Душанбе: Корхонаҳои пойтахт ба энергияи офтобӣ мегузаранд

© Unsplash / Soren HСолнечные панели
Солнечные панели - Sputnik Тоҷикистон, 1920, 18.11.2026
Обуна шудан
Дар Тоҷикистон барномаи вижаи сохтмони нерӯгоҳҳои офтобӣ амал мекунад
ДУШАНБЕ, 18 ноя- Sputnik. Истифодаи энергияи офтобӣ дар шаҳри Душанбе бештар мешавад.
Ҳамин тавр, дар ду корхонаи пойтахт - фабрикаи қаннодии "Ширин" ва бозори "Фаровон" - зиёда аз 4,5 ҳаз. панели офтобӣ насб шудааст.
Дар ин бора, хадамоти матбуоти мақомоти иҷроияи ҳокимияти давлатии шаҳри Душанбе иттилооъ доданд.
Дар ҶСП "Фабрикаи қаннодии "Ширин"" 2283 панел бо тавони умумии 1483 кВт ба кор андохта шудааст.
Насби боз зиёда аз 240 панел бо тавони 156 кВт идома дошта баъд аз анҷоми он тавони умумӣ ба 1639 кВт мерасад.
Дар ҳудуди бозори ҶДММ "Фаровон Д" 2000 панели офтобӣ бо тавони 1240 кВт насб гардида, корҳо дар марҳилаи ниҳоӣ қарор доранд.
Муовини раиси шаҳри Душанбе Меҳриддин Тоҳирзода аз рафти ҷараёни корҳо аз наздик шинос шуд.
Барқи истеҳсолшуда асосан барои эҳтиёҷоти дохилии корхонаҳо - кори таҷҳизот, равшанӣ ва равандҳои истеҳсолӣ - истифода мешавад ва сарбории шабакаи умумии барқро дар мавсими тирамоҳу зимистон коҳиш медиҳад.
Ин дар ҳолест, ки то охири соли 2027 дар Тоҷикистон сохтмони боз 1000 мегаватт иқтидори нави фотоэлектрикӣ дар назар аст.
Айни замон дар ноҳияҳои Ашт ва Ҷайҳун бунёди ду неругоҳи бузурги офтобӣ бо иқтидори умумии 500 мегаватт идома дорад.
Ёдовар мешавем, ки Вазорати энергетика дар ҳамкорӣ бо ширкати "Системавтоматика" ва Пажӯҳишгоҳи лоиҳакашии "Нурофар" тарҳҳои намунавии неругоҳҳои барқи офтобиро барои хонаҳои истиқоматӣ таҳия намудааст.
Солнечная электростанция - Sputnik Тоҷикистон, 1920, 12.11.2026
Панелҳои офтобӣ ва чароғҳои LED: Тавсияҳои Вазорат барои сарфаи қувваи барқ
Таррҳо вобаста ба иқтидори таҷҳизот ва хусусиятҳои макон таҳияи шуда се варианти ҷойгиркунии панелҳои офтобиро пешниҳод мекунанд.
Ҳамчунин барои дастгирии соҳа, воридоти панелҳои офтобӣ то соли 2031 аз пардохти андоз аз арзиши иловашуда (ААИ) озод карда шудааст. Инчунин, биноҳое, ки панелҳои офтобӣ бо иқтидори на камтар аз 0,1 МВт доранд, барои 5 сол аз андози моликияти ғайриманқул озод мешаванд.
Тоҷикистон ба ҳисоби миёна 280–330 рӯзи офтобӣ дар сол дорад, ки барои истеҳсоли қувваи барқи офтобӣ шароити бениҳоят мусоид фароҳам меорад.
Лентаи хабарҳо
0