ДУШАНБЕ, 17 май — Sputnik. Мувофиқи маълумоти Worldometers, ки тозатарин иттилоъ дар мавриди ин маризӣ пахш мекунад, Русия аз рӯи теъдоди мубталоёни коронавирус дар ҷаҳон ҷойи дуюмро касб намудааст.
Ҳамин тариқ, шумораи умумии мубталоёни ин беморӣ дар Русия ба 281 752 нафар расид.
Қобили зикр аст, ки ҳанӯз 11 - уми май Русия аз лиҳози теъдоди маризони дар ҷаҳон дар ҷои сеюм буд. Аммо рузи якшанбе Русия аз Испания пеш гузашт. Дар Испания то ҳол 276,5 ҳазор ҳолати мубталошавӣ ба вируси COVID -19 сабт гардидааст.
Теъдоди гирифторони коронавирус дар Русия аз 200 ҳазор нафар гузашт
Амрико ҳамоно бо 1,5 миллион гирифторони коронавирус дар ин рейтинг пешсаф аст.
Зимнан дар даҳгонаи кишварҳо аз рӯи шумораи беморони коронавирус Бритониёи Кабир, Бразилия, Италия, Фаронса, Олмон, Туркия ва Эрон қарор гирифтанд..
Чин, ки манбаи паҳншавии коронавирус дар охири соли 2019 гардид, ба ҷои 13-ум афтод. Дар ин кишвар 82,8 ҳазор ҳодисаи сироятшавӣ ба қайд гирифта шуда буд.
Зикр мегардад, ки дар Русия беш аз 67,3 ҳазор нафар аз коронавирус шифо ёфтанд. Ин беморӣ тақрибан ҷони 2,6 ҳазор беморро рабуд.
