ДУШАНБЕ, 3 фев — Sputnik. ВКД-и вилояти Омск тафтиши парвандаи ҷиноиро нисбати дуздоне, ки муҳоҷирони тоҷикро ғорат карда буданд, ба итмом расонид.
Дар натиҷаи баргузории корҳои вижаи ҷустуҷӯӣ аз ҷониби кормандони ВКД-и Русия ду сокини 44 ва 56-солаи шаҳри Омск бо иттиҳоми ғоратгарӣ дастгир гардиданд, хабар медиҳад хадамоти матбуоти ВКД Русия дар вилояти Омск.
"Дастгиршудагон дар бандитизм, тамаъҷӯӣ, роҳзанӣ истифодаи силоҳи оташфишон ва гардиши ғайриқонунии силоҳ айбдор мешаванд",-омадааст дар хабарнома.
Гунаҳкорон аз шаҳрвандони Тоҷикистон ба қадри аз 50 000 то 300 000 рубли русӣ, дар давоми соли 2012-2014 рабудаанд. Зарари ба 9-нафар расонидашуда, аз 1,4 миллион рубли русӣ зиёдтар аст.
Дар баробари ин чор ҳаммаслаки дуздон дар ҳоли ҳозир дар кофтукови федералӣ қарор доранд.
Ҳангоми тафтишот аз манзили зисти гунаҳкорон 5 адад таппонча, 2 аслиҳаи шикорӣ, янчанд тирдон, 23 адад силоҳ дарёфт ва мусодира гардид.
Айбдоронро ҷазо ба намуди то 15-соли маҳрумият аз озодӣ интизор аст.
