https://sputnik.tj/20260621/khovaling-dehkadai-sayyohi-bunyod-1078455906.html
Дар ноҳияи Ховалинг Деҳкадаи сайёҳӣ бунёд шуд
Дар ноҳияи Ховалинг Деҳкадаи сайёҳӣ бунёд шуд
Sputnik Тоҷикистон
Деҳкадаи сайёҳӣ бо мақсади муаррифии тарзи ҳаёти суннатии мардуми тоҷик бунёд гардида, дар он намунаҳои беҳтарини меъмории миллӣ таҷассум ёфтаанд, мегӯяд хадамоти матбуотии президент
2026-06-21T10:31+0500
2026-06-21T10:31+0500
2026-06-21T10:31+0500
дар тоҷикистон
ховалинг
эмомалӣ раҳмон
сайёҳӣ
туризм
шаҳрак
https://cdnn1.img.sputnik.tj/img/07ea/06/14/1078455219_0:107:2048:1259_1920x0_80_0_0_2df20f2f76f7e8aeab6b0895bcfd7715.jpg
ДУШАНБЕ, 21 июн - Sputnik. Дар деҳоти ба номи Ғаффор Мирзои ноҳияи Ховалинг Деҳкадаи сайёҳӣ ба баҳрабардорӣ расид.Дар маросими ифтитоҳи макони сайёҳӣ президенти Тоҷикистон Эмомалӣ Раҳмон ширкат кард, хабар медиҳад хадамоти матбуотии раисиҷумҳур.Гуфта мешавад, ки сохтмони иншоот аз моҳи марти соли 2025 оғоз гардида, дар муҳлати муайяншуда дар масоҳати беш аз 1 гектар аз ҷониби соҳибкори маҳаллӣ Абдулло Ҳасанзода сохта шудааст.Ҳамакнун дар ин мавзеи сайёҳӣ - 20 сокини маҳаллӣ бо кори доимӣ таъмин гардидаанд.Деҳкадаи сайёҳӣ дар қисми ҷанубу шарқии ноҳияи Ховалинг аз маркази ноҳия дар масофаи 9,5 км дуртар ҷойгир буда, дорои ошхонаи барҳаво бо 50 ҷойи нишаст дар як вақт, мавзеи гулханафрӯзӣ бо меъмории таърихӣ, ҷойҳои бозию дилхушӣ ва роҳраву гулгаштҳои назаррабо мебошад.Деҳкадаи сайёҳӣ бо мақсади муаррифии тарзи ҳаёти суннатии мардуми тоҷик бунёд гардида, дар он намунаҳои беҳтарини меъмории миллӣ таҷассум ёфтаанд.Биноҳо ва иншооти деҳакада бо услуби анъанавӣ сохта шуда, шаклу намуди онҳо ба хонаҳои қадимаи тоҷикон шабоҳат доранд.Истифодаи унсурҳои миллӣ дар тарҳи биноҳо, айвонҳои кандакорӣ, деворҳои ороёфта ва муҳити зебои атроф ба ин мавзеъ ҳусну таровати хос бахшидааст.Мақомот мегӯяд, нақши Деҳкадаи сайёҳӣ дар ҷалби сайёҳони дохиливу хориҷӣ назаррас арзёбӣ мешавад.Эмомалӣ Раҳмон ба сатҳу сифати корҳои анҷомёфта баҳои баланд дода, онро намунаи хуби истифодаи имкониятҳои сайёҳӣ ва эҳёи анъанаҳои миллӣ арзёбӣ намудааст.
https://sputnik.tj/20260620/emomali-rahmon-khovaling-raft-1078441052.html
ховалинг
Sputnik Тоҷикистон
info@sputnik.tj
+74956456601
MIA „Rossiya Segodnya“
2026
Sputnik Тоҷикистон
info@sputnik.tj
+74956456601
MIA „Rossiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rossiya Segodnya“
Sputnik Тоҷикистон
info@sputnik.tj
+74956456601
MIA „Rossiya Segodnya“
дар тоҷикистон, ховалинг, эмомалӣ раҳмон, сайёҳӣ , туризм, шаҳрак
дар тоҷикистон, ховалинг, эмомалӣ раҳмон, сайёҳӣ , туризм, шаҳрак
Дар ноҳияи Ховалинг Деҳкадаи сайёҳӣ бунёд шуд
Деҳкадаи сайёҳӣ бо мақсади муаррифии тарзи ҳаёти суннатии мардуми тоҷик бунёд гардида, дар он намунаҳои беҳтарини меъмории миллӣ таҷассум ёфтаанд, мегӯяд хадамоти матбуотии президент
ДУШАНБЕ, 21 июн - Sputnik. Дар деҳоти ба номи Ғаффор Мирзои ноҳияи Ховалинг Деҳкадаи сайёҳӣ ба баҳрабардорӣ расид.
Дар маросими ифтитоҳи макони сайёҳӣ президенти Тоҷикистон Эмомалӣ Раҳмон ширкат кард, хабар медиҳад хадамоти матбуотии раисиҷумҳур.
Гуфта мешавад, ки сохтмони иншоот аз моҳи марти соли 2025 оғоз гардида, дар муҳлати муайяншуда дар масоҳати беш аз 1 гектар аз ҷониби соҳибкори маҳаллӣ Абдулло Ҳасанзода сохта шудааст.
Ҳамакнун дар ин мавзеи сайёҳӣ - 20 сокини маҳаллӣ бо кори доимӣ таъмин гардидаанд.
Деҳкадаи сайёҳӣ дар қисми ҷанубу шарқии ноҳияи Ховалинг аз маркази ноҳия дар масофаи 9,5 км дуртар ҷойгир буда, дорои ошхонаи барҳаво бо 50 ҷойи нишаст дар як вақт, мавзеи гулханафрӯзӣ бо меъмории таърихӣ, ҷойҳои бозию дилхушӣ ва роҳраву гулгаштҳои назаррабо мебошад.
Деҳкадаи сайёҳӣ бо мақсади муаррифии тарзи ҳаёти суннатии мардуми тоҷик бунёд гардида, дар он намунаҳои беҳтарини меъмории миллӣ таҷассум ёфтаанд.
Биноҳо ва иншооти деҳакада бо услуби анъанавӣ сохта шуда, шаклу намуди онҳо ба хонаҳои қадимаи тоҷикон шабоҳат доранд.
Истифодаи унсурҳои миллӣ дар тарҳи биноҳо, айвонҳои кандакорӣ, деворҳои ороёфта ва муҳити зебои атроф ба ин мавзеъ ҳусну таровати хос бахшидааст.
Мақомот мегӯяд, нақши Деҳкадаи сайёҳӣ дар ҷалби сайёҳони дохиливу хориҷӣ назаррас арзёбӣ мешавад.
"Мавҷудияти чунин маҷмаа имкон медиҳад, ки меҳмонон на танҳо аз манзараҳои зебои табиати ноҳия баҳра баранд, балки бо фарҳангу тамаддуни бостонии тоҷикон аз наздик шинос шаванд", - омадааст дар хабарнома.
Эмомалӣ Раҳмон ба сатҳу сифати корҳои анҷомёфта баҳои баланд дода, онро намунаи хуби истифодаи имкониятҳои сайёҳӣ ва эҳёи анъанаҳои миллӣ арзёбӣ намудааст.
