҷикистон, 1920, 28.04.2021
Парвандаҳои пурсарусадои корупсионӣ
Хабару гузоришҳо дар мавриди фасодкорӣ дар Тоҷикистону хориҷро аз ин пайванд метавонед пайдо кард

Ожонсии зидди фасод аз боздошти ду мансабдори баландпоя хабар дод

Сулаймон Султонзода - Sputnik Тоҷикистон, 1920, 28.07.2021
Обуна шудан
Ҳарду мансабдор ҳам дар паи гирифтани пора боздошт шудаанд
ДУШАНБЕ, 28 июл - Sputnik. Сулаймон Султонзода, директори Агентии назорати давлатии молиявӣ ва мубориза бо коррупсияи Тоҷикистон имрӯз зимни нишасти матбуотӣ дар Душанбе, боздошти ду мансабдорро шарҳ дод.
Ба гуфти Султонзода, ҳарду кормандони давлатӣ ҳам ба иттиҳоми порагирӣ боздошт шудаанд.
Ҳамин тавр, роҳбари дастгоҳи раиси ноҳияи Деваштич Санатуллозода Суҳбатулло аз шаҳрванд Салимов барои ҷудо намудани қитъаи замин 100 000 сомонӣ пора талаб намудааст.
Мансабдор моҳи апрели соли ҷорӣ ҳамнгоми аз Салимов гирифтани 4700 доллар ва 23 ҳазор сомонӣ дастгир карда шудааст.
Агентство по финансовому контролю и борьбе с коррупцией в Таджикистане - Sputnik Тоҷикистон, 1920, 28.07.2021
Парвандаҳои пурсарусадои корупсионӣ
Эълони ниҳодҳои фасодзада дар Тоҷикистон: рӯйхат
Ҳамчунин, сардори муассисаи тафтишотии Сарраёсати иҷрои ҷазои ҷиноятии Вазорати адлия дар шаҳри Истаравшан Акрамзода Фирдавс бо истифода аз мақоми хизматӣ аз шаҳрванд Иброҳимов пора талаб намудааст.
Ӯ ваъда кардааст, ки бар ивази 30 ҳазор сомонӣ ва 1 ҳазор доллар бародараш Иброҳимови маҳкумро ба калонияи ислоҳии сукунат интиқол медиҳад.
Ба гуфти директори Ожонсии зидди фасод оиди ҳолатҳои мазкур нисбати Санатуллозода ва Акрамзода бо моддаҳои 247 қисми 4 банди б ва 319 қисми 4 банди г-и кодекси ҷиноятии ҶТ парвандаи ҷиноятӣ оғоз гардида барои баррасӣ ба суд ирсол карда шудааст.
Ҳамчунин тибқи маъмулоти Ожонсии мубориба бо фасод, дар давоми шаш моҳи соли равон муфаттишони агентӣ бо дарназардошти бақия 547 парвандаро ба пешбурд қабул карда, тафтиши пешакии 371 адади онро нисбати 483 нафар ба итмом расонидаанд.
Муродали Алимардон. Архивное фото - Sputnik Тоҷикистон, 1920, 28.07.2021
Бародари Алимардонов 105 миллион қарзро ба давлат баргардонду афв шуд
Аз ин шумора 310 парвандаи ҷиноятӣ нисбати 396 нафар бо тасдиқи фикри айбдорӣ ба суд ирсол гардида, 61 парванда нисбати 87 нафар дар пешбурд қатъ крада шудааст, ки 35 адади он нисбати 53 нафар бо татбиқи қонуни ҶТ дар бораи авф мебошад.
Султонзода мегӯяд, дар ин давра ҳолатҳои баргардонидани парвандаҳои ҷиноятӣ ба тафтиши иловагӣ аз ҷониби мақомоти прокуратура ва суд ва ё бо асосҳои сафедкунанда дар баррасии судӣ қатъ гардидани онҳо ҷой надоранд.
Лентаи хабарҳо
0