https://sputnik.tj/20261005/emomal-rahmon-tojikon-ruzi-zabon-davlati-tabrik-1080945640.html
Эмомалӣ Раҳмон тоҷиконро бо Рӯзи забони давлатӣ табрик кард
Эмомалӣ Раҳмон тоҷиконро бо Рӯзи забони давлатӣ табрик кард
Sputnik Тоҷикистон
Раисҷумҳури Тоҷикистон аз олимони соҳа даъват кардааст, ки навигариҳои илму соҳавиро бо забони адабии тоҷикӣ дар интернет бештар ворид намоянд
2026-10-05T09:36+0500
2026-10-05T09:36+0500
2026-10-05T09:59+0500
дар тоҷикистон
эмомалӣ раҳмон
забони тоҷикӣ
маориф
фарҳанг
https://cdnn1.img.sputnik.tj/img/07ea/09/17/1080658255_177:61:2048:1113_1920x0_80_0_0_f9345e609ad0698f169995acd8e49601.jpg
ДУШАНБЕ, 5 окт— Sputnik. Эмомалӣ Раҳмон, раисиҷумҳури Тоҷикистон, тоҷиконро ба муносибати Рӯзи забони давлатӣ табрику шодбош гуфт.Дар ин бора котиботи роҳбари давлат хабар дод.Ба иттилои манбаъ, Эмомалӣ Раҳмон дар паёми шодбошияш гуфт, забони ширину гӯшнавози тоҷикии форсӣ дар тӯли таърихи чандинҳазорсолаи миллати тоҷик ҳамчун унсури асосии муттаҳидсоз ва ойинаи фарҳангу тамаддуни бостонии мо хизмат кардааст ва имрӯз низ ин рисолати муқаддасро бо тавонмандии бештар иҷро карда истодааст.Ба гуфтаи президент, дар шароити шиддат гирифтани таъсиргузориҳои забонӣ мутахассисони соҳаро зарур аст, ки низоми истилоҳсозии забонро аз ҳисоби имкониятҳои маъноиву луғавии он боз ҳам ғанӣ гардонанд ва дар заминаи захираи луғавии аслии тоҷикӣ истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд."Истифодаи меъёрҳои забони адабии тоҷикӣ дар шабакаи ҷаҳонии интернет низ аз олимону мутахассисони соҳа талаб мекунад, ки навигариҳои илмиву соҳавиро, бо дарназардошти арзишҳои милливу фарҳангии мардуми тоҷик, ба хотираи он ворид намоянд",- таъкид кардааст сарвари давлат.Ба таъкиди раисҷумҳур, насли наврас ва ҷавонони мо бояд огоҳ бошанд, ки бе донистани забони адабии тоҷикӣ ва риояи қоидаҳои маъноиву дастурии он омӯхтан ва аз худ намудани забонҳои хориҷӣ бисёр мушкил ва ҳатто номумкин аст.Фарзандони мо бояд дарк намоянд, ки забон на танҳо василаи ибрози андеша, балки падидаи нодири иҷтимоиест, ки дар он таъриху тамаддуни пурифтихор, фарҳангу маънавиёти гаронбаҳои мардумӣ ва эҳсоси баланди худшиносиву ватандӯстӣ нуҳуфтааст, амадааст дар паёми табрикӣ.
https://sputnik.tj/20260905/rahmon-afrodi-asolatbokhta-tojikiston-jangro-tahmil-1080199411.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, эмомалӣ раҳмон, забони тоҷикӣ, маориф, фарҳанг
дар тоҷикистон, эмомалӣ раҳмон, забони тоҷикӣ, маориф, фарҳанг
Эмомалӣ Раҳмон тоҷиконро бо Рӯзи забони давлатӣ табрик кард
09:36 05.10.2026 (Навсозишуда: 09:59 05.10.2026) Раисҷумҳури Тоҷикистон аз олимони соҳа даъват кардааст, ки навигариҳои илму соҳавиро бо забони адабии тоҷикӣ дар интернет бештар ворид намоянд
ДУШАНБЕ, 5 окт— Sputnik. Эмомалӣ Раҳмон, раисиҷумҳури Тоҷикистон, тоҷиконро ба муносибати Рӯзи забони давлатӣ табрику шодбош гуфт.
Дар ин бора котиботи роҳбари давлат хабар дод.
Ба иттилои манбаъ, Эмомалӣ Раҳмон дар паёми шодбошияш гуфт, забони ширину гӯшнавози тоҷикии форсӣ дар тӯли таърихи чандинҳазорсолаи миллати тоҷик ҳамчун унсури асосии муттаҳидсоз ва ойинаи фарҳангу тамаддуни бостонии мо хизмат кардааст ва имрӯз низ ин рисолати муқаддасро бо тавонмандии бештар иҷро карда истодааст.
"Забони тоҷикӣ, ки инъикосгару муаррифгари андешаву афкори миллӣ ва арзишу дастовардҳои мо мебошад, гузаштаи пурифтихори моро ба имрӯзи босаодат ва фардои дурахшони миллату давлат пайванди ҷовидонӣ мебахшад",- гуфтааст раисҷумҳур.
Ба гуфтаи президент, дар шароити шиддат гирифтани таъсиргузориҳои забонӣ мутахассисони соҳаро зарур аст, ки низоми истилоҳсозии забонро аз ҳисоби имкониятҳои маъноиву луғавии он боз ҳам ғанӣ гардонанд ва дар заминаи захираи луғавии аслии тоҷикӣ истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд.
"Истифодаи меъёрҳои забони адабии тоҷикӣ дар шабакаи ҷаҳонии интернет низ аз олимону мутахассисони соҳа талаб мекунад, ки навигариҳои илмиву соҳавиро, бо дарназардошти арзишҳои милливу фарҳангии мардуми тоҷик, ба хотираи он ворид намоянд",- таъкид кардааст сарвари давлат.
Ба таъкиди раисҷумҳур, насли наврас ва ҷавонони мо бояд огоҳ бошанд, ки бе донистани забони адабии тоҷикӣ ва риояи қоидаҳои маъноиву дастурии он омӯхтан ва аз худ намудани забонҳои хориҷӣ бисёр мушкил ва ҳатто номумкин аст.
Фарзандони мо бояд дарк намоянд, ки забон на танҳо василаи ибрози андеша, балки падидаи нодири иҷтимоиест, ки дар он таъриху тамаддуни пурифтихор, фарҳангу маънавиёти гаронбаҳои мардумӣ ва эҳсоси баланди худшиносиву ватандӯстӣ нуҳуфтааст, амадааст дар паёми табрикӣ.
