https://sputnik.tj/20260723/zamini-jinoi-parvandahoi-zamin-mansabdor-giriftor-1079183037.html
"Замини ҷиноӣ": Парвандаҳои замин чанд мансабдорро гирифтор кард?
"Замини ҷиноӣ": Парвандаҳои замин чанд мансабдорро гирифтор кард?
Sputnik Тоҷикистон
Додситони кулли Тоҷикистон аз оғози беш аз 100 парвандаи ҷиноӣ дар заминаи нақзи қавонини марбут ба замин хабар дод
2026-07-23T18:43+0500
2026-07-23T18:43+0500
2026-07-23T18:43+0500
дар тоҷикистон
прокуратура
прокуратураи генералӣ
фасод
коррупсия
https://cdnn1.img.sputnik.tj/img/07e8/0a/11/1064753271_0:67:1280:787_1920x0_80_0_0_00e2284e160bf5f78f7eee3894f8e79a.jpg
ДУШАНБЕ, 23 июл - Sputnik. Тамоми ин парвандаҳо мақомоти масъул аз сатҳи раҳбарии шаҳру ноҳияҳо то ҷамоатҳо ва ҳамчунин масъулони хоҷагиҳои деҳқониро дарбар мегирад.Ҳабибуллоҳ Воҳидзода, Прокурори генералии Тоҷикистон, дар нишасти хабарӣ эълом кард, ки нақзи қавонини марбут ба замин ҳамчунон яке аз мушкилоти ҷиддии кишвар боқӣ мондааст.Ба гуфтаи вай, додситонӣ дар шашмоҳаи нахусти соли ҷорӣ, дар иртибот бо иҷрои қавонини замин, 133 мақоми масъулро таҳти пайгарди ҷиноӣ қарор додааст.“Аз миёни онҳо, 14 нафар аз кормандони ниҳодҳои иҷроии давлат ҳастанд, ки 7 нафари онҳоро танҳо муовинони раисони шаҳрҳо ва ноҳияҳо ташкил медиҳанд”, - гуфт Прокурори генералӣ.Вай афзуд, дар миёни ин афрод, 7 меъмор, 29 нафар аз кормандони ҷамоатҳо, шаҳракҳо ва деҳистонҳо, 52 нафар аз кормандони идораҳои замин, 31 нафар аз мудирони хоҷагиҳои деҳқонӣ ва масъулони бойгонӣ низ ҳузур доранд.Ба гуфтаи ӯ, прокурорҳо дар ин муддат нисбат ба тасмимҳои ғайриқонунии раисони шаҳрҳо ва ноҳияҳо як ҳазору 300 мавриди эътирози расмӣ сабт кардаанд.“Аз ин теъдод, як ҳазору 18 маврид мустақиман ба қавонини замин марбут мешавад; яъне 78 дарсади тасмимҳои лағвшуда ба тахаллуфот дар ҳавзаи қавонини замин иртибот дорад”, - гуфт Прокурори генералӣ.Ба гуфтаи ӯ, дар ҳамин муддат 107 гектар замине, ки ба таври ғайриқонунӣ тасарруф шуда буд, ба вазъияти аввалия бозгардонида шуд.Нақзи қавонини марбут ба замин тайи 30 соли гузашта яке аз муҳимтарин ва ҳассостарин масоили ҷомеаи Тоҷикистон ба шумор меравад. Гузоришҳои ғайрирасмӣ нишон медиҳад, ки дар раванди тасарруфи ғайриқонунии замин аз тариқи созукорҳои расмӣ, даҳҳо миллион сомонӣ гардиши молӣ вуҷуд дорад; рақаме, ки сабт ва муҳосибаи дақиқи он аз тавони ҳар ниҳоде хориҷ аст.
https://sputnik.tj/20260719/pul-ob-shikoyat-rais-agenti-beodosht-zamin-kishovarzon-1079059058.html
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, прокуратура, прокуратураи генералӣ, фасод, коррупсия
дар тоҷикистон, прокуратура, прокуратураи генералӣ, фасод, коррупсия
"Замини ҷиноӣ": Парвандаҳои замин чанд мансабдорро гирифтор кард?
Додситони кулли Тоҷикистон аз оғози беш аз 100 парвандаи ҷиноӣ дар заминаи нақзи қавонини марбут ба замин хабар дод
ДУШАНБЕ, 23 июл - Sputnik. Тамоми ин парвандаҳо мақомоти масъул аз сатҳи раҳбарии шаҳру ноҳияҳо то ҷамоатҳо ва ҳамчунин масъулони хоҷагиҳои деҳқониро дарбар мегирад.
Ҳабибуллоҳ Воҳидзода, Прокурори генералии Тоҷикистон, дар нишасти хабарӣ эълом кард, ки нақзи қавонини марбут ба замин ҳамчунон яке аз мушкилоти ҷиддии кишвар боқӣ мондааст.
"Мутаассифона, ҳанӯз ҳам дар заминаи қавонини замин, судури тасмимҳои ғайриқонунӣ аз сӯи раисони шаҳрҳову ноҳияҳо ва ҳамчунин тасарруфи худсаронаи қитъаҳои замин идома дорад”, - гуфт ӯ.
Ба гуфтаи вай, додситонӣ дар шашмоҳаи нахусти соли ҷорӣ, дар иртибот бо иҷрои қавонини замин, 133 мақоми масъулро таҳти пайгарди ҷиноӣ қарор додааст.
“Аз миёни онҳо, 14 нафар аз кормандони ниҳодҳои иҷроии давлат ҳастанд, ки 7 нафари онҳоро танҳо муовинони раисони шаҳрҳо ва ноҳияҳо ташкил медиҳанд”, - гуфт Прокурори генералӣ.
Вай афзуд, дар миёни ин афрод, 7 меъмор, 29 нафар аз кормандони ҷамоатҳо, шаҳракҳо ва деҳистонҳо, 52 нафар аз кормандони идораҳои замин, 31 нафар аз мудирони хоҷагиҳои деҳқонӣ ва масъулони бойгонӣ низ ҳузур доранд.
“Ҳамаи ин афрод касоне ҳастанд, ки мустақиман дар раванди тасарруфи ғайриқонунии замин мушорикат доштаанд”, - гуфт Ҳабибуллоҳ Воҳидзода.
Ба гуфтаи ӯ, прокурорҳо дар ин муддат нисбат ба тасмимҳои ғайриқонунии раисони шаҳрҳо ва ноҳияҳо як ҳазору 300 мавриди эътирози расмӣ сабт кардаанд.
“Аз ин теъдод, як ҳазору 18 маврид мустақиман ба қавонини замин марбут мешавад; яъне 78 дарсади тасмимҳои лағвшуда ба тахаллуфот дар ҳавзаи қавонини замин иртибот дорад”, - гуфт Прокурори генералӣ.
Ба гуфтаи ӯ, дар ҳамин муддат 107 гектар замине, ки ба таври ғайриқонунӣ тасарруф шуда буд, ба вазъияти аввалия бозгардонида шуд.
“Аз ин пас низ назорат бар риоят ва иҷрои қавонини замин яке аз авлавиятҳои аслии фаъолияти прокурорҳои Тоҷикистон хоҳад буд ва афроде, ки ин қавонинро нақз кунанд, муҷозот хоҳанд шуд”, - афзуд Ҳабибуллоҳ Воҳидзода.
Нақзи қавонини марбут ба замин тайи 30 соли гузашта яке аз муҳимтарин ва ҳассостарин масоили ҷомеаи Тоҷикистон ба шумор меравад. Гузоришҳои ғайрирасмӣ нишон медиҳад, ки дар раванди тасарруфи ғайриқонунии замин аз тариқи созукорҳои расмӣ, даҳҳо миллион сомонӣ гардиши молӣ вуҷуд дорад; рақаме, ки сабт ва муҳосибаи дақиқи он аз тавони ҳар ниҳоде хориҷ аст.
