ДУШАНБЕ, 17 июл — Sputnik. Дар ҷараёни ин амал чаҳор ҷангҷӯй, ки муқовимат карданд, маҳв шуда чаҳор корманди КДАМ ҷароҳатҳо бардоштанд, хабар доданд дар Кумитаи давлатии амнияти миллии Қирғизистон.
"Амали маҳви ҷангҷӯёни мусаллаҳи созмони байналмиллалии террористӣ, ки аз сӯйи КДАМ сурат гирифта буд, анҷом ёфт", — хабар медиҳад маркази матбӯъотии ин ниҳод.
Шоҳидони ҳодиса хабар медиҳанд, ки аз биное, ки дар пайи амалиёти нерӯҳои вижа забт карда шуд, чанд нафари боздоштшударо берун оварданд.
Қаблан шоҳидон гуфта буданд, ки шоми рӯзи гузашта дар маркази Бишкек тирпарронӣ дар минтақаи хиёбонҳои Горкий ва Панфилов шунида мешуд ва ҳамлу нақли васоили нақлия дар ин хиёбонҳо масдуд шуда буд.
Ба иттилоъи расонаҳои Қирғизистон бо истинод ба манобеъи онҳо дар ниҳодҳои интизомӣ, ҷангҷӯёни маҳвшуда аъзои бахши маҳаллии ДИ буданд.
