https://sputnik.tj/20261020/muloqot-rahmon-saroni-hukumatho-shsh-1081354549.html
Аз амният то тиҷорату сармоягузорӣ: Мулоқоти Раҳмон бо сарони ҳукуматҳои СҲШ
Аз амният то тиҷорату сармоягузорӣ: Мулоқоти Раҳмон бо сарони ҳукуматҳои СҲШ
Sputnik Тоҷикистон
Ращмон дар мулоқот, ба масъалаи амният афзалият дода, тақвияти муборизаи муштарак бар зидди терроризму экстремизм ва қочоқи маводи мухаддиру ҷинояткории муташаккили фаромиллӣ зарур донист
2026-10-20T12:02+0500
2026-10-20T12:02+0500
2026-10-20T12:29+0500
дар тоҷикистон
эмомалӣ раҳмон
сҳш
амният ва мудофиа
сармоягузорӣ
https://cdnn1.img.sputnik.tj/img/07ea/0a/14/1081353720_0:321:3071:2048_1920x0_80_0_0_6af4ccb90440220d3677cc8bc87767b0.jpg
ДУШАНБЕ, 20 окт – Sputnik. Президенти Тоҷикистон Эмомалӣ Раҳмон бо роҳбарони ҳайатҳои давлатҳои аъзои Созмони ҳамкории Шанхай, ки дар Душанбе қарор доранд, мулоқот кард.Роҳбари давлат гуфт, таҳаввулоти кунунии ҷаҳонӣ аҳамияти Созмони ҳамкории Шанхайро ҳамчун майдони муколамаи созанда ва ҳамкории барои ҷонибҳо судманд таъкид менамояд.Кишвардор таъкид кард, ки Тоҷикистон пайваста ҷонибдори тақвияти нуфузи байналмилалии Созмон ва афзоиши таъсири амалии фаъолияти он ҳаст.Дар ин робита, густариши тиҷорат ва сармоягузорӣ, рушди робитаҳои нақлиётӣ, ҳамкории саноатӣ ва агросаноатӣ, иқтисоди рақамӣ, технологияҳои сабз ва тақвияти амнияти энергетикӣ ва озуқаворӣ зарур шумурда шуд.Аз Шуро даъват карда шуд, ки ба татбиқи қарорҳои дар сатҳи олӣ, пеш аз ҳама дар соҳаҳои тиҷоратӣ, иқтисодӣ, сармоягузорӣ ва гуманитарӣ қабулшуда тавассути барномаҳо ва лоиҳаҳои мушаххас мусоидат кунад.Президенти кишвар ба масъалаи амният афзалият дода, тақвияти муборизаи муштарак бар зидди терроризм ва экстремизм, радикализм, таҳдидҳои киберӣ, қочоқи маводи мухаддир ва ҷинояткории муташаккили фаромиллӣ зарур донистанд.Раисиҷумҳур, ҳамчунин, доир ба аҳамияти таъсиси Маркази зиддимухаддиротии Созмони ҳамкории Шанхай дар Душанбе ва татбиқи Стратегияи рушди иқтисодии Созмони ҳамкории Шанхай барои давраи то соли 2030, ки бо ташаббуси кишвари мо қабул шудааст, андешаронӣ намуданд.Таъкид гардид, ки Тоҷикистон татбиқи ислоҳотеро, ки ба рушди бахшҳои стратегии иқтисодиёт ва бахши хусусӣ, беҳтар кардани муҳити тиҷорат ва татбиқи технологияҳои рақамӣ ва инноватсия нигаронида шудаанд, идома медиҳад.Дар ин замина, президент ҷонибдории Тоҷикистонро аз густариши ҳамкорӣ дар технологияҳои инноватсионӣ, зеҳни сунъӣ ва омода кардани мутахассисони баландихтисос дар ин соҳаҳо таъкид намуданд.Мутобиқшавӣ ба тағйирёбии иқлим, ҳифзи муҳити зист ва пиряхҳо, истифодаи оқилонаи захираҳои об, дастгирии доимии кишварҳои Созмони ҳамкории Шанхай аз ташаббусҳои байналмилалии Тоҷикистон дар бахши об ва иқлим аз мавзуъҳои дигари суҳбат буданд.
https://sputnik.tj/20261020/rahmon-tojikiston-ishtiroki-eron-faoliyati-shsh-muhim-1081345273.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, эмомалӣ раҳмон, сҳш, амният ва мудофиа, сармоягузорӣ
дар тоҷикистон, эмомалӣ раҳмон, сҳш, амният ва мудофиа, сармоягузорӣ
Аз амният то тиҷорату сармоягузорӣ: Мулоқоти Раҳмон бо сарони ҳукуматҳои СҲШ
12:02 20.10.2026 (Навсозишуда: 12:29 20.10.2026) Раҳмон дар мулоқот, ба масъалаи амният афзалият дода, тақвияти муборизаи муштарак бар зидди терроризму экстремизм ва қочоқи маводи мухаддиру ҷинояткории муташаккили фаромиллӣ зарур донист
ДУШАНБЕ, 20 окт – Sputnik. Президенти Тоҷикистон Эмомалӣ Раҳмон бо роҳбарони ҳайатҳои давлатҳои аъзои Созмони ҳамкории Шанхай, ки дар Душанбе қарор доранд, мулоқот кард.
Роҳбари давлат гуфт, таҳаввулоти кунунии ҷаҳонӣ аҳамияти Созмони ҳамкории Шанхайро ҳамчун майдони муколамаи созанда ва ҳамкории барои ҷонибҳо судманд таъкид менамояд.
“Мо ба тақвияти минбаъдаи нақши Созмон дар таъмини сулҳу субот, рушди устувор ва фазои эътимод дар тамоми самтҳои фаъолияти он манфиатдорем”, - изҳор дошт Раҳмон.
Кишвардор таъкид кард, ки Тоҷикистон пайваста ҷонибдори тақвияти нуфузи байналмилалии Созмон ва афзоиши таъсири амалии фаъолияти он ҳаст.
Дар ин робита, густариши тиҷорат ва сармоягузорӣ, рушди робитаҳои нақлиётӣ, ҳамкории саноатӣ ва агросаноатӣ, иқтисоди рақамӣ, технологияҳои сабз ва тақвияти амнияти энергетикӣ ва озуқаворӣ зарур шумурда шуд.
“Мо бовар дорем, ки рушди робитаҳои Созмони ҳамкории Шанхай бо Созмони Милали Муттаҳид, дигар созмонҳои байналмилалӣ ва минтақавӣ ва давлатҳои манфиатдор муҳим аст”, - иброз доштанд Сарвари давлат муҳтарам Эмомалӣ Раҳмон.
Аз Шуро даъват карда шуд, ки ба татбиқи қарорҳои дар сатҳи олӣ, пеш аз ҳама дар соҳаҳои тиҷоратӣ, иқтисодӣ, сармоягузорӣ ва гуманитарӣ қабулшуда тавассути барномаҳо ва лоиҳаҳои мушаххас мусоидат кунад.
Президенти кишвар ба масъалаи амният афзалият дода, тақвияти муборизаи муштарак бар зидди терроризм ва экстремизм, радикализм, таҳдидҳои киберӣ, қочоқи маводи мухаддир ва ҷинояткории муташаккили фаромиллӣ зарур донистанд.
Раисиҷумҳур, ҳамчунин, доир ба аҳамияти таъсиси Маркази зиддимухаддиротии Созмони ҳамкории Шанхай дар Душанбе ва татбиқи Стратегияи рушди иқтисодии Созмони ҳамкории Шанхай барои давраи то соли 2030, ки бо ташаббуси кишвари мо қабул шудааст, андешаронӣ намуданд.
Таъкид гардид, ки Тоҷикистон татбиқи ислоҳотеро, ки ба рушди бахшҳои стратегии иқтисодиёт ва бахши хусусӣ, беҳтар кардани муҳити тиҷорат ва татбиқи технологияҳои рақамӣ ва инноватсия нигаронида шудаанд, идома медиҳад.
Дар ин замина, президент ҷонибдории Тоҷикистонро аз густариши ҳамкорӣ дар технологияҳои инноватсионӣ, зеҳни сунъӣ ва омода кардани мутахассисони баландихтисос дар ин соҳаҳо таъкид намуданд.
Мутобиқшавӣ ба тағйирёбии иқлим, ҳифзи муҳити зист ва пиряхҳо, истифодаи оқилонаи захираҳои об, дастгирии доимии кишварҳои Созмони ҳамкории Шанхай аз ташаббусҳои байналмилалии Тоҷикистон дар бахши об ва иқлим аз мавзуъҳои дигари суҳбат буданд.
