Бо даъвати Раҳмон: Путин бо сафари корӣ ба Тоҷикистон меравад

© Sputnik / Вячеслав Прокофьев / POOL / Гузариш ба медиабонкВстреча президента РФ Владимира Путина и президента Таджикистана Эмомали Рахмона.
Встреча президента РФ Владимира Путина и президента Таджикистана Эмомали Рахмона.  - Sputnik Тоҷикистон, 1920, 17.11.2026
Обуна шудан
Президенти Русия дар Душанбе бо кишвардори Тоҷикистон гуфтушунид анҷом хоҳад дод
ДУШАНБЕ, 17 ноя -Sputnik. Президенти Русия Владимир Путин рӯзҳои 19-20 ноябр бо сафари корӣ ба Тоҷикистон хоҳад рафт.
Дар ин бора, дафтари матбуотии Кремл хабар додааст.
Қаблан, ёвари президенти Русия Юрий Ушаков эълон карда буд, ки Путин пас аз нишасти Ҳамкории иқтисодии Осиё ва Уқёнуси Ором (APEC) ба Душанбе сафар мекунад.
Ӯ гуфт, дар Душанбе кишвардори Русия, бо Эмомалӣ Раҳмон, раисҷумҳури Тоҷикистон, гуфтушунид хоҳад кард.
"Рӯзҳои 19-20 ноябри соли 2026, бо даъвати президенти Тоҷикистон Эмомалӣ Раҳмон, президенти Русия Владимир Путин бо сафари корӣ ба Тоҷикистон хоҳад рафт", - омадааст дар хабарнома.
Президент дар ҷараёни музокирот масъалаҳои муҳими рушди шарикӣ ва иттифоқи стратегии Русия ва Тоҷикистон, инчунин масъалаҳои мубрами байналмиллалӣ ва минтақавиро баррасӣ хоҳад кард, гуфтанд дар Кремл.
Ба гуфтаи ӯ, роҳбарон "ба баррасии муфассалтари ҷанбаҳои зиёди ҳамкории дуҷонибаи Русия ва Тоҷикистон манфиатдоранд".
Раҳбари Русия пас аз нишасти Ҳамкории иқтисодии Осиё ва Уқёнуси Ором, ки дар Шенҷени Чин баргузор мешавад, ба пойтахти Тоҷикистон сафар хоҳад кард.
Рӯзҳои асосии кории Путин дар Чин 18-19 ноябр хоҳанд буд, ки дар он ҷо ӯ суханронӣ мекунад, дар ҷаласаи роҳбарони иқтисодии AСЕАН иштирок мекунад ва бо раисиҷумҳури Чин Си Ҷинпин ва президенти ИМА Доналд Трамп музокироти сеҷониба анҷом медиҳад.
Встреча президента РФ Владимира Путина и президента Таджикистана Эмомали Рахмона. - Sputnik Тоҷикистон, 1920, 12.11.2026
Амният ва субот дар минтақа: Мулоқоти Раҳмон ва Путин дар Маскав
Ин дар ҳолест, ки чанде пеш президенти Тоҷикистон Эмомалӣ Раҳмон бо сафари корӣ дар Русия қарор дошт. Ӯ дар нишасти сарони кишварҳои узви СААд ширкат ва суханронӣ кард.
Дар ҳошиаи ин нишаст, Эмомалӣ Раҳмон бо Владимир Путин масъалаи амнияту субот дар минтақа ва дигар ҷанбаҳои ҳамкории ду кишварро баррасӣ кард.
Лентаи хабарҳо
0