Путин хост, дар масъалаи товофуқ оид ба Украина ба саросемагӣ роҳ дода нашавад
© POOL
/ Обуна шудан
Президенти Русия гуфт, ки пешниҳодҳои экзотикии кунунӣ барои ҳалли буҳрони Украина барои Русия қобили қабул нестанд
ДУШАНБЕ, 23 август – Sputnik. Ҳамлаҳои Русия ба ҳадафҳо дар Украина муассир ва саривақтӣ буда, ба сарбозони ҷабҳа кӯмак мерасонанд.
Президенти Русия Владимир Путин инро дар мусоҳиба бо хабаргузории ИА "Вести" изҳор дошт.
"Албатта, ин ҳамлаҳо муассиранд. Онҳо саривақтӣ мебошанд. Ва бешубҳа, ин ба сарбозони мо, бачаҳои мо, қаҳрамонони мо дар ҷабҳа кӯмак мекунад, ки вазифаҳои ҷангии худро ҳал кунанд", - гуфт президент.
Ӯ афзуд, ки ҳамлаҳои Нерӯҳои Мусаллаҳи Русия ба ҳадафҳои Украина қобилияти корхонаҳои саноати дифоъи Украинаро барои такмил додани силоҳҳои худ халалдор мекунанд.
Путин идома дод, ки Русия барои муколама дар бораи сулҳ бо Украина омода аст, аммо танҳо дар асоси воқеиятҳо дар маҳал.
"Мо ҳамеша барои муколама дар бораи сулҳ омодаем, аммо танҳо дар асоси воқеиятҳо дар маҳал", - гуфт сарвари давлат.
Вай инчунин пешниҳодҳои экзотикии айни замон барои ҳалли буҳрони Украина пешниҳодшударо барои Русия ғайри қобили қабул номид.
Изҳороти дигари муҳими раҳбари Русия:
Украина бо иштироки мустақими сарпарастони Ғарб силоҳҳои худро такмил медиҳад.
Ҳамлаҳо ба ҳадафҳо дар Украина ба баргузории амалиётҳои низомӣ таъсири мустақим ва мусбат мерасонанд.
Рақибони Русия муддати тӯлонӣ орзу мекарданд ва дар бораи ҳадафи хароб кардани кишвар пайваста сӯҳбат мекарданд.
Режими Киев ва соҳибони он бар Русия ягон бартарӣ нагирифтаанд ва ҳеҷ гоҳ нахоҳанд гирифт.
Неонозиҳо имрӯз аз содир кардани ҷиноятҳо алайҳи шаҳрвандон қаноатмандии хосе пайдо мекунанд.
Тамоюли рушди фалокатбор барои Киев аён аст. Киев вақте ки ба ҳадафҳои шаҳрвандӣ дар Федератсияи Русия ҳамла карданро оғоз кард, "қуттии Пандора"-ро кушод ва посух мегирад.
Душман кӯшиш мекунад, ки русҳоро тарсонад ва интихоботро халалдор кунад.
Баррасии муқаррароте, ки метавонанд асоси созишномаи сулҳро дар бораи Украина ташкил диҳанд, ҳанӯз барвақт аст.
Давлати Украина аз фасод хароб мешавад.
Русия ба андешаҳои миёнҷигарон дар масъалаи Украина эҳтиром мегузорад.
Путин имкони норасоӣ дар бозори ҷаҳонии ғалларо, ки гӯё аз сабаби ҳамлаҳои Русия ба бандарҳои Украина аст, рад кард.
