https://sputnik.tj/20210617/fleshkaro-samarqand-qaziyai-navorbardoriro-1040279161.html
Флешкаро нахӯрд, аммо танбеҳ гирифт: дар Самарқанд қазияи наворбардориро шарҳ доданд
Флешкаро нахӯрд, аммо танбеҳ гирифт: дар Самарқанд қазияи наворбардориро шарҳ доданд
Sputnik Тоҷикистон
Маъмурияти вилояти Самарқанд мулоқоти иштирокчиёни муноқишаро бо намояндагони маъмурияти минтақавии ҳокимият баргузор кард.
2021-06-17T19:14+0500
2021-06-17T19:14+0500
2021-06-17T19:14+0500
ӯзбекистон
самарқанд
хабарнигор
қазия
навор
иҷтимоъ
https://cdnn1.img.sputnik.tj/img/07e5/06/11/1040279289_0:133:2560:1573_1920x0_80_0_0_f463757eea8464af01e58026a96be813.jpg
ДУШАНБЕ, 17 июн — Sputnik. Илҳом Бобоев, сухангӯи ҳукумати ноҳияи Иштихон, ҳангоми рух додани ҳодиса бо рӯзноманигорон дар бозори маҳаллӣ корти хотираи дастгоҳи сабткуниро фурӯ набурдааст, гуфт намояндаи ҳукумати вилояти Самарқанд. Рӯзи 16 июн маъмурияти вилоят вохӯрии иштирокчиёни муноқишаро бо намояндагони маъмурияти минтақавии Агентии иттилоот ва коммуникатсияи оммавӣ баргузор намуд. Ҳар як ҷониб имконият дошт, ки дар бораи вазъи баамаломада изҳори ақида кунад ва далелҳои худро пеш гузорад. Бобоев тавзеҳ дод, ки ӯ аз рӯзноманигорони шабакаи MY5, ки оташсӯзиро дар бозори маҳаллӣ сабт мекарданд, хоҳиш кардааст, ки пас аз пароканда шудани мардум камераро гирён карда ва гузоришро ба навор гиранд. Вай ин гуфтаашро ба хатарнок будани макони сӯхтор рабт дод."Аммо кормандони шабакаи телевизионӣ сабти наворро идома доданд. Дар натиҷа, ихтилофи назар ба миён омад. Сухангӯй гуфт, ки корти хотираашро набардоштааст ва онро фурӯ набурдааст. Ба гуфти ӯ, ин гуфтаҳо асос надоранд. Вале иқрор шуд, ки дасташ ба камера расидааст ва ӯ ба наворбардор гуфтааст, ки пас аз пароканда шудани мардум, наворбардориро ташкил мекунад", - гуфта мешавад дар изҳорот. Хабарнигори ин шабака Отаҷон Раббонақулов суханони Бобоевро тасдиқ кард ва гуфт, ки дар воқеъ аввал сухангӯй муқовимат нишон дод, аммо баъдтар тавонистанд бо ҳокими ноҳия ва шаҳрвандон мусоҳиба кунанд ва инчунин майдони бозорро дар ҳузури худи котиби матбуот ба навор гиранд. "Раббонақулов гуфт, ки бо чашмони худ надидааст, ки чӣ гуна котиби матбуот корти хотираи камераро фурӯ бурд. Вай на дар гузориш ва на дар сӯҳбат бо ҳамкоронаш ин ибораро ба забон наовардааст. Дигарон дар ин бора сухан гуфтанд. Ҳамзамон, вай иқрор кард, ки камера қисман хароб шудааст - сифати навор бад шудааст", - гуфтанд дар ҳукумат. Пас аз омӯхтани вазъ, ҳокими ноҳияи Иштихон Илҳом Бобоевро танбеҳ дод. Ба Раббонақулов тавсия дода шуд, ки бо изҳорот дар бораи далели вайрон шудани таҷҳизот ба суд муроҷиат кунад. Аммо, рӯзноманигор қайд кард, ки ӯ ҳеҷ шикояте надорад.
https://sputnik.tj/20210616/uzbekiston-namoyanda-hokimiyat-fleshka-dastgoh-sabt-1040241583.html
https://sputnik.tj/20210613/janobi-prezident-shumo-qotiled-posuhi-putin-video-1040196156.html
ӯзбекистон
самарқанд
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
флешка, самарцанд, наворбардорӣ
флешка, самарцанд, наворбардорӣ
Флешкаро нахӯрд, аммо танбеҳ гирифт: дар Самарқанд қазияи наворбардориро шарҳ доданд
Маъмурияти вилояти Самарқанд мулоқоти иштирокчиёни муноқишаро бо намояндагони маъмурияти минтақавии ҳокимият баргузор кард
ДУШАНБЕ, 17 июн — Sputnik. Илҳом Бобоев, сухангӯи ҳукумати ноҳияи Иштихон, ҳангоми рух додани ҳодиса бо рӯзноманигорон дар бозори маҳаллӣ корти хотираи дастгоҳи сабткуниро фурӯ набурдааст, гуфт намояндаи ҳукумати вилояти Самарқанд.
Рӯзи 16 июн маъмурияти вилоят вохӯрии иштирокчиёни муноқишаро бо намояндагони маъмурияти минтақавии Агентии иттилоот ва коммуникатсияи оммавӣ баргузор намуд. Ҳар як ҷониб имконият дошт, ки дар бораи вазъи баамаломада изҳори ақида кунад ва далелҳои худро пеш гузорад.
Бобоев тавзеҳ дод, ки ӯ аз рӯзноманигорони шабакаи MY5, ки оташсӯзиро дар бозори маҳаллӣ сабт мекарданд, хоҳиш кардааст, ки пас аз пароканда шудани мардум камераро гирён карда ва гузоришро ба навор гиранд.
Вай ин гуфтаашро ба хатарнок будани макони сӯхтор рабт дод.
"Аммо кормандони шабакаи телевизионӣ сабти наворро идома доданд. Дар натиҷа, ихтилофи назар ба миён омад. Сухангӯй гуфт, ки корти хотираашро набардоштааст ва онро фурӯ набурдааст. Ба гуфти ӯ, ин гуфтаҳо асос надоранд. Вале иқрор шуд, ки дасташ ба камера расидааст ва ӯ ба наворбардор гуфтааст, ки пас аз пароканда шудани мардум, наворбардориро ташкил мекунад", - гуфта мешавад дар изҳорот.
Хабарнигори ин шабака Отаҷон Раббонақулов суханони Бобоевро тасдиқ кард ва гуфт, ки дар воқеъ аввал сухангӯй муқовимат нишон дод, аммо баъдтар тавонистанд бо ҳокими ноҳия ва шаҳрвандон мусоҳиба кунанд ва инчунин майдони бозорро дар ҳузури худи котиби матбуот ба навор гиранд.
"Раббонақулов гуфт, ки бо чашмони худ надидааст, ки чӣ гуна котиби матбуот корти хотираи камераро фурӯ бурд. Вай на дар гузориш ва на дар сӯҳбат бо ҳамкоронаш ин ибораро ба забон наовардааст. Дигарон дар ин бора сухан гуфтанд. Ҳамзамон, вай иқрор кард, ки камера қисман хароб шудааст - сифати навор бад шудааст", - гуфтанд дар ҳукумат.
Пас аз омӯхтани вазъ, ҳокими ноҳияи Иштихон Илҳом Бобоевро танбеҳ дод. Ба Раббонақулов тавсия дода шуд, ки бо изҳорот дар бораи далели вайрон шудани таҷҳизот ба суд муроҷиат кунад. Аммо, рӯзноманигор қайд кард, ки ӯ ҳеҷ шикояте надорад.
