Ашраф Ғанӣ барои нахустин бор "Толибон"-ро террорист номид

© Фотохост-агентство / Гузариш ба медиабонкРаисҷумҳури Афғонистон Ашраф Ғанӣ. Акс аз бойгонӣ
Раисҷумҳури Афғонистон Ашраф Ғанӣ. Акс аз бойгонӣ - Sputnik Тоҷикистон
Обуна шудан
Раисҷумҳури Афғонистон мӯътақид аст, ки террористон дар Афғонистон шомили гурӯҳҳои ҷиноятпеша ва ҳаракати “Толибон” ҳастанд.

Душанбе, 8 окт — Sputnik. Президенти Афғонистон Ашраф Ғанӣ дар нишасти фавқулоддаи ҳукумат иброз доштааст, ки арзёбиҳои ибтидоии ниҳодҳои кашфӣ ва истихборотӣ нишон медиҳад, ки гурӯҳҳои террористӣ дар Афғонистон гурӯҳҳои ҷурмӣ, Толибон ва террористони хориҷӣ ҳастанд, менависад TOLOnews.com.

Оқои Ғанӣ меафзояд, ҷангиён ба хотири манофеи бегонагон ва қочоқбарони маводди мухаддир ба ҷиноёти нобахшиданӣ даст мезананд.

Сияҳпӯш: ҷанг дар Қундуз кори дасти Амрикост

"Баррасиҳои аввалияи ниҳодҳои амниятӣ ва дифоии Афғонистон нишон медиҳад, ки гурӯҳҳои террористӣ дар Форёб, Қундуз, Нангарҳор, Бадахшон, Урузгон ва Ҳилманд меҷанганд, террористоне ҳастанд, ки ҳадафи онҳо ба вуҷуд овардани тарс дар миёни мардум ва расидан ба аҳдофи шуми бегонагон ва қочоқбарони маводди мухаддир аст",- омадааст дар хабарномаи раёсатҷумҳури ин кишвар.

Раисҷумҳур, террористонро душмани ғаддор номида, илова кард, душмане, ки аз манобеи берунӣ ва маводди мухаддир тамвил мешавад, ба ҷону мол ва иззати мардум тааруз мекунад.

Дар ҳамин ҳол, Ғанӣ як бори дигар аз неруҳои амниятӣ ва дифоии кишвар ба хотири мубориза бо "террористон" ситоиш карду гуфт:"Қуввои мусаллаҳи шуҷову далери мо мехоҳанд, ки Афғонистон ба пеш ҳаракат кунад ва мардумаш дар озодӣ, истиқлол ва рифоҳи муттаҳидона ба сар бубаранд".

Зимнан вай таъкид кард, ки ҳокимияти қонун, амният ва рифоҳро таъмину тарвиҷ мекунем.

Ҷанг барои Қундуз: то Тоҷикистон километрҳои ба шумор мондааст

Дар ҷараёни ин нишаст, генерал Муродалӣ Мурод гуфтааст, ки неруҳои амниятӣ ва дифоии Афғонистон ҳеч гуна амалу тахаттии ҳуқуқи башариро муртакиб нашудааанд ва як бори дигар ба раисиҷумҳур итминон дод, ки неруҳои амниятӣ ва дифоӣ бо пайравӣ аз қавонини роиҷи кишвар ва риояти меъёрҳои байналмилалӣ аз ҷону моли мардум ҳимоят хоҳанд кард.

Маврид ба тазаккур аст, ки ҳамалоти низомии террористон соати сеи субҳи рӯзи 28 сентябр оғоз шуда, ҷангиёни "Толибон" ба хотири ҷилавгирӣ аз вуруди неруҳои мусаллаҳ ва фирори сокинони маҳал чор дарвозаи шаҳрро бастанд. Аз он рӯз инҷониб хабарҳои зидду нақиз дар мавриди авзоъи шаҳр ва вилояти Қундуз ба расонаҳо мерасад.

© SputnikҶанг барои Қундуз: то Тоҷикистон километрҳои ба шумор мондааст
Ҷанг барои Қундуз: то Тоҷикистон километрҳои ба шумор мондааст  - Sputnik Тоҷикистон
Ҷанг барои Қундуз: то Тоҷикистон километрҳои ба шумор мондааст

 

Лентаи хабарҳо
0