ДУШАНБЕ, 21 апр — Sputnik. Ҳаҷми маблағҳои интиқолӣ аз Русия ба кишварҳои ИДМ коҳиш ёфтааст, иттилоъ медиҳад Бонки марказии Русия.
Мувофиқи маълумоти БМ ФР дар марҳилаи аввали соли 2016 аз Русия ба мамолики хориҷ 690 миллион доллар фиристода шудааст. Ба омори ин манбаъ, ин нишондоддар қиёс ба ҳамин давраи соли гузашта 587 миллион доллар камтар мебошад.
Соли 2015 ҳаҷми интиқоли маблағ ба ҷумҳуриҳои ИДМ 6,6 миллиард долларро ташкил дод, ки дар муқоиса ба соли 2014 ду маротиба камтар буд.
Қаблан хабар дода шуд, ки интиқоли маблағ аз Русия ба Тоҷикистон дар соли 2015 нисбати соли 2014 се маротиба кам шудааст.
Тибқи арқоми Бонки марказии Русия дар ду семоҳа (квартал)-и соли гузашта ба ҶТ 696 миллион доллар интиқол дода шудааст, ки нисбати нишондоди ҳамин давраи соли 2014- 58,6% камтар аст.
