Президент Владимир Путин встретился с президентом Таджикистана Э. Рахмоном - Sputnik Тоҷикистон, 1920
Сафари Владимир Путин ба Тоҷикистон
Президенти Русия Владимир Путин, рӯзҳои 8-10 октябр нахустин сафари давлатиро ба Тоҷикистон анҷом медиҳад

Раҳмон шахсан истиқбол гирифт: Путин бо сафари корӣ вориди Душанбе шуд

© Foto / Пресс-служба президента ТаджикистанаПрезидент РФ Владимир Путин и президент Таджикистана Эмомали Рахмон.
Президент РФ Владимир Путин и президент Таджикистана Эмомали Рахмон. - Sputnik Тоҷикистон, 1920, 20.11.2026
Обуна шудан
Раисҷумҳури Русияро дар фурудгоҳи байналмилалии Душанбе, президенти Тоҷикистон, Эмомалӣ Раҳмон истиқбол гирифт
ДУШАНБЕ, 20 ноя - Sputnik. Президенти Русия Владимир Путин пас аз мулоқоти сеҷониба бо кишвардорони ИМА Доналд Трамп ва Чин Си Ҷинпин ба Душанбе парвоз кард.
Дар фурудгоҳи байналмилалии Душанбе, раисҷумҳури Русияро, президенти Тоҷикистон, Эмомалӣ Раҳмон истиқбол гирифт, хабар медиҳад хадамоти матбуотии президенти Тоҷикистон.
Президенти Русияро дар баробари ҳамтои тоҷикаш, Эмомалӣ Раҳмон инчунин раиси Маҷлиси миллӣ, Рустами Эмомалӣ ва сафири Русия дар Душанбе истиқбол гирифтанд.
Интизор меравад, ки роҳбарони ду кишвар масоили мухталиф, аз тиҷорат то амният, фаъолияти пойгоҳи низомии 201-ум ва вазъи Афғонистонро баррасӣ намоянд.
Сарони давлатҳо бори охир 11 ноябр дар ҷаласаи Шӯрои амнияти дастаҷамъии СААД дар Маскав мулоқот карданд. Ҳамчунин кишвардорон дар Кремл мулоқоти алоҳида баргузор карданд. Аммо, ба гуфтаи президенти Русия, ҷадвали корӣ имкон надод, ки ҳамаи масъалаҳои муҳимро баррасӣ кунанд.
"Ҳайати Русия ахиран аз Афғонистон боздид кард ва ният дорам, Эмомалӣ Раҳмонро аз дидгоҳамон огоҳ хоҳам кард, ки чӣ зарфиятҳо вуҷуд доранд", - изҳор дошт раисҷумҳури Русия дар робита ба ҳадафи сафараш ба Тоҷикистон.
Путин гуфт, ки пойгоҳи низомии Русия дар Тоҷикистон кафили қавии амният дар минтақа аст.
Саммит глав государств СНГ в Туркменистане. - Sputnik Тоҷикистон, 1920, 19.11.2026
Сафари Владимир Путин ба Тоҷикистон
Аз пойгоҳи 201 то тиҷорату Афғонистон: Путин ҳадафи сафараш ба Тоҷикистонро гуфт
Роҳбарон инчунин муносибатҳои дуҷониба, аз ҷумла робитаҳои тиҷоратӣ ва иқтисодиро баррасӣ хоҳанд кард.
Сафари кории президенти Русия Владимир Путин ба Душанбе рӯзҳои 19-20 ноябр сурат мегирад.
Владимир Путин чанд маротиба ба Тоҷикистон сафар кардааст: Тасвирбаён
Ёдрас мешавем, ки Владимир Путин бори аввал соли 2000 ба Тоҷикистон сафар карда буд. Дар тӯли 26 сол ӯ беш аз 13 маротиба вориди Тоҷикистон шудааст.
Лентаи хабарҳо
0