ДУШАНБЕ, 25 апр — Sputnik. Вазири корҳои хориҷии Тоҷикистон Сироҷиддин Аслов дар қароргоҳи СММ дар шаҳри Ню- Йорк Созишномаи Порис оид ба тағйирёбии иқлимро аз номи Ҳукумати Ҷумҳурии Тоҷикистон имзо кард, иттлоъ медиҳад сомонаи расмии ВКХ ҶТ.
"Дар маросими имзои ин Созишнома 175 кишвари узви СММ дар сатҳи роҳбарони давлатҳо, ҳукуматҳо ва вазирони соҳавӣ ширкат варзида, санадро ба тасвиб расониданд",- омадааст дар хабари сарчашма.
Созишномаи мазкур дар айни замон аз ҷониби 14 кишвари дунё ба тасивиб расида, раванди омӯзишу имзокунии он идома дорад.
Дар ҷаласа ба муносибати имзои ин санад Сироҷиддин Аслов ширкат ва суханронӣнамуда, ҳамчунин яке аз ҷаласаҳои онро раисӣ кардааст.
Вазири умури хориҷии Тоҷикистон иброз доштааст, ки дар ҳоли ҳозир барномаҳои вижаро барои муқовимат бо тағйирёбии иқлим рӯи даст гирифтааст.
Бино ба гуфти оқои Аслов, айни замон таҳияи Стратегияи миллии Рушди Тоҷикистон то соли 2030 ва Стратегияи миллии мутобиқат бо тағйирёбии иқлим дар марҳилаи анҷомёбист.
