Зеристгоҳи "Ёвон" қариб се баробар пуриқтидортар шуд

© Foto / Пресс-служба президента ТаджикистанаЭлектрическая подстанция в Явонском районе.
Электрическая подстанция в Явонском районе. - Sputnik Тоҷикистон, 1920, 19.11.2026
Обуна шудан
Иқтидори зеристгоҳи "Ёвон" аз 80 то 221 ҳазор кВА расид, ки таъмини аҳолӣ бо нерӯи барқ дар фасли сарморо беҳтар хоҳад кард
ДУШАНБЕ, 19 ноя- Sputnik. Сокинон ва корхонаҳои ноҳияи Ёвон аз ин пас бо барқи боэътимодтар таъмин мешаванд.
Иқтидори зеристгоҳи барқии 220/35/10-6 кВ "Ёвон" давоми се моҳ аз 80 ҳазор то 221 ҳазор кВА, яъне зиёда аз 2,7 маротиба афзуд.
Навбати сеюми зеристгоҳро ҶСК "Шабакаҳои интиқоли барқ" бунёд кард,-хабар медиҳад хадамоти матбуотии Вазорати энергетика.
Дар доираи лоиҳа се трансформатори қудратӣ бо иқтидори умумии 141 ҳазор кВА насб гардид.
Корҳои сохтмонию насбро мутахассисони филиали ширкат дар шаҳри Душанбе дар муддати се моҳ ба анҷом расониданд.
Ба гуфтаи вазорат, пештар иқтидори трансформаторҳои мавҷуда талаботи афзояндаи аҳолӣ ва иқтисодиёти ноҳияро пурра қонеъ намекард.
Солнечная электростанция - Sputnik Тоҷикистон, 1920, 12.11.2026
Панелҳои офтобӣ ва чароғҳои LED: Тавсияҳои Вазорат барои сарфаи қувваи барқ
Дар фаслҳои тобистону зимистон, вақте истеъмоли барқ меафзояд, таҷҳизот аз ҳад зиёд сарборӣ мешуд ва дар таъминоти барқи хонаводаҳо, корхонаҳои саноатӣ ва муассисаҳои иҷтимоӣ мушкилот пеш меомад.
Тавсеаи зеристгоҳ барои баланд бардоштани эътимоднокии таъминоти барқ, пешгирии садамаҳо ва коҳиш додани сарборӣ дар шабакаҳо равона шудааст.
Ёдовар мешавем, ки зеристгоҳи "Ёвон" моҳи августи соли ҷорӣ ҳангоми сафари кории Президенти Тоҷикистон Эмомалӣ Раҳмон ба вилояти Хатлон ба истифода дода шуда буд.
Лентаи хабарҳо
0