ДУШАНБЕ, 8 мая — Sputnik. Бино ба иттилои Маркази матбуоти Хадамоти зиддиинҳисории Тоҷикистон, Абдулмаҷид Муъминзод, сардор ва Акмал Ҷӯраев, сардори шӯъбаи танзими соҳаи электроэнергетикии ин ниҳод барои муқобила бо "вируси корона" ба шифохонаи ноҳияи Вахш либоси хоси тиббӣ, даспӯшак, гипахларид, маводҳои хӯрока, орд, равған, маҳлулҳои антисептикӣ ва дигар маводҳои лозима кӯмак карданд. "
Беш аз ним миллиони Кабиров барои мубориза бо коронавирус дар Тоҷикистон
Рӯзи 1 май пас аз як рӯзи эълони аввалин мавориди гирифторӣ ба "вируси корона" маркази матбуоти президенти Тоҷикистон хабар дод, ки Эмомалӣ Раҳмон маоши вазифавии якмоҳаашро барои мубориза бо ин маризӣ ба суратҳисоби махсус, ки барои маблағгузории чорабиниҳои пешгирӣ ва мубориза бо пандемияи COVID-19 кушода шудааст, таҳвил дод.
Дар пайравӣ аз иқдоми президент Маҳмадтоир Зокирзода, раиси Маҷлиси намояндагон, Рамазон Рахимзода, вазир корҳои дохилӣ, Акрам Сулаймонзода, раиси шаҳри Исфара, Шералӣ Кабиров, раиси ширкати "Талко" ва дигарон ҳазорҳо сомонӣ маоши якмоҳаву ниммоҳа ва Шоҳрух Саидзода, президенти клуби футболи "Истиқлол" маоши яксолаи худро ба ин суратҳисоби махсус рехтанд.
