ДУШАНБЕ, 24 ноя — Sputnik. Аъзоёни ҲХДТ ба 107 сокинони эҳтиёҷманд, ятимону кулл, бепарасторони шаҳри Норак дар ҳаҷми 24 ҳазор сомонӣ куммакҳои моддиву молӣ расонидааст.
Дар ин бора дафтари матбуоти ҳукумати вилояти Хатлон иттилоъ додааст.
Тибқи иттилои манбаъ, ахиран Қурбон Ҳакимзода, раиси вилояти Хатлон дар доираи сафари кории худ ба шаҳри Норак дар маросими ифтитоҳи бинои маъмурии Кумитаи иҷроияи шаҳрии Ҳизби Халқии Демократии Тоҷикистон ширкат варзиданд.кард.
Зимни ифтитоҳи бино Қурбон Ҳакимзода зикр намуд, ки аъзои ҲХДТ дар 10 моҳи соли равон фаъолони ҳизб дар Норак ба маблағи қариб 24 ҳазор сомонӣ ба 107 нафар сокинони эҳтиёҷманд, ятимону кулл, бепарасторони шаҳр кумакҳои моддию молиявӣ расониданд.
“Бо ибтикор ва саҳмгузории сокинон ва аъзои ҳизб имсол 10 муассисаи таҳсилоти миёнаи умумии ноҳия таъмиру тармим гардида, зиёда аз 160 метр роҳҳои байни деҳаҳо мумфарш шудаанд”, - таъкид намудааст Қурбон Ҳакимзода.
Манбаъ қайд намудааст, ки алҳол, шумораи аъзои ҲХДТ дар шаҳри Норак ба 4082 нафар расидааст. Аз ин шумора 2374 (58,2%) нафарашон занон ва 1089 нафарашон (27%) ҷавонони то 30-сола мебошанд. Ҳамаи онҳо дар 81 ташкилоти ибтидоии ҳизбӣ муттаҳид шудаанд.
