ДУШАНБЕ, 21 янв — Sputnik. Ба иттилои котиботи Вазорати умури дохилии Тоҷикистон садамаи маргбор рӯзи 19 - уми январи соли ҷорӣ дар ҳудуди деҳоти Хистеварзи ноҳияи Бобоҷон Ғафуров рух дод.
Манбаъ меафзояд, ронандаи автомашинаи тамғаи "Мерседес - Бенс", сокини шаҳри Гулистон, ҳангоми ҳаракат дар роҳи автомобилгарди "Конибодом-Деҳмой", дар ҳудуди ҷамоати деҳоти Хистеварзи ноҳияи Бобоҷон Ғафуров аз уҳдаи идораи воситаи нақлиёт набаромада, пиёдагардро пахш намудаст.
Ҷарроҳии нуҷумшиноси куриёӣ пас аз садама дар роҳи ВМКБ - Душанбе
ВУД Тоҷикистон мегӯяд, дар натиҷа ҷабридида ҷароҳатҳои вазнини ҷисмонӣ бардошта, дар беморхонаи марказии ноҳияи мазкур ба ҳалокат расидаст.
Гуфта мешавад, феълан шахсияти марди ҳалокшуда номаълум аст. Эҳтимол меравад, марҳум шаҳрванди яке аз кишварҳои Аврупоӣ мебошад ва тахминан 40 - 45 сол дошт.
Қайд мегардад, ки барои муайян намудани шахсияти пиёдагард чорабиниҳои оперативӣ-ҷустуҷӯӣ идома дорад.
