https://sputnik.tj/20260811/obuloy-millionho-somoni-pul-buja-sughd-ojonsi-navohi-beshtar-1079597102.html
Обулойи миллионҳо сомонӣ пули буҷа дар Суғд: Оҷонсӣ гуфт, дар кадом навоҳӣ бештар
Обулойи миллионҳо сомонӣ пули буҷа дар Суғд: Оҷонсӣ гуфт, дар кадом навоҳӣ бештар
Sputnik Тоҷикистон
Ҳолатҳои азхудкунии амволи давлатӣ, қалбакӣ кардани рақамҳо ва тамаъҷӯӣ бештар дар шаҳрҳо ва ноҳияҳои калони вилояти Суғд сабт шудаанд
2026-08-11T11:51+0500
2026-08-11T11:51+0500
2026-08-11T11:51+0500
дар тоҷикистон
суғд
коррупсия
буҷа
пора
https://cdnn1.img.sputnik.tj/img/102422/12/1024221203_0:364:1365:1132_1920x0_80_0_0_66fc3641aa39cbdcc5fe8bf260a3305e.jpg
ДУШАНБЕ, 11 авг - Sputnik. Кормандони Сарраёсати Оҷонсии назорати давлатии молиявӣ ва мубориза бо коррупсия дар вилояти Суғд зарфи ним соли гузашта 241 чунин ҷиноятҳоро ошкор карданд.Дар ин бора дар як хабарномаи матбуотии ин ниҳод иттило дода шудааст.Ба гуфтаи мақомот, зарар аз ин ҷиноятҳо 28 миллион сомонӣ арзёбӣ мешавад. Аз ин миқдор 15 миллион ба хазинаи давлат баргардонида шуд. Боз 10,6 миллион ба шахсони алоҳида ва соҳибкорон баргардонида шуда, маблағи умумии барқароршуда ба 25,6 миллион сомонӣ расонда шуд. Ҳуқуқи дигар ҷабрдидагон ҳам қариб пурра барқарор карда шуд.Шумораи бештари парвандаҳо вобаста ба фасодкорӣ, ё худ 74 ҳолат дар шаҳри Хуҷанд ошкор шудааст. Дар Гулистон 23 ва дар Исфара ба 19 далели фасод ба қайд гирифта шуд. Дар ноҳияҳои Бобоҷон Ғафуров, Ҷаббор Расулов, Спитамен ва Деваштич мутаносибан 48, 19, 8 ва 14 қонуншикании фасод ба қайд гирифта шудааст.Дар ҳамин ҳол, дар баъзе ноҳияҳо теъдоди қонуншиканӣ дар ин самт коҳиш ёфтааст. Дар муқоиса бо нимаи аввали соли 2025, дар Конибодом шумораи парвандаҳо ба 6 адад, дар Истаравшан ба 1, дар ноҳияи Шаҳристон ба 2, дар ноҳияи Ашт ба 4 ва дар Зафаробод ба 1 адад коҳиш ёфтааст.Аксари қонуншиканиҳои коррупсионӣ ба соҳаҳои тандурустӣ, маориф, адлия, энергетика, хадамоти шуғл ва заминсозӣ рост меояд.Коршиносон афзоиши чунин ҷиноятҳоро дар шаҳрҳои калон табиӣ номида, онро ба афзоиши миқёси истеҳсолот, тиҷорат ва савдо, шумораи аҳолӣ ва теъдоди муассисаҳои таълимӣ, беморхонаҳо ва дигар муассисаҳо рабт медиҳанд. Аммо, онҳо инчунин риояи сусти қонун ва набудани чораҳои пешгирикунандаро қайд мекунанд.Кормандони оҷонсӣ ин ҷиноятҳоро на танҳо ба тағйироте, ки барои тиҷорат озодии бештар фароҳам меорад, балки дар психологияи шаҳрвандони оддӣ, ки барои сарват ва шароити беҳтари зиндагӣ талош мекунанд, низ нисбат медиҳанд."Чунин бояд набошад, мақомоти давлатӣ якҷоя бо ҷомеаи шаҳрвандӣ дар эҷоди муҳите бояд муваффақ шаванд, ки дар он меъёрҳои тарбия ва назорати иҷрои қонун нақши калидӣ дошта бошад." – мегӯяд сардори шӯъбаи Оҷонсии мубориза бо коррупсия дар вилояти Суғд Шодком Турсунзода.Хотиррасон мекунем, ки дар Тоҷикистон Стратегияи давлатии мубориза бо коррупсия то соли 2030 амалӣ мегардад. Ин ҳуҷҷат барои коҳиш додани қонуншиканӣ тавассути такмили қонунгузорӣ, ҷорӣ намудани технологияҳои рақамии шаффофият дар мақомоти давлатӣ ва баланд бардоштани саводнокии ҳуқуқӣ ва маърифати зиддикоррупсионӣ барои аҳолӣ равона шудааст.
https://sputnik.tj/20260725/kadom-nihodho-fasod-1079222571.html
суғд
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, суғд, коррупсия, буҷа, пора
дар тоҷикистон, суғд, коррупсия, буҷа, пора
Обулойи миллионҳо сомонӣ пули буҷа дар Суғд: Оҷонсӣ гуфт, дар кадом навоҳӣ бештар
Ҳолатҳои азхудкунии амволи давлатӣ, қалбакӣ кардани рақамҳо ва тамаъҷӯӣ бештар дар шаҳрҳо ва ноҳияҳои калони вилояти Суғд сабт шудаанд
ДУШАНБЕ, 11 авг - Sputnik. Кормандони Сарраёсати Оҷонсии назорати давлатии молиявӣ ва мубориза бо коррупсия дар вилояти Суғд зарфи ним соли гузашта 241 чунин ҷиноятҳоро ошкор карданд.
Дар ин бора дар як хабарномаи матбуотии ин ниҳод иттило дода шудааст.
Ба гуфтаи мақомот, зарар аз ин ҷиноятҳо 28 миллион сомонӣ арзёбӣ мешавад. Аз ин миқдор 15 миллион ба хазинаи давлат баргардонида шуд. Боз 10,6 миллион ба шахсони алоҳида ва соҳибкорон баргардонида шуда, маблағи умумии барқароршуда ба 25,6 миллион сомонӣ расонда шуд. Ҳуқуқи дигар ҷабрдидагон ҳам қариб пурра барқарор карда шуд.
Шумораи бештари парвандаҳо вобаста ба фасодкорӣ, ё худ 74 ҳолат дар шаҳри Хуҷанд ошкор шудааст. Дар Гулистон 23 ва дар Исфара ба 19 далели фасод ба қайд гирифта шуд. Дар ноҳияҳои Бобоҷон Ғафуров, Ҷаббор Расулов, Спитамен ва Деваштич мутаносибан 48, 19, 8 ва 14 қонуншикании фасод ба қайд гирифта шудааст.
Дар ҳамин ҳол, дар баъзе ноҳияҳо теъдоди қонуншиканӣ дар ин самт коҳиш ёфтааст. Дар муқоиса бо нимаи аввали соли 2025, дар Конибодом шумораи парвандаҳо ба 6 адад, дар Истаравшан ба 1, дар ноҳияи Шаҳристон ба 2, дар ноҳияи Ашт ба 4 ва дар Зафаробод ба 1 адад коҳиш ёфтааст.
Аксари қонуншиканиҳои коррупсионӣ ба соҳаҳои тандурустӣ, маориф, адлия, энергетика, хадамоти шуғл ва заминсозӣ рост меояд.
Коршиносон афзоиши чунин ҷиноятҳоро дар шаҳрҳои калон табиӣ номида, онро ба афзоиши миқёси истеҳсолот, тиҷорат ва савдо, шумораи аҳолӣ ва теъдоди муассисаҳои таълимӣ, беморхонаҳо ва дигар муассисаҳо рабт медиҳанд. Аммо, онҳо инчунин риояи сусти қонун ва набудани чораҳои пешгирикунандаро қайд мекунанд.
"Мутаассифона, дар кишвар бинобар бемасъулиятии мақомдорон ва бепарвоии шаҳрвандон муҳити таҳаммулнопазирӣ нисбат ба ин падида фароҳам оварда нашудааст,"-қайд мекунад таҳлилгари суғдӣ Алишер Охунов.
Кормандони оҷонсӣ ин ҷиноятҳоро на танҳо ба тағйироте, ки барои тиҷорат озодии бештар фароҳам меорад, балки дар психологияи шаҳрвандони оддӣ, ки барои сарват ва шароити беҳтари зиндагӣ талош мекунанд, низ нисбат медиҳанд.
"Чунин бояд набошад, мақомоти давлатӣ якҷоя бо ҷомеаи шаҳрвандӣ дар эҷоди муҳите бояд муваффақ шаванд, ки дар он меъёрҳои тарбия ва назорати иҷрои қонун нақши калидӣ дошта бошад." – мегӯяд сардори шӯъбаи Оҷонсии мубориза бо коррупсия дар вилояти Суғд Шодком Турсунзода.
Хотиррасон мекунем, ки дар Тоҷикистон Стратегияи давлатии мубориза бо коррупсия то соли 2030 амалӣ мегардад. Ин ҳуҷҷат барои коҳиш додани қонуншиканӣ тавассути такмили қонунгузорӣ, ҷорӣ намудани технологияҳои рақамии шаффофият дар мақомоти давлатӣ ва баланд бардоштани саводнокии ҳуқуқӣ ва маърифати зиддикоррупсионӣ барои аҳолӣ равона шудааст.
