Амрико донишҷӯёни Тоҷикистонро ба таҳсил даъват мекунад

© SputnikДонишҷӯёни тоҷик. Акс аз бойгонӣ
Донишҷӯёни тоҷик. Акс аз бойгонӣ - Sputnik Тоҷикистон
Обуна шудан
Донишҷӯёни интихобшуда дар доираи барномаи "Global UGRAD" бо идрорпулӣ давоми як нимсолаи таҳсил дар донишгоҳҳои Иёлоти Муттаҳидаи Амрико таъмин мешаванд. Мӯҳлати охирини пешниҳоди ариза 30 декабри соли 2016

ДУШАНБЕ, 10 ноя — Sputnik. Сафорати ИМА дар Тоҷикистон оғози мусобиқаи кушодро барои иштирок дар Барномаи ҷаҳонии табодули донишҷӯён "Global UGRAD" барои соли хониши 2017-2018 эълон менамояд.

Донишҷӯёни интихобшуда дар доираи барномаи мазкур бо идрорпулӣ давоми як нимсолаи таҳсил дар донишгоҳҳои Иёлоти Муттаҳидаи Амрико таъмин мешаванд.

"Идрорпулӣ харҷи сафари байналмилалӣ, пардохти таҳсил, хароҷоти зист, суғуртаи ҳодисоти тасодуфӣ / ҳолатҳои беморӣ, идрорпулии хурди моҳона ва пардохти китобҳои дарсиро таъмин менамояд",-омадааст дар хабарнома.

Барномаи "Global UGRAD" аз ҷониби Идора доир ба масоили таҳсил ва фарҳанги назди Департаменти давлатии ИМА маблағгузорӣ мешавад.

Душанбе, акс аз бойгонӣ - Sputnik Тоҷикистон
Ҳафтаи таҳсили байналмиллалӣ бо дастгирии сафорати ИМА. Дар Душанбе

Барномаи таҳсили байналмилалию фарҳангии табодули мазкур ба донишҷӯёни  оянда имконияти шинос шудан бо тартиби таҳсил, фарҳангу арзишҳои ИМА ва такмили дониши худро фароҳам меоварад.

Инчунин донишҷӯён тавассути ин Барнома мардуми ИМА-ро метавоннад бошандагони Амрикоро бо  маданияту урфу одати милли худ шинос намоянд. Барномаи "Global UGRAD" аз ҷониби созмони "World Learning" идора мешавад.

Барои донишҷӯён аз Тоҷикистон мӯҳлати охирини пешниҳоди ариза рӯзи ҷумъа, 30 декабри соли 2016 мебошад. Номзадон метавонанд аризаи худро тавассути сомонаи http://www.worldlearning.org/UGRAD пешниҳод намоянд.

Лентаи хабарҳо
0