https://sputnik.tj/20210206/maorif-maqomoti-taftishot-1032774586.html
“Гиреду ғам надиҳед”: вазир ба мақомоти тафтишотӣ чӣ паём дод?
“Гиреду ғам надиҳед”: вазир ба мақомоти тафтишотӣ чӣ паём дод?
Sputnik Тоҷикистон
Муҳаммадюсуф Имомзода, вазири маориф ва илми Тоҷикистон, ба омори мақомоти тафтишотӣ, ки ҳамеша соҳаи маорифро фасодзадатарин дар Тоҷикистон қаламдод... 06.02.2021, Sputnik Тоҷикистон
2021-02-06T18:02+0500
2021-02-06T18:02+0500
2021-04-19T16:45+0500
ҳамаи хабарҳо
маориф
пул
буҷа
дар тоҷикистон
https://cdnn1.img.sputnik.tj/img/07e5/02/05/1032764574_0:62:1185:729_1920x0_80_0_0_0159a0a75ec689aa3ab9d77d6e63d510.jpg
ДУШАНБЕ, 6 фев — Sputnik. Имомзода дар пасманзари гузоришҳо дар бораи фасодзадагии соҳаи маориф, изҳор дошт, ки ин соҳа як фисадии бузургеро дар иқтисоду буҷет соҳибӣ мекунад.Вазир дар оғоз хост ба ин нукта таваҷҷӯҳ шавад, ки соҳаи маорифи Тоҷикистон ҳудуди 2 миллиону 700 ҳазор нафар, ё худ 27% - и аҳолии қариб 10-миллионнафарии кишварро фаро мегирад ва ҳам 5 миллиарду 597 миллиону 100 ҳазор сомонӣ, 19,9% - и буҷет ва 6% - и маҷмӯи маҳсулоти дохилӣ (ММД) – и Тоҷикистонро ташкил мекунад.Имомзода бо зикри ин омор изҳор дошт, ки аз ҳамин коэфитсент баровардан мумкин аст, ки тахаллуфҳои молӣ чанд фоизро ташкил медиҳанд. Ӯ мӯътақид аст, ки ин рақами хурде хоҳад буд. Дар баробари ин таъкид намуд, ки ҳатто агар як ҳолати тахаллуфи молӣ ҳам бошад, барои соҳаи маориф, ки соҳаи ахлоқӣ, маънавӣ ва тарбиявӣ аст, қобили қабул нест, бисёр чизи бад, манфӣ ва манфур аст.Палатаи ҳисоби Тоҷикистон чанд рӯзи қабл эълон дошт, ки сохторҳои зертобеи Вазорати маориф бештар аз ҳама вазорату идораҳои дигар дар соли 2020 маболиғи буҷетро ҳайфу майл кардаанд. Бино ба иттилои ин ниҳод, тахаллуфҳои молиявӣ дар ин ниҳод ба маблағи 10,8 миллион сомонӣ ошкор шудааст.Дар ин рообита Муҳаммадюсуф Имомзода гуфт, бино ба ташхиси анҷомдодаи вазорат, қисми зиёди ин маблағҳое, ки эълон мешаванд, аз қарзи андоз ё ҳиссаҷудокуниҳои маблағҳои ба муассисаҳо воридшуда аст. Вай афзуд, ин маблағҳо пурра, аммо аз нигоҳи замонӣ дер интиқол шуда, ба замони тафтиши сохторҳои дахлдор рост омадаанд."Ин қарз буд, ки баъдан муассисаҳо он ҳамаро пардохт мекарданд. Мо ҳоло бо вазорати молия низ гуфтугӯ карда истодаем, ки минбаъд ягон система ё механизми нав пешниҳод кунанд, то маблағҳое, ки андозу дигар пардохтҳо ҳастанд, саривақт аз суратҳисобҳои муассисаҳо гирифта шавад, то дигар чунин амалҳо такрор нашаванд”, - гуфт вазири маориф ва илми Тоҷикистон.Аз ҷумла пешниҳод шудааст, ки андозу дигар пардохтҳо мустақим аз ниҳоди масъули тақсими маблағҳо ба ниҳоди ҷамъоварандаи маблағҳо ироа карда шаванд, то заминае барои тахаллуфҳои молӣ пайдо нагардад.
https://sputnik.tj/20190129/Mavei-Toikiston-mini-kishvaroi-fasodzada-1028109359.html
https://sputnik.tj/20150126/1014069819.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2021
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
ҳамаи хабарҳо, маориф, пул, буҷа, дар тоҷикистон
ҳамаи хабарҳо, маориф, пул, буҷа, дар тоҷикистон
“Гиреду ғам надиҳед”: вазир ба мақомоти тафтишотӣ чӣ паём дод?
18:02 06.02.2021 (Навсозишуда: 16:45 19.04.2021) Муҳаммадюсуф Имомзода, вазири маориф ва илми Тоҷикистон, ба омори мақомоти тафтишотӣ, ки ҳамеша соҳаи маорифро фасодзадатарин дар Тоҷикистон қаламдод мекарданд, вокуниш кард
ДУШАНБЕ, 6 фев — Sputnik. Имомзода дар пасманзари гузоришҳо дар бораи фасодзадагии соҳаи маориф, изҳор дошт, ки ин соҳа як фисадии бузургеро дар иқтисоду буҷет соҳибӣ мекунад.
Вазир дар оғоз хост ба ин нукта таваҷҷӯҳ шавад, ки соҳаи маорифи Тоҷикистон ҳудуди 2 миллиону 700 ҳазор нафар, ё худ 27% - и аҳолии қариб 10-миллионнафарии кишварро фаро мегирад ва ҳам 5 миллиарду 597 миллиону 100 ҳазор сомонӣ, 19,9% - и буҷет ва 6% - и маҷмӯи маҳсулоти дохилӣ (ММД) – и Тоҷикистонро ташкил мекунад.
Имомзода бо зикри ин омор изҳор дошт, ки аз ҳамин коэфитсент баровардан мумкин аст, ки тахаллуфҳои молӣ чанд фоизро ташкил медиҳанд. Ӯ мӯътақид аст, ки ин рақами хурде хоҳад буд. Дар баробари ин таъкид намуд, ки ҳатто агар як ҳолати тахаллуфи молӣ ҳам бошад, барои соҳаи маориф, ки соҳаи ахлоқӣ, маънавӣ ва тарбиявӣ аст, қобили қабул нест, бисёр чизи бад, манфӣ ва манфур аст.
Палатаи ҳисоби Тоҷикистон чанд рӯзи қабл эълон дошт, ки сохторҳои зертобеи Вазорати маориф бештар аз ҳама вазорату идораҳои дигар дар соли 2020 маболиғи буҷетро ҳайфу майл кардаанд. Бино ба иттилои ин ниҳод, тахаллуфҳои молиявӣ дар ин ниҳод ба маблағи 10,8 миллион сомонӣ ошкор шудааст.
Дар ин рообита Муҳаммадюсуф Имомзода гуфт, бино ба ташхиси анҷомдодаи вазорат, қисми зиёди ин маблағҳое, ки эълон мешаванд, аз қарзи андоз ё ҳиссаҷудокуниҳои маблағҳои ба муассисаҳо воридшуда аст. Вай афзуд, ин маблағҳо пурра, аммо аз нигоҳи замонӣ дер интиқол шуда, ба замони тафтиши сохторҳои дахлдор рост омадаанд.
"Ин қарз буд, ки баъдан муассисаҳо он ҳамаро пардохт мекарданд. Мо ҳоло бо вазорати молия низ гуфтугӯ карда истодаем, ки минбаъд ягон система ё механизми нав пешниҳод кунанд, то маблағҳое, ки андозу дигар пардохтҳо ҳастанд, саривақт аз суратҳисобҳои муассисаҳо гирифта шавад, то дигар чунин амалҳо такрор нашаванд”, - гуфт вазири маориф ва илми Тоҷикистон.
Аз ҷумла пешниҳод шудааст, ки андозу дигар пардохтҳо мустақим аз ниҳоди масъули тақсими маблағҳо ба ниҳоди ҷамъоварандаи маблағҳо ироа карда шаванд, то заминае барои тахаллуфҳои молӣ пайдо нагардад.
